شو رايكم في Fair & lovely 2024.

الســــــــــلام عليكم جميعا

شحالكم ان شاء الله بخير

طبعا اكيد كلكم سمعتم عن كريم فير اند لفلي لأنه كريم قديم…..

بس منووه جرب هالكريم يخبرنا عنه……… لأنه لليوم ما سمعت حد يمدحه…….

يلا اللي مجربتنه او سامعه عنه شي تخبرنا

وتسلمون جميعا

هلا حبيبتي Yassat
اختي انا وحدة من هلي كانت تستخدمه ونفع معاها وبيضت
بس بعدين هدته لأنها سمعت ان مكوناته اذا استمريتي عليها (تسرطن)
وانا بعد سمعت جذي
ليش تستخدمين شي ممكن يضرج
عندج وصفات تبيض طبيعية وتنفع
احسن من الكيماويات
والله محد يدري شو ينحط فيهم

تحياتي
اختج
#رومانسية#

:down: محد يمدحه ويقولون يسبب السرطان بعيد عن الجميع ان شاء الله

انا ماستعملته

لكن في كريم مبيض وهو بصراحه للتصفيه افضل من التبيض ايش اهمية البياض بدون بشرة صافيه

كريم (كلارنس وايتينينج ) روعه

مايبيض بس اللي فيها اثار كلف بقع من الشمس تروح

ممتاز

آنا أستخدمته من فترة طووووووووويلة وتركته تقريبا ألحين من سبع سنوات…وكان عادي ماشفت منه أي شي
وحاليا ماأستخدم أي كريمات في ويهي لا مكياج ولاغيره..

السلام عليكم ورحمة الله

عن تجربه ..

بصراحه جربته تقريباً 5 سنوات .. وقت الدراسة .. وياب نتيجه … بشرتي صارت بيضه وصافيه .. و أحس انه يحميها من أشعة الشمس..

بالعكس صراحه … واااايد ممتاز ولو عني .. برجع أستخدمه بدون تردد ..

بس ألحينه ما عاد ينفعني .. لأني بنت كليـّه..

قمت أستخدم كريمات أساس .. لكنها على لون بشرتي وخفيفه .. ما تأثر ببشرتي ولا تضرها ..

بس بجد والله الكريم ممتاز .. وما عليه كلام ..

يفتح لون البشرة بس عقب فترة طويلة..

أطيب تحيه ..

انا استخدمته وما نفعني قام ايقشر ويهي

يعني بشرتي صاره جافه زياده عن اللازم

وما انصحج تستخدمينه

وما في شي احسن من الاشياء الطبيعيه

ربي يعطيج العافيه

السلام عليكم ورحمة الله وبركاته
مرحبا غاليتي ..
فيراندلفلي كريم ضار يجب اجتنابه

تقبلي شكري وتقديري
ام عدول

مرحبا كل الكريمات اللي في الدنيا تركيبهم واحد لكن مشكلتهم اذا تركتيهم ترجع البشرة نفس قبل وبالنسبه للامراض ماسمعنا عن اصابات ترا الناس ايحبون ايسون من النمله فيل…لول

بس اذا ادورين شي ايخلي البشرة حلوه كريمات الصينين قوم ريالين كانت عدنا بشكاره فلبينيه كل يوم اتحط بس كانت اتحط فليل واتقول عمرها 28 وعقب اكتشفنا في الجواز عمرها خمسين سنه…….بس اذا الواحد تركهم ترجع البشره نفس قبل……..شي عجيب والله

السلام عليكم
فعالية هذا الكريم او اي كريم ثاني يعتمد على نوع البشرة يعني اختي تستخدمه يقشر وجهها لكن انا عادي

لكن في الاول والاخير هذا النوع من الكريمات فيها نسبة ضئيلة من المواد الطبيعية والباقي كلها كيماويات وتخلي البشرة مؤقتا حلوة ولكن لما توصل لسن كبير تبدي التجاعيد تظهر وبشكل مبكر

فالافضل انج تستعملين اي كريمات او ماسكات فيها خلطات طبيعية وهذي منتشرة بكثير على الاقل اذا ما نفعتج ما بضرج

في امان الله