خواتي عندي سؤال صغيرون ….
شو احسن ماركه تبيع احسن شنطة مكياج
يعني الشنطه معبأه بالمكياج تكون جاهزة
و عندي مثال لهالشنطه :
و عندي سؤال ثاني
ناويه اشتري مكياج من جيرلان …..
شو أفضل شي عندهم غير الاساس و البودره
يعني ( ايشدو + روج + قلوس + ماسكارا + كحل )
و كريمات الاضاءه و غيره و لمعات …… الخ
و ماركة بن ناي و كريولان و ين تنباع بالامارات و شو احسن شي عندهم
ياليت تفيدوني يزاكم الله خير
امممممممممممممممممممممممممم
شانيل – ايف سان لوران – كلينك وغيرها من الماركات
ماقد شفت عندهم شنط جاهزه بالمكياج
يعني مثلا من ميك اب فوور ايفر يبيعوووون شنط جاهزه بس باختيارج انتي تعبينها بالمكياج وكل شي يكون بسعره
ونفس الشنطه اللي في الصووووره تحصلين منها انواع واشكال في محلات الدبنهامز بس ماشدو انتباهي لان الماركه مش معرووفه بالنسبه لي
واغلب الماركات المعروووفه تبيع علب صغيره مكياج مثل اللي نشوفهم في مطار الحره وشوفي موضوع الاخت عمري قطر وموضوعها بعنوان مكياجي الخاص بالصور
اما بالنسبه لماركة جيرلاين
ماحب ظلال العيون عندهم احس انه مب ثابت بس لميع هذا بالنسبه لي
بس احب القلووووسات والعطووور والكحل العربي اللي مثل الاثمد والبووودره و الكريم الاساس
اذا تبين اساله ثانيه عن ماركات ثانيه على العين والراس
و بالنسبه للشنطه قالوا لي ماركاتهم مب معروووفه
يعني برايج الافضل اشتري شنطه و اعبيها روحي بالمكياج من ماركات مختلفه باختياري ؟
و ياليت تخبروني أفضل شنط مكياج تشوفونها معمره يعني اتم فتره طويله و ما تتكسر و لا تتخدش
اما بالنسبه لماركة جيرلان
فعلا الايشدوا مالهم لمعته رهيييبه بس احترت فيه و ما أخذت شي ….
بس ليش مب ثابت و اغلبيتهم يقولون ماركة جيرلان قويه بمكياجها ؟! يعني ما تنصحيني فيه …..!!!
بالنسبه للماركات الثانيه
ابي اعرف الكونسيلر شو الافضل من اي ماركه و ابي منه الباليت اللي بعدة ألوان و ين بحصله ؟؟
و انا عدلت موضوعي سالت عن ماركة بن ناي و كريولان شو احسن شي عندهم
اذا عندج معلومه
و تسلمين الغاليه ثقلت عليج وايد
السموحه
وعليكم السلام ورحمة الله وبركاته ,,
أختي ما أنصحج تاخذين جنطة معبأة بالمكياج ,,, ليش ؟
أنا أقولج :
لأن الجنطة أحياناً كثيرة المكياج اللي فيها ما يكون ذا جودة عالية ,, أو الألوان اللي فيها باهتة
ما هي أساسية ,,
لذلك أنصحج تشترين جنطة فاضية وإنت تعبينها بالمنتجات اللي تناسبج ,,
يعني تاخذين من كل ماركة الجيد منها ,,
أتمنى إني أفدتج 
,, ولي رجعة
و ان شاء الله باخذ شنطه بعبيها روحي
بس خبروني من اي ماركه باخذ الشنطه و تكون زينه و جودتها عاليه ؟؟
و مشكوورين
اختي الشنطة الجيده مش تعتمد على الماركه..
اذا تبين نصيحتي روحي عند نزيه اللي يبيع ادوات تجميل عنده شنط اشكال وانواع واحجام واسعارهم وايد حلوه
وهن نفس الشنط اللي ياخذونهم الصالونات او خبيرات التجميل
تحياتي لج
بس ممكن تعطيني التفاصيل عن نزيه
وين مكانهم ؟ و لو عندج الرقم يكون افضل ؟؟
و السموحه منج
بس انتي تعبينها
والكونسيلر البليته اللي فيه عده الوان
من ميكب فور ايفر
وجيرلاين احب بلاشراتهم واساساتهم
انا انصحج تاخذين شنطه وتعبينها روووحج بالمكياج باللاساسيات اللي تبينها واللي تناسبج
اما بالنسبه للايشدوووو انا ماخسر الا على ماركة ماك والله اسير الكليه الصبح لين الساعه اربع العصر الايشدووو مايطيييير ولا اسير وارد اعدله في الكليه اما الباقي مثلا ماركة ايف سان لوووران وشانيل واستي لووودر والله ماتم احسبها اطيررر او تبهت عقب ساعتين الا ماك وكريوولاين وميك اب فورايفر
وبالنسبه للكوووونسيلر
ماخلييييت شي ماجربته لاني متلعوووزه من السواد اللي تحت العيووووون
ماحصلت شي احسن عن ماركه ميك اب فور ايفر
كونسيلر في بلته فيه ست الوان تقريبا على 120 درهم
وهذي صورته
اهم لوووون الكونسيلير اللي بالاحمر لانه يشفط لووون السووووواد وبعدين تحطييين فوقه اللون الاغمق وتفتحييينه اذا تبين بالالوان الباقيه
صديقتي مثلا ماحبت تشتري البلته كلها بس اشترت اللون الاحمر بس على 70 درهم او 60 درهم ماذكر عدل لانها تحب تحط فوقه ماركه ثانيه من الكونسيليرر بس انا اشتريت هاللبلته عشان استفيد من الالوان الباقيه من الكونسيلير وسعرها رخيص على 120 درهم تقريبا
وبالنسبه لشركة نزيه التجاااريه تعرفين الشارع اللي مقاااابيل ماركس سبنسر اللي في دبي اللي حذاله Toys R us هاك الصوووب بتحصلينه واذا حبيتي تاخذين رقمهم اتصلي بالبداله وقولي لهم ابا رقم شركة نزيه التجارية
واذا اي استفسار ثاني حاااضرين
 |
اقتباس |  |
 |
المشاركة الأساسية كتبها M!$s Reem |  |
 |
| بوبي براون عندهم شناط للمكياج بس انتي تعبينها والكونسيلر البليته اللي فيه عده الوان وجيرلاين احب بلاشراتهم واساساتهم |
||
 |
 |
تسلمين الغاليه
و افدتيني وايد يزاج الله خير
و ان شاء الله بشوف بوبي براون
و البليتات اللي عند فور ايفر
يعطيج العافيه