قهوة غنوة الاحساس 2024.

مرحبا خواتي

هذه أول مرة أنزل مشاركة في المنتدى … واتمنى الكل يرد علي وماتطنشوني:sad:

تذكرون قهوة غنوة الاحساس اللي سوت ضجة في المنتديات ؟؟؟ حبيت اسأل البنات اللي شروا القهوة وجربوها …… شو مفعولها ؟؟ وهل صحيح ضعفوا ونزلوا وزن من القهوة ؟؟

اتريد ردودكم وتجاربكم خواتي ………..

هلا حبيبتي

زين أنج نزلت موضوع قبل ما تاخذينها

الصراحة أنا من كثر ما سمعت عنها حبيت أخذها و أجربها

المهم شريتها وجربتها وطبقت كل شي قالتلي إياه الأخت

بس والله العظيم أني ما نزلت ولاااااااااا كيلوووووو

ليش ما أدري؟؟؟

حتى والله حسيت أني انغشيت فيها

يحليلني هذي كانت أول تجربت شرا لي من المنتديااات

شكلي بتوووب وما بشتري شي من المنتديااات

لأني جد انصدمت

أول مره اسمع عنها

Ms.Elegent مشكووورة اختي ع الرد …. والله انا خذتها بس بعدني ما جربتها لاني حامل .. بس حبيت اعرف تجارب البنات وشو صار معاهم….

شواقي الحلوة ………. مشكورة ع المرور ……

بنا ت 47 زيارة وبس ردين ؟؟؟؟ وينكم …………. محد جرب القهوة غيرنا ……..

اختي بعد اخذت من هالقهوة وللاسف ماشفنا ولا شي، يعني وزنها مثل ماهو ، لا نزل الوزن بعد شهرين ولا 4شهور

هلا بنات انا خالتي جربتها تقول ما بين شي من الكلام اللي كان عن هذه القهوة
ولانزلت شي عليه

ceres و انوثة ّ قطر مشكورات خواتي ع المرور الظاهر الكل انغش فيها .. يعني ما كانت تستاهل كل هالضجة اللي سووها في المنتدى ….. بس اللي محييرني … كيف يحطون تجارب بنات شرووها ويكتبون انهم استفادوا منها ؟؟؟ مع ان اللي انشوفه اهني العكس …. ؟؟؟

اقتباس

المشاركة الأساسية كتبها child_face

	ceres و انوثة ّ قطر مشكورات خواتي ع المرور الظاهر الكل انغش فيها .. يعني ما كانت تستاهل كل هالضجة اللي سووها في المنتدى ….. بس اللي محييرني … كيف يحطون تجارب بنات شرووها ويكتبون انهم استفادوا منها ؟؟؟ مع ان اللي انشوفه اهني العكس …. ؟؟؟

هلا حبيبتي مدري الغاليه بس انا كتبت تجربة اختي واهي كانت تشرب القهوة وتخفف الاكل هم بعد كانت تمشي لساعااااااااااااااااات طويله، بس عن جد ماشفنا نتيجه، وغير هذا كان سعرها مرتفع، وانا اخذتها لاختي لان سعرها مرتع ( تدرين يقولون الغالي سعره فيه) ولان تجارب البنات شجعتني اني اشتري من هالقهوة حق اختي لانها عن جد متعقده من وزنها

المهم الله كريم ، وان شاء الله الريجيم ينفعها

وانا بعد اشتريتها وعلى بالي اني بضعف بس للاسف كانت وهم … وكنت اشربها فوق 3 شهور وجسمي ثابت ولا نابني منها غير الصداع وشحوب البشره … يعني نصيحه مني لا تشتريها واذا شريتيها لا تشربيها ما منها فايده ابدا وبالعكس هي مضره لان 3 اكواب منها يوميا راح تحرق دمك حراق …
الله يسامح البنات الي مدحوها … ما اعتقد انها كانت فعلا تنحفهم بهذاك القدر … بس الله المعين

اخذيها مني نصيحه من مجرب … ابتعدي تماما عن النشويات والدهون والحلويات وكثري من الماء وتحركي شوي مو شرط رياضه بس زيدي حركتك في البيت … وصدقيني راح تنحفيني احسن من لما تاخذي القهوه ….

ceres مشكوورة اختي ع المرور … وانشاءالله الرجيم ينفع مثل ماقلتي ينفع

شمس القمر مشكورة اختي ع المرور…. بس للأسف انا خذتها من كثر ماسمعت عنها في المنتدى لان وزني زايد في الحمل الله يسامح البنات اللي مدحوها ……… طاحت ف جبدي والله