كيفكم يا عسولات
اليوم جايبتلكم وصف كشري جديدة الصراحة دورت في المنتدى كله مالقيت نفس الطريقة قلت استغلها فرصة واكتب طريقتي و انزل الصور كمان
حابدا بالصور اول شى وتحتها الطريقة عشان افتح نفسكم في البداية
نجي للمقادير
3 اكواب رز بسمتي اانا استخدمت الشعلان (اخف من المصري ولذيذ في الوصفة دي)
ملعقة اكل كمون
من فصين ل 3 فصوص ثوم مقطعة صغار
رشة كركم
ورشة فلفل ابيض ممكن تستغنو عنه هو الكركم بس الاهم الكمون
ملح
حبة طماطم مقطعة مكعبات شوي كبيرة
زيت للطبخ
نص كوب كبير عدس اسود مغسول
شعيرية محموسة تقريبا ربع كوب صغير
مكرونة مسلوقة اي نوع
حبتين بصل كبيرة مقطعة شرايح
دقيق
الطريقة
خدي القدر اللي حاتطبخي في الرز وحطي كمية من الزيت واضيفي لها الثوم وقلبيه معاه لحد مايصير لونو قريب من الذهبي وتطلع ريحتو انتبهي لا يحترق وبعدها ضيفي الطماطم وقلبيه معاه شوي وبعدها اضيفي العدس وقلبي شوي وبعدها ضيفي لها مويه عشان يستوي العدس بس خليه كثير عشان حاتضيفي الارز في نفس المويه بعدها حطي البهارات من الكمون والكركم والفلفل الابيض والملح وخلي العدس يستوي بس انتبهي لا ينهري خلي الحبة متماسكة انا تقريبا اخد مني نص ساعة او ثلث ساعة ولا تنسي تذوقي المرقة والملح والبهار فيه
بعد كده ضيفي الرز عليه و الشعيرية وشوفي اذا المويه قليلة زيدي واذا كثيرة شيلي منها عشان لا يهتري وخلي القدر يغلي وهو مكشوف واول مايبدا المويه تقل ارخي على النار اخر شى واقفلي اقدر وخليه يستوي على مهلو
نجي للبصل خديه وكبي عليه شوي دقيق وادعكيه الدقيق الفايدة منه يخلي البصل بعد القلي مقرمش حتى لو شلتي الباقي في الثلاجة يفضل كانه مقلي في وقتو بعدها اقليه لحد مايسمر لونو وبعد ماتطلعيه من الزيت ويتصفى
ضيفي شوي فلفل ابيض وكمون وشوي ملح للبصل وقلبيه
نجي للصلصة
المقادير
فصين ثوم مقطعة صغار
4 حبات طماطم مقطعة مكعبات صغيرة انتبهي لا تطحنيه
حبتين فلفل حار اخضر او حسب الرغبة اذا تحبي قليل او كثير واذا ماتحبي الحرارة ممكن تستغني
كمية من الخل تقريبا 3 ملاعق خل ل اربع ملاعق
ملح
زيت طبخ
صبي زيت في القدر وكشني الثوم لحد مايصير ذهبي نوعا ما وضيفي الطماطم عليها وقلبيها والفلفل الاخضر وضيفي الخل وملح وخليه على نار متوسطة ينطبخ لحد مايصير شكل الصلصة زي اللي في الصورة
عند التقديم اغرفي الرز في الصحن ووعليها المكرونة وفي اس تحب الحمص المسلوق اللي هو البليلة واخر شى البصل المقلي وقدميه مع الصلصة حقتو
بنات جربوه سهل مررررررررة وخطير
شكله عجييييييييب ماشاء الله
تسلم إيدج و يعطيج ألف عافيه يارب
و فعلاً طريقة جديدة 
تسلم إيدج عزيزتي و بالعافية F:
 |
اقتباس |  |
 |
المشاركة الأساسية كتبها Daisy Ash  |
 |
 |
| ما شاء الله شكله يفتح النفس…
و فعلاً طريقة جديدة تسلم إيدج عزيزتي و بالعافية F: |
||
 |
 |
جربيها ياقلبي ترا سهلة مرة ولذيذة