شخباركم أمهات؟
عندي مشكله بموت منها
واهي اني ما اعرف انيم ولدي الا اذا هو جوعان وكان يرضع
اذا هو شبعان وفيه نومه يصيح ولا اقدر انيمه
ساعدوني
عطوني طرق الى تنيم الاطفال
والله احس روحي بتجنن خلاص
هو يصيح واني اصيح وياه
:confused::confused::confused:
انا الحين بموت من النوم وهو الاستاذ مايبغى ينام
الله يصبرنا عليهم بس
انتي ولدج جم عمره الحين؟؟
انا بنتي لما كانت ترضع ما تنام الا ع الحليب
بس لمى فطمتها تعودت تنام بروحهااااا
اذا طفلج لس صغير تأكدي انه بيكون محتاج حنانج ومستحيل ينام بروحه
ونتي بعد حددي وقت نومه يعني قبل وقت النوم بجم ساعه لزم تخلينه يلعب وويفرفش علشان ما يجي وقت النوم الا وهو دايخ
الله يكون بعونج ويسهل لج
مع كلام الأخت شهوده
يظل بس يصيح وهو على كتفي او واقفه فيه تعبت
اقرأ عليه كل السور الي حافظتنها يوميا وما فيه فايده
باقي سبوع ويكمل اربع شهور
مشكورين خواتي على ردودكم
والله يساعدنه يا توته احلى بنوته
لازم تحاولوا الرضعة الاخير قبل النوم تكون اما شاي الاطفال او حتى تعمليله يانسون مع كراوية ونعنع هالخلطة قالي ياها الطبيب والله تشوفي البيبي ارتاح وخصوصي اذا ربتي على ظهره او عملتيله مساج خفيف بعدها بزيت الاطفال تلاقي الطفل مرتاح من الغازات وكمان ترتخي اعصابه وتلاقي نام بسرعة
واهم شي كمان تاكدي داائما من الحفاضة يعني الطفل بيبكي مع انك رضعتيه وغيرتيله ملابسه وحتى عطيتيه شي سخن يشربه بس لسى يبكي معناها في شي بالحفوضة مدايقه اما انه عملها او ان الحفوضة صغيرة عليه ومضايقته
الله يكون بالعون يارب
اهم شي حبيبتي تتاكدين ان حفاظه نظيف وانها شبعان
وجربي تلفينه (بالقماط)
انا بنتي وقت ادري انها تصيح عشان تبي تنام الفها تصيح شوي ادوخ وتنام
بس اذا مافيها نوم تشيل عنها القماط ولاتعبرني خخخخخخخ
لان الصغار في الشهور الاولى يحبون انج اضمينهم وتلفينهم حسسيه ان للحين في بطنج
واللف يعطيهم هالشعور