الغاليه عساج بخير
الموضوع و مافيه اني قريت في أحد مواضيعج إنه بشرتج دهنيه
و أنا كل مصايب بشرتي من الدهون الموجوده في منطقة التي زون
🙁
انا استخدم بورده غيرلاين الذهبيه و بعد الفانديشن السائل الغير دهني من نفس الماركه
و دوم احط طبقة كريم غير دهني خفيفه عشان الترطيب
لكن بغيت اخلي مظهر بشرتي خالي من الدهون لأني مليت و انا امسح ويهي بالكلينكس كل شوي
:confused:
ما حس انه حالتي سيئه لاني يوم اشتريت الفاوديشن و البودره قلت للي تبيع لو تنصحني آخذ الجل اللي يخفف الدهون من ماركه كلارنس بس قالتلي جربي البودره قبل و اذا ما حلت المشكله ارجعي و خذيه
اسمحيلي طولت السالفه بس بغيتج تفهمين السالفه من كل نواحيها
اشكرررررررررررج من خاطري
في مستحضر من كلينيك ينحط قبل كريم الاساس يمنع افرازات الدهون في البشره الدهنيه ويتحكم فيها عشان لا تبين بشرتج تلمع خصوصا في منطقه التي زون
انا مشكلتي نفس مشكلتج بس بعدني ما شريت المستحضر ..بس وايد جربوه ويمدحونه وايد وايد وايد
المشكله اختي انا ماعرف اسمه بس انتي سيري باريس جاليري واسألي اللتي تبيع في كلينيك اكيد بتعرف
عندي معلومه زياده اختي وهالشي من تجربتي انا
انا من زمااااااااان استخدم الاسكينول احط قطرات بويهي وامسح بشرتي عدل وبعد جذه اغسل ويهي بماي فقط هذا يوميا يمكن اربع مرات فاليوم حسب بشرتي اذا كانت وايد دهنيه ولا اخف
في شي بعد …صابونه في محل دكتور نيوترشن اسمها صابونه هيلان بالاعشاب…هاي خطيييييييييره للبشره الدهنيه
وتصفي الويه وتخفف من افرازات الدهون وايد
واسمحيلي اني رديت قبل الاخت مارشمالوز بس احبيت افيدج وان شاء الله اهي بعد تفيدج اكثر
ما فيج حيله والله
ابيه خفت يوم شفت الموضوع ، قلت انا شمسوووووويه ههههههه
الله يعينا على مشاكل البشره الدهنيه ..
اختيارج للفاونديشن والبودره حلو
اكيد اول شي تغسلين البشره وتنشفينها مسحي ويهج بمكعب ثلج ،، يسوي شغل مضبوط ويقبض المسام او ،، امسحي الوجه بتونر او ماء ورد بارد وكلها شغلات تقبض المسام وتقلل من افراز الدهون
وزعي المرطب على البشره
حطي كميه مناسبه من المرطب لكن لازم يناسب بشرتج ،، والاهم عشان ما تعانين تدلكينه وتوزعينه زين بحركات دائريه اشبه بالمساج عشان البشره تتشربه عدل ..
جربي مرطبات استي لاودر ،، مناسبه جداً خصوصاً للبشره الدهنيه
وتمتصها البشره بسرعه
عندج كذا منتج للتحكم في الدهون في منطقة الـ T zone
تحطينه بعد ما توزعين المرطب ونقط صغيره لا تكثرين منه
T-Mat من شانيل
وعندج بعد من كانيبو ،، واثنينهم حلوين
لا تزيدين من كمية كريم الاساس لأني لاحظت ان هالشي يخلي الويه يدهن وايد .. بعد ما توزعينه وتتشربه البشره جيبي وق كلينكس وبالطبطبه على الوجه عشان ينشال الزايد منه … ورشي كم رشه من الفيكس من ماك وانطريه لين ينشف على البشره ..
قبل البودره من جيرلان ،، جيبي فرشاة البودره الكبيره او فرشاة ماك 187
خذي فيها اللوس باودر ،، اي ماركه عندج ماتفرق ،، لكن انفضيها زين عشان ينزل الزائد من الفرشاه ،، ووزعيها على البشره ،، ميزتها انها تمتص الدهون ..
انفضي الفرشاه وارجعي مرريها على الوجه عشان تزيل كل البودره الزائده
اشتغلي على مكياج العين .. وبعدين جيبي بودرة جيرلان الذهبيه ،، ووزعيها على كامل الوجه بطريقة الطبطبه وكملي المكياج وخلاص
وان شاء الله مكياجج بيكون حلو وثابت على طول ،، خصوصاً المسا والسهرات
لكن في النهار وخصوصاً في هالجو الحلو صعب المكياج يتم ثابت وما يدهن ،، اكتفي بس بمرطب مع واقي الشمس واذا وايد محتاجه مكياج حطي بس بودره بدون كريم اساس
ونصيحه لو ساح المكياج لا تمسحين بكلينكس ،، بتخبصين وتبهدلين الدنيا
من زمان كنت اسوي جذي ويييييه اكتشف في نهاية اليوم ان اماكن فيها اساس واماكن لا ،، شكلي يفشل
بس خذي كلينكس وطبطبي وخلاص ،، او جربي الورق اللي يمتص الدهون من البشره Blotting Tissues
وخلي علبة البودره معاج في الشنطه ،، عشان لو احتجتي تعديلات صغيره
وبــس
سامحيني طولت عليج واتمنى اني قدرت اساعدج
واي شي انا حاضره
ما سويتي الا كل خييييييييير لا هانج الرب
:clap:
الحينه بكتب اسامي المنتجات و بشوف الأنسب في الويك اند
تسلمين على تعبج وياي ما قصرتي الغاليه
:shy:
كازيليوووون ثانكس
مسموحه فديتج وانا تحت امرج
كازيليوووون ولكموو ههههههه عجبتني
الله يعطيها العافيه ولبت مطلووبج
تسلمين حبيبتي