شخباركم يا أمهات يا حلوين عساكم بخير انتو وكتاكيتكم
مالكم بالطويله بدش بالموضوع على طويل .. هالمرة كان لولدي موعد مال فحوصات عمر التسعه أشهر .. ولما جيكو على الدم ماله يعني معدل الهيموغلووبين بالدم كان : 8
وكان هالشي مصدر خوف للدكتور عشان جذي وصفت له نقط فيرومن نوع من انواع الحديد عشان يشرب 1 مل بالنهار وواحد مل بالليل لمدة شهرين .. وسألتها اذا في طريقه اتجنبه بدون هالحديد يعني بس بالاطعمه الغنيه بالحديد ؟؟؟ قالت لي لا لان دمه واجد ناقص فلازم ابدي بالدوا وبعد اعطيه اطعمة الحديد
أسإلتي امهات هي :
1* هل سمعتو بهالدوا قبل؟؟
2* هل تعرض أحد ابنائكم في هالسن لنقص الحديد؟؟ وشلون عالجتوه ؟؟ هل بالدوا او بأطعمه غنيه بالحديد
3* شنو هم الاغذيه اللي اقدر أأكلمهم والغنيه فيه
4* رابعا وهو أهم سؤال انا بصرااحه السبب اللي مخليني اتجنب هالدوا هو اني سمعت انه كل الادويه مالت الحديد بشكل عاك تسبب اسوداد الاسنان وانا هالشي واجد مخوفني ما ابي اشوه اسنان ولدي وهو بهالعمر الصغير فشنو الحل الحين
وشكرا
المهم أختي ولدي عطوه نفس الشي دواء الحديد حق 3 شهور.. آنه عطيته شهر بس ووقتها كنت أعطيه من البقدونس والسبانخ في أكله…. ووقفت الدواء وقمت اعطيه فتح الشهية ولما جيكنا دمه الحمدلله صار زين.. لأن أنا بعد كنت متخوفة من دواء الحديد لأن يسوي إسوداد بالأسنان..
أختي الحين أنتي عطيه في اكله سبانخ وبقدونس… تفاح عطيه كل يوم…. جربي فتح الشهية إذا كانت شهية ولدج قليلة للأكل.. وبعدين إذا يرضع صناعي شوفي الحليب اللي تكون فيه نسبة حديد عالية…
بنتي عطوها نفس الدواء وخفت بعد على اسنانها لكن قالت لي
عطيها وعلطول غسلي اسنانها وما بيصير ليهم شي
وعطيتها والحين الحمد لله اسنانها عادي ما فيهم شي
شربيه بعد الدواء شوي ماي بعدين غسلي اسنانه..علطول
عند ك واجد اشياء غنية بالحديد
الكبدة ..البقدونس
واهم شي نصحتني فيه الطبيبة وجاب نتيجة سريعه بخلال اسبوع
هو الزبيب الاسود..
طريقته..تغلين ماي بعدين تنقعين فيه كم حبة زبيب اسود
تتركينه لين يفتر وتخلطينه..
تصفي الخليط وتعطينه ممتاز وعن تجربه..
لان ما بيستفيد شي..
عطيه شوي عصير برتقال ..يساعد على امتصاص الحديد بشكل فعال..
وما يشوف شر الصغير والله يحفظة..
خيتو رانيا يعني تنصحيني ما اعطيه دوا الحديد وبس اعطيه البقدونس وهالاشيا واشوف نتيجتها او قصدش بعد اعطيه اياه شهر واشوف؟؟لان ولدي دمه حتى اقل من ولدش لما كان في عمره..
ريحانتي مشكورة حبيبتي عالرد بالنسبه لدوا الحديد صعب احس اغسل اسنانه بمعجون اذا قصدش بما انه توه صغير وبالنسبه لبنتش كم كان دمها يوم عطوها ؟؟؟ وان شاء الله بجرب الزبيب الله يجازيش خير
وتشوفوهم أحلى معاريس ,,
شوي ماي
كان عمر بنتي 9 شهور..
ودمها كان 8 ونص
عطيه الدووا وبعده على طول غسلي اسنانه ..!!
ودخلي له كل الاطعمه الا تحتوي على الحديد ..
(البقدونش و الكيوووي والكيوووي خطير يرفع الدم بشكل كبير عن تجربه ..!! )
ومن بعد ما يكمل السنه وقفي الدوا ..حاولي تعطينه المكمل الغذائي بجانب الحليب ..
بديا شوور لانه عن جد يرفع الدم وبعد عن تجربه ..!!
بديا شوور وحليب بروجرس فيهم نسبة حديد عاليه ..
اتمنى افدتك ولو بالقليل ..!!