لازِلتُ أعاني ويا هالشيره والاباط
والله يا ناس ياعالم مو راضي يضبط معاي
ماادري الحلاوة فيها خلل وله انا استخدمها غلط
انا استخدم الحسناء
واذا حطيتها بسرعه تذوب وتتصلق على جسمي ومااقدر اشيلها 
وتصير معركه بيني وبينها
حتى اباطي يصير احمممر
بصيح والله … كلما ابي اعدل هالاباط واخليه فاتح ارجع اشيل ويسود مره ثانيه
لا تقولين لي طرق الشيل في الحلاوة لأني جربت طرقكم وماصار معاي
انتوا شنو تستخدمون من حلاوة واي نوع احسن
واذا كلش في احد منكم يستخدم الموس حق الاباط واباطها عادي فاتح لونه
بليز ساعدوني
بس لا انصح بالموس للاستخدام تحت الابط
بس لو عادى بالنسبالك متنسيش قبل الاستخدام تعقيم الموس جيدا و تعقيم المكان بديتول او اى مطهر
و هل جربتى الطرق الاخر مثل شرائح في فيت او ماكينه سلكابيل
و الاهم اختيار الطريقه التى تريحك
شكرا
لكن جربي الشمع الاخضر انا جربته وايد زين وهو في الصالونات تحصلينه ويمكن سواد الاباط من الموس
ونصيحه اذا استخدمتي شيرة في البيت ولصقت في اباطج ومعرفتي تشيلينها لا تنزعينها بقو ولكن يا انج تذوبينها بالماي او تاخذين قطعة قماش مضنوع من القطن مثل صراويل الرياييل وتحطينها على الشيرة العالقه وتنزعينها وبتقوم معاج
افضل اروح الصالون
واسعارهم وايد مناسبة في البحرين اختي
جربي وبتدعين لي
ذكرتيني بأول الايام ومعركتي مع الشيره ههههههههههه
انا فالبدايه ماكنت اعرف اشيل بذات بيدي اليسار فكنت اخذ قطع خلق قطنية واخلي الشيره شوي لينه وامدها على دلدوقي واحط بودره عشان ماتلصق وعقب الزق القطعه فوق الشيره واظغط على خفيف وعقب اشيلها مره وحده وبسرعه يقوم كل الشعر والألم يكون اقل
انا استخدم الحسناء وساعات الفاتنه بس الحسناء عندي احسن
يعني انتوا بعد تستخدمون الحسناء
الظاهر الخلل فيني انا
شكلي بستخدم طريقة تغلى في الشيل يمكن تنفع معاي
أم شجاع انا معاج يمكن الصالون احسن وايدهم خفيفه يشيلونه بسرعه وبدون احمرار او شي بس انا استحي
خاصه انه اباطي اسود اخاف اروح ويتطنزون وله شي واتفشل
فيني كآبه من هالشي
هي مره وحده ضبطت معاي وقدرت اشيل في الحلاوة بسرعه اما بعدين خلااااص