ياحلوين بغيت مساعدتكم وافكاركم المدهشه الراقيه لمشرعي الجديد اللي هو محل لتغليف الهدايا.. طبعا اباكم تساعدوني بكل شي.. اهمها دراسة الجدوى.. كيف ابدأ فيها..؟؟؟
وبالنسبه للأفكار عطوني افكار مبتكره ماشفتوا حد مسوي نفسها..
خواتي انا من الامارات وابي تعطوني اسامي محلات او شركات ممكن تمول للعلب واكسسوارات التغليف باسعار الجمله و يكون عنهم خدمةتوصيل لين المحل..او كتالوجات وارقام لخارج الدوله مثل الصين.. بس شي مضمون
انا ما قاعده امدح نفسي بس الحمدلله بديت بمشروعي فالبيت ولي زباين وابي ادخل بقوه للسوق.. الحمدلله لي افكاري الغير مقلده.. بس ابي تعطوني افكاركم لمشروعي وياريت لوتكون غريبه وماقد شفتوها..
انتظر ردودكم وراح اكون سعيده وشاكره لكم من كل قلبي.. لان مالي خوات غيركم..
وخصوصا الكتب الاجنبية لأنها توضح كيفية التغليف بالصور وطرقتهم مبتكرة.
43 دخلوا وين الردود؟؟
لا تزعلوني منكم..
احنا عندنا محلات متخصصة افلشرايط والدانتيلات وهالحركات .. تقدرين تستفيدين ..
وعندج آلة تثبيت الكرستال بعد حلوة وتخدمج في بعض الحركااات ..
و تقدرين تبحثين فالنت وخاصة المواقع الاجنبية لانها مبتكرة وبعيده عن التكرار ..
البقاء للافضل والمتميز .. ميزي محلج عن الباقي باي خدمه ..
في ناس تهمهم الاسعار .. وناس يهمهم الابداع .. فحاولي تربطين الاثنين مع بعض ..
واولاً واخيرا مراعاة الله عز وجل .. وان شاء الله تمشين بطريقة حلوة .. ومالتوفيق الا من الله ..
موفقه يار ب.. والجميع يااااارب ..
اسمحولي عالاطاله بس احب هالانواع من المشاريع ..
بنات كل وحده عندها فكره جديده ومبتكره وتحس انها تجذب الزباين ياريت تفيدوني فيها… واذا عندكم اي اقتراحات يااااريت تضيفونها هني انا محتاجه لابداعاتكم يامبدعات
والله الموفق ..
انا اقصد مثلا.. طريقه العرض للهدايا في المحل.. خدمات غريبه وجديده ومحببه للزباين. غير عن بطاقات الخصم او العروض اللي فيها تخفيض…ابي فكره تميزني عن باقي المحلات.. يعني ان الزباين يجوني لاسباب اخرى غير الاسعار المنافسه وشغلي..لاسباب وااايد تخليهم يسوولي دعايه لزباين اخرين .. لاسباب تجذبهم لمحلي اكثر من غيره ويكررون الزياره..
ابي افكار تتكلم عن المحل تعمل له صيت كبير ..
اوكي حبيبتي .. انتي الحين شو مجهزة عشان تعلافين شلون تبدأيين فالشغل ؟؟
1- دراسة جدوى كامله للمشروع .
2- تجهيز الميزانية الكامله (واهم شئ تحطين ميزانية لواجهة المحل لانها تعكس مابداخل المحل )..
3- تجهيز المكان بالكامل ..
4- توافر العينات وصور للشغل .. او مجسمات للتغليف .. وهدايا جاهزة مثل (اطقم البيبي للولاده ، اكسسوارات اطقم للبنات ، دباديب وميداليات …الخ)
5- ولا تخلين حقوقج تضيع اي شئ وثقيه بشعار للمحل ..
واي افكار ثانية راسليني عالخاص وانا فالخدمة ..
لاتستغربين من اهتمامي بالموضوع بس احب هالنوع من الشغل.. والمميز يجذبني ..
موفقه حبيبتي ..
بس بغيت اعرف عن دراسة الجدوى؟؟ شو هي؟ وكيف نسويها؟؟