— قررت تغير لون شعرها وودها هالمره بالاستفاده منكم لحاله طارئه 2024.

أهلين خواتي واعزائي وحبايب قلبي والي احبهم في الله..
شخباركم وشوعلومكم؟! عساكن بخير وعافيه يا ربي..

طنشو العنوان كتبته جيه علشان تدخلون كلكم وتفيدوني..

عندي سؤال صغنووووووووني..
والي تعرف الاجابه اتمنى انها اتفيدني وربي يجزيها كل الخير باذنه..

شوفو حبايبي..
تعالو تحت شوي.. ايوا شوفو الصور هذي وركزو في شي معين..

ايوا ركزو في لون الشعر..
أشقر على الذهبي.. ذهبي مش لامع يعني جيه باهت على حليان هههههههههههههههه اتغشمر..

خلاص مقرره اني اصبغ شعري بهذا اللون الي بالفعل احبه يناسبني ولا لا مش مهم اهم شي اني ابغيه ابغيه..

لاااااااااااااااا لا تقولون انه طبيعي لانه مش طبيعي هذي صاحبة الصوره شعرها كان اسود وصار بهذا اللون..

لا تقولولي (ميش) لانه حرام وبتسالوني ليش؟! بقولكم انه يعزل الماي وقت الوضؤ وما يوصله الراس وهكذا الوضؤ يبطل فالصلاة لا تقبل ان بطل الوضؤ..

فاتمنى انكن اتفيدوني شو اسم الصبغه ولا لونها لاني ابغي اروح لصالون واقولهم اسمه وما ابغي يقصون علي ويجربونه على شعري..

انتظركم.. اوكيه..

ادري بتقولولي ودي الصوره لصالون.. ما اباهم يتفلسفون لما يشوفون الصوره..
وهذي الصوره براويكم تقريبا نفس لون بشرتي علشان جيه تركت بعض الاجزاء.. وركزو على اطراف الشعر يا عيني اللون يهبل والله.. وعاجبني حيل..

يالله اترقبكم.. ولو عندكم اسماء صالونات فيها صباغين شطار لا تبخلون عليي.. (دبي الشارجه عجمان اوكيه)

تسلمون الغاليات على الرد الطيب..

مشكووووووووووره حبيبتي رمزالمحبه على الافاده.. انا مشكلتي اطبق شي اسمه (خالف تعرف) احب اخالف الشي.. حتى زوجي يطفر مني يقولي انتي غير عن الناس ههههههههههه.. وانا ادري انه مش موضة الشتاء بس مشكلتي احب الشي المخالف والي في بالي احب اسويه.. انا ما يهمني الفصل الاربعه يهمني اقتنع بالشي الي ابغي اسويه.. وبوسه مني لج حبوبه..

أهلين حبيبتي غلا..
لاني حنطاويه فهاللون بيناسبني وحتى لو ماناسب اخليه يناسب هههههههههههه..
مشكوره حبيبتي على التداخل والرد الطيب..