احنا من النوع اللي نحب ناكل سمج بجميع أنواعه
بس الكريه فيه ريحته خصوصا بعد القلي!!!!
فحابة أعرف طريقة تخلي ريحة السمج تروح باي باي 
اللي تعرف لا تبخل عليي عروسااات
هلا اخي
عن تجربة
احرقي قشر برتقال وليمون 
غريبة لا
بس صديقني يروح الريحة خلي القشر على الفرن يحترق وبتشوفين النتيجة
وفي طريقة ثانية بس ما جربتها سمعت عنها تخلين دارسين يطبخ ويمتص الريحة
جربي وخبرينا
حبوبة تعرفين الابيض الي يجي ويا الشبة ماادري شيسمونها
هذا اتسوينها مثل البخور وبتخرب فيها الببيت وتمتص الريحة هذه الطريقة معروف عدنا في البحرين
هذا اتسوينها مثل البخور وبتخرب فيها الببيت وتمتص الريحة هذه الطريقة معروف عدنا في البحرين
قليك للسمك اغلي بعض من حبات الهيل والقرفة والقرنفل في قدر ماء بجوار مقلاة السمك وستجدين ان الماء سيمتص الرائحة ويتحول لون الماء الى اللون الاسود .
وداعاً لرائحة السمك
مايحتاج كل هذا ..
أصلا تقدرين ماتخلين للسمج ريحه من أساس ..
وعن تجربه ..
إذا بهرتين السمج , أخذي ليمونه وأعصريها فوقه وثوم أبشريه معاه
بتقلين السمج وبتستغربين ان ماكو ريحه للسمج .. وبتقولين قالت حزن ناعم
عن تجربه والله ..
وبالعافيه .. شفيتيني ع سمج