كيف الحال عزيزاتي الحلوات
اليوم بعلمكم طريقة صنع كعكة الدارسين (القرفة) حلوة وعجيبة
أول شي نبدأ بالمقادير وهي :
2 كاس طحين بالخميرة .. ممكن استبداله بطحين جميع الاستعمالات لكن كثري البيكنج بودر
1 كاس سكر بودر + 3 ملاعق
1 ملعقة شاي فانيلا
1 ملعقة أكل بيكنج بودر
1 ملعقة أكل قرفة مطحونة
4 بيضات
¾ كاس زيت
نصف كاس مكسرات مطحونة .. خليها خشنة شوي (نوع المكسرات الا تحبين )
¼ كوب ماي
نجي للطريقة
1-انخلي كل المقادير الجافة في إناء (الطحين + السكر + بيكنج بودر + القرفة + فانيلا)
2- حطي عليها البيض مع الزيت مع المكسرات
3- خلطيها مع بعض وبعدين حطيها في صينية الفرن تكون مدهونة بالزيت ورشي عليها طحين
4- دخليها في فرن حرارته 180 لمدة 45 دقيقة
بعد ما تطلعينها من الفرن خليها تبرد بعدين قلبيها في صحن ورشي عليها سكر بودر للتزيين
وصحتين على قلبكم
روعة الوصفة يا غلاي
ربي يعطيج العافية ولا يحرمنا منك
ننتظر جديدك
تسلمين والله على الكيكه تجنن لكن حبيت اسال يعني كم مقادير البكنج باودر
وننتضر المزيد
انا استخدمت طحين جميع الاستعمالات مع ملعقة اكل بيكنج بودر
اذا استخدمتين طحين بالخميرة حطي بيكنج بودر اقل .. تقريبا ربع ملعقة
جربيها وقولي لي على النتيجة
❤ اللهم اجعلني ممن توكل عليك فكفيتهـ و استهداك فهديتهـ واستنصرك فنصرتهـ ❤