بس اللي عندها غير هالطريقه تحكيلي كيف ابي اتعلم
اول شي نقطع البصل ثم البندوره والفليفله ونقلبهم عالنار وبعدين بحط الهال وورق الغار والزبيب وحب الهيل وانقلبهم مع الزيت لحين يذبلو شوي وبعدين نحط الرز عليهم نقلبهم شويه ثم انحط الملح والبهارات وبعدين انحط المرق عليهم بيكون مخلوط مع ميه البندوره يعني عصير الطماطم ونخلي الغاز عالي عليهم لحين تخس الميه للنص وبعدها نخفض شعله الغاز لحين يستوي
واخر شي نقلبهم بالصحن انضيف للوجه البقدونس واللوز
وصحتين وعافيه
ارجو التقيم
بعطيج طريقة عمتي، هي سهلة لكن تاخذ وقت شوي… بس تستاهل جداً لذيذة…
بعد ما تنظفين الدجاج و تغسلينه، تبليه بخلطة من هذي البهارات (قرفة، هيل، كركم، كمون، كزبرة، فلفل أسود)افركيه بالبهارات زين و اقليه في زيت شوي، بس تحمير عالسريع و خليه على جنب…
جيبي كمية كبيرة من البصل المفروم… يعني تقريباَ حبتين بصل كبار، و حطيها في قدر كبير على نار متوسطة بدون زيت!!!
و خلي عندج على جنب كوب ماء!!!
و بس تحسين البصل نشف و ابتدا القدر من تحت يصير لونه بني أشقر، بخي عليه شوي من الماء اللي عندج، و حركي بسرعة، بتلاحظين إن اللون البني الل في القدر مسك في البصل! و مرة ثانية اتركيه لحد ما ينشف و يصير بني، و بخي ماء مرة ثانية… كرري هالحركة تقريباً 5 مرات لحد ما تشوفين إن البصل صار لونه بني شفاف!
الحين أضيفي عليه شوي زيت و تقريباً نص ملعقة صغيرة من هذي البهارات (قرفة، هيل، ليمون أسود)، و كمية أقل شوي من باقي البهارات ( كركم، كمون، كزبرة، مسمار) و إذا تحبينه حار حطي فلفل بودرة، و قلبيهم و شمي الريحة الحلوة 
شيلي تقريباً 3 أرباع مقدار البصل، و حطيه في صحن على جنب… و الحين جيبي الدجاج اللي قليتيه، و حطيه في القدر على البصل و قلبيهم مع بعض شوي، بعدين صبي فوقه ماء مغلي، و حطي حبة أو حبتين ليمون أسود و قرن فلفل حار، و اتركيه يغلي تقريباً ساعة إلا ربع على نار متوسطة…
بعدين، شيلي الدجاج، و حطيه في صينية فرن… أما القدر، حطي عليه الرز المغسول و المنقوع، إذا حسيتي كمية الماء كبيرة، شيلي منها شوي، لازم ما يكون إرتفاع الماء أكثر من سانتي واحد!!!
و بس أول ما يغلي مرة ثانية، خففي الحرارة لأقل من النص و غطي القدر، و اتركي الرز يستوي عالراحة تقريباً ربع ساعة… في هالوقت، إدهني وجه الدجاج بالزيت و حمريه بالفرن، و جيبي شوية صنوبر و لوز و حمريهم بالزيت…
و بس يستوي الرز، حطيه في صحن التقديم، و وزعي فوقه كمية البصل اللي رفعتيها، مع الصنوبر و اللوز و الدجاج طبعاً
الكبسة بصير لونها أحمر بدون طماط.. أنا ما أحب أضيفه لأنه يخلي الرز يعجّن عندي… و هذي الطريقة لذيذة جداً و أحبها، لكن ما أحب أسويها كثير لسبب واحد، و هو إن ريحة البصل تمسك في البيت بقوة ههههههه
و بس! جربيها و قولي لي النتيجة
بالعافية إن شاء الله F:
اللهم لا تجعل انسنا الا بك ولا حاجتنا الا اليك و لا رغبتنا الا فى رضاك و الجنة
***************************************************
جزاك الله خيرا
********************************************************
شوفوا مواضيعى
كسوة الكعبة المشرفة … اللهم ارزقنا حج بيتك الحرام …. ( بالصور)
النساء شبكة .. و الرجال صنادييق !!
الاعجاز العلمى فى اثبات طهارة القطة كما قال الرسول صلى الله عليه و سلم
ساعدونى .. عاوزة اعمل رسمة معينة عندى كاستيكر للحائط .. ازاى ؟