@* صينية المسقعة باللحم المفروم يم يم يم *@ 2024.

أهلا ياعرايس
دي طريقتي في المسقعة
صينية في الفرن مع اللحم المفروم..

المكونات..

4 حبات باذنجان شرائح
4 حبات فلفل شرائح
حبة بطاطس شرائح رفيعة
5 حبات طماطم متوسطة
لحم مفروم
بصلة – 2 فص ثوم مفروم..

****************

تحمري ( الباذنجان والفلفل والبطاطس ) وتعصجي اللحم المفروم .. بالبصل والزيت انا حطيت شوية بقدونس وشبت للنكهة..

تجهزي الصلصة..
تعصري الطماطم في الخلاط وتحمسي البصلة المفرومة مع فصين الثوم في الزيت ..

بعدين تضيفي عليها الطماطم ( من غير ماتصفيها عشان تكون سميكة ) والملح والبهارات..

وده شكل الصلصة بعد تمام النضج..

تجيبي الطاجن البايركس وتحطي فيه صلصة …

بعدين طبقة باذنجان..

ثم الفلفل …

طبقة بطاطس..

وترشي عليها شوية صلصة..

بعدين اللحم المفروم وفوقه ملعقتين صلصة برده..

وتبتدي تكملي الطبقات بس بالعكس يعني الاول بطاطس ثم فلفل وأخيرا الباذنجان..
وتحطي عليها باقي الصلصة..

بعدين تدخليها الفرن من تحت تتشرب الصلصة وتشغلي الشواية عشان الوجه يتحمر شوية..
وده شكلها النهائي..

بس كده
وبالهنا والشفا ياقمرات..

سلاااااااام..

… لعروس وبس ..