طبعا الموضوع باين من عنوانه
عندي 2 الله يحفظهم ويهديهم
البنت عمرها تقريبا سنتين و 3 شهور
والولد عمره 9 شهور
انا كنت مسافره عند اهل امي فالسعوديه يدتي وخاللاتي وخوالي من 15 يوم وتوي راده ورقاد عيالي متغير 180 درجه :confused: بستخف منهم بحكم ان كنا هناكي ما نرقد الا عقب صلاة الفير … طبعا قبل السفر شو نظام رقادهم ينشون 11 الصبح ارقدهم العصر شويه ساعه عقب ع الساعه10 تبتدي تجهيزات النوم اسبحهم ااكلهم و 11 ونص فالليل رقاد وطبعا كانو ماشاءالله عليهم تبارك الرحمن يسحبونها لين 10الصبح ثاني يوم ….
نظام الحين ينشون 11 الصبح بس مزاجهم متعكررررررررررررررررر طبعا يرقدون ع 1 الظهر وينشووووون ع 2 او 3 العصر …. واخليهم ما يرقدون الا 11 بالليل او 11 ونص بس تعالو الساعه 2 بالليل او 3 الفير ينشون …. مووول ماشي رقاد ((( يعني كانهم اخذو قيلوله ))) ماشاءالله عليهم الله يحرسهم ويتمون لييييييييييييييييييييييييييين عقب صلاة الفير او لييييييييين الساعه 7 ونص الصبح وانا اللي حاااااااايسه امبينهم … اعرف انهم حبايبي الدنيا مجلوبه عندهم بس ومب قادرين يميزوووون بس صراحه الوضع احسه زاد عن حده الحين لي 4 ايام احاول انظم فنومهم ماشي فااااايده بجد تعبت تعبت تعبت يعني مب قادرين يميزون ان الحين ليل ورقااد عبالهم لعب واكل بلييييييييييييييييز امهات حبيباتي ساعدوني الله يخليكم شسوي كيف اعدل رقاااااااااااااااادهم …؟؟؟:confused: احس عمري بستخف من قلة الرقاد………………………!
انتظركم لا تبخلون علي حتى لو بنصييييييييييييييييييحه
عادي اختي ،، اشوي اشوي بيعتدل نظامهم
بس اهم شي لاتخلينهم المغرب ينامون ،، ولعبيهم ولو اطلعينهم لحديقة بعد واجد زين
وقيلولة الظهر لاتخلينها طويلة 
وعشيهم وسبحيهم وطفي النور وبلاقينهم ع الساعة 11 تعبوا وناموا
وبتشوفين ان جسمهم تعود على هالنظام وع طول من تجي الساعة 11 تعبوا الحلوين وناموا
ونوم العوافي
والين الساعه 7 او 8 الصباح وينامون الين العصر ,,,ومرررررررررررررره تعبت من هالنظاام قعدت معاهم تقريبا سنتين ,,, الين مادخلو الروضه تنظم نومهم ,,,
اللحين انمهم الساعه 1 الليل عشان الاجازه ويسحبونها نومه الين الساعه 2 الضهر وخلاااااااص منها الين الليل يعني مااااافي قيلوله ,,,
بس اهم شي ماينامون قيلوله ابدااااااا ,,, لان هو سبب الخربطه في النوم ,,,
الله يعينك
بنتج الصغيرة لا تخلينها تطول في قيلولة النهار أما الكبيرة لهيها ولا تخلينها تنام في النهار أنا ما أنتظم نوم بنتي إلا لما عودتها ما تنام في النهار والحمد لله نومها انتظم لكن في بعض الأحين تخبصها لكن معظم الأيام نومها منتظم
العصر نوميهم عالخفيف وقظيهم
واهم شي تامني لهم الجو المناسب للنوم
والله يساعدش
الله يكون بعونش خيو,
أني راي من راي الأخت بسمة أطفالي,
أني بعد عانيت ويه ولدي لأن في شهر رمضان كنت أسهر للفجر و صار يسهر وياي بس من خلص الشهر الفضيل نظمت اليه نومته و للحين شوي يسهر بس واجد أهون عن قبل, السالفة يبي إليها صبر و طولة بال الله يصبرنا
تحياتي, أم ملاك
حاولي ما تنيميهم الا فتره بسطه جدا في النهار وابعدي عنهم الالعاب اللي فيها الجري
اقعدي معهم احكيلهم قصه وحاولي يكونوا قاعدين وانتي بتحكي وكم يوم ويتعدل نومهم
الله يخليلك اياهم