طريقتى الحلوه فى القضاء على السواد خاااالص 2024.

انا جربت حاجات كتييييييييييييير علشان اقضى على الاسمرار اللى تحت الابط واللى فى المنطقه الحساسه مفيش فايده لغايت ما قررت انى استعمل الفازلين بجد روعه وانا بستخدمه بخلطه كده علشان تقضى على الاسمرار خالص
نشوف الصور
اولا الفازلين بشتريه سائل من عند العطار بقوله عايزه فازلين طبى ودى صورته بعد ما فضيته فى علبه من عندى ناخد منه حوالى 100 جرام

وبعين احط عليه حوالى معلقتين جلسرين سائل

وبعدين حوالى معلقه زيت لوز للبشره بشتريه من عند العطار

وكمان حوالى ملعقه من زيت جونسون جل للاطفال بالكاموميل

وحوالى ملعقه زيت زيتون

وبعدين نخلطهم على بعض ودى صورتهم بعد الخلط انتى ممكن تضاعفى الكميه بس انا قلت اجرب فى كميه صغيره

على فكره انا بستخدم المقادير بالنظر يعنى مش بعاير ممكن تكون معاكى سايله شويه او اتقل مش مهم المهم المكونات
وبعد كده تدهنى تحت الابط وبين الفخدين والاكواع والمنطقه الحساسه وتسيبهم على الاقل ربع ساعه وبعدت تجيبى فوطه بيضاء او قماشه بيضاء بس نظيفه وتدعكى كويس بس براحه على المنطقه الحساسه والله حتلاقى الفوطه طلع فيها سواد ولا كانك عمرك استحمتى وبعد كده تغسلى المنطقه كويس وتدهنى اى كريم مرطب من عندك جليوسيد او دوف او نيفيا اللى بتستخدميه
بس على فكره لازم تكونى زايله الشعر ولو بتستعملى الحلاوه يكون بعدها بيوم علشان متلتهبش المنطقه وصدقونى بعد اول مره حتحسى بفرق ومره على مره مش حتلاقى اثر للسواد خالص ان شاء الله
انا حبيت افيد حبيباتى بنات عروس القمر وياريت اللى تجرب تقولى
ولو عجبكم الموضوع ياريت تدعولى بالهدايه
انا مستنيه الردود الحلوه والتقييم الاحلى