بدخل في سؤالي على طول
عقدتي في الحياه المجبوس او الكبسه او عيش فوقه او صياديه …اختلفت الاسماء و الارز واحدوووو
او اي طريقه للارز يطلب ان ينطبخ هو و الماء معا
جربت المجبوس في حياتي مرتاااان
اول مره الارز كله صار مهروس و مااااااااااالح
المره الثانيه …نص الازر الي في القدر انطبخ و النص الثاني ضل يابس و ماااااااااااالح
جربت مثل ما يقولون خلي ارتفاع الماء 2 سم من الارز … و لا عرفت
ابي وحده تقولي
اذا اسوي مقدار كوبين ارز …كم كوب ماء اضيف ؟؟؟؟ و كميت الملح كم ملعقه ؟؟؟
قبل لا تحطين العيش بالمرقه خلي المرقه تفور يعني اشوفين الفقاعات وقبلها طبعا تتأكدين من الملح…
وحطي الرز او العيش فوق المرقه وهو يغلي وحركي الرز وزعيه بالتساوي بالقدر وخليه داقايق ومن اشوفين حبة الرز تتقلب بالماي يعني مقدار الماء مناسب مع كميه الرز..
وإذا حسيتي الماي كثير شيلي منه وخليه في إناء احتفظي فيه عشان إذا احتجتي للماء يكون عندج مرقة المجبوس…
ماردري فهمتي لشرحي …طبعا مع الايام راح تتعلمين الطبخ على اصوله بس إنتي خلي في بالج إنه راح تظبطين الطبخه…
عزيزتي، لا تتعقدين و لا شي، كلنا في البداية نفشل في الطبخ، و بالنسبة لي شخصياً كنت فاشلة بالكبسات… و كنت أكره أسويها لأني ما أضبطها…
لكن مع الوقت و التكرار، تضبطين الشغلة… بس بقولج شي، صعب نحدد لج مقدار ثابت للماء مع الرز، لأن الرز أنواع و يختلف في كمية الماء اللي يحتاجها…
اللي عليج تسوينه، تراقبين الرز بعد نا تضيفينه للمرق، بشرط ما تكون كمية المرق كثير عشان ما يعجن الرز…
و خليه يغلي تقريباً من 3 إلى 5 دقايق، و شوفي حبة الرز إذا كانت قاسية و تتكسر، هنا تحتاج طبخ زيادة، و بمجرد ما يشرب الرز المرق و يبدأ مثل ما نقول بالعامية "يبقبق"، خلاص غطي الجدر و خففي الحرارة على أقل درجة، و اتركيه من 10 دقايق إلى ربع ساعة.
و إن شاء الله يضبط معاج هالمرة 
بالتوفيق عزيزتي (f)