:salam:
قبل ما أبدأ بموضوعي حبيت أشكر كل عرايس المنتدى الرائع
وأعبر عن حبي واحترامي للقائمين عليه من عضوات ومشرفات وعرايس :shy:
والحين ليش التجمع؟؟؟ :qaq:
خلصينا:angry: وقولي اللي عندج….
.
.
.
بالنسبة لموضوع الاجتماع
بصراحة أنا دخلت أكثر من منتدى لقسم العناية
وشفت الكل يمدح بالحمام المغربي
والكركم الهندي
وماي الورد الايراني
والدلكة السودانية
و… و….
طيب إحنا يا الخليجيات .. ما عندنا شي للعناية ؟؟؟
ما عندنا شي متوفر في بلادنا .. ونقدر نستفيد منه ونمدحه
؟؟
؟؟
؟؟
لا عندنا :qaq:
يا بنات بدل ما أروح أدور الصابون المغربي اللي ألقاه مغشوش في الغالب
والدلكة اللي ما أعرف مكوناتها
والكركم اللي للجسم واللي للأكل مما ينفع 🙁
وغيره وغيره
ليش ما نسأل أمهاتنا وجداتنا شوكانوا يستخدمون
الوحدة منهم … تشوفينها صافية ولا بقع والا خرايط والشعر قوي وطويل
وشعر الجسم اللي ما يبان ويمكن يكون ما موجود بالأصل
والركب نفس لون الجسم والأكواع نفس الشي
طيب هذيل كانوا يسووون حمامات مغربية .. ولا دلكة .. وكركم وخلطات
لا طبعاً
:no: :no: :no:
عيل شو كانوا يستخدمون ؟؟
أنا بقولكم
1) الحناء
الحناء موجودة عندنا وبكثره …
طيب شوفايدتها ؟؟؟
أنت نا تبين جسم صافي لامع بدون ألوان وتدرجات وبقع ؟؟ صح ؟؟ :yes:
أسهل الطرق وأوفرها وأرخصها الحناء
كيف ؟؟
يعني أعجن حناء وأحني جسمي وأقعد طول الليل خخخخخخ:gum:
لاااااااااا
الطريقة سهلة جداً
ومجربة وتعطيج أفضل النتائج بأقل فترة
ثلاث ملاعق حناء
واعجنيها بزيت زيتون أو أي زيت متوفر عندج زيت لوز أو سمسم أو حتى عافية ينفع ؟؟
ليش الزيت … عشان ما تصبغ الحناء بجسمك وتطلعي أرجوانية :dd: ولا صفراء :down:
وبعدين جهزي جلابية سوداء قديمة وقفازات سود ودلاغات سود وشورت أسود
ادخلي الحمام وأنتوا بكرامة
وجسمك جااااااااااف .. يعني ناشف .. يعني غير مبلول ادهني جسمك كامل بالخلطة …إبدأي بريلج
وركبك والمناطق الحساسة >(من برا ) والآباط والكيعان والصدر والبطن والظهر وركبتك وأقدامك من فوق وإياديك … كل جسمك … وبعدها انتظري 5إلى10دقائق
وإلبسي الملابس السوداء واطلعي من الحمام
سوي شغلج .. اجلسي على النت … إلعبي رياضة … رتبي بيتك .. سوي اللي تبينه
لمدة ساعة إلا ربع يعني 45 دقيقة ةوإن كثرتي خير وبركة
وبعدها دخلى الحمام … شغلي الماي الفاتر أو الدافي … على جسمك
وابدإئي بفرك جسمك للتخلص من الحناء
بالإيد دون الحاجة للوفة
وبعدها حطي شاور جل أو صابونة حلوة .. أو مطهر السيتيل
اللي ذكرتك بنت عذاري بموضوعها تري مطهر رائع للحمام
واشطفي جسمك … وحطي كريم أو بيبي أويل وأنا أفضل مسحة من زيت السمسم لأنه معروف للتفتيح
وإلبسي ملابسك "..انبهوا لا تطلعي بدون ما تغسلي جسمك بالصابونة أو الجل لأن الحناء بتم بالجسم وبتصبغ بالملابس
ونعيمـــــــــــــــــــــــــــاً
سوي ها العملية يومياً …
لا تقولون صعبة
أنا في البداية حسيت إنها صعبه إلا غلسه وتلعوز
بس والله بعد ما جربتها .. حسيت إنها سهلة جداً … والله إني أكتب الموضوع وأنا حاطتها على جسمي
ترا شادة حيلي بالقوة … :shy:
.. لأن الحنا بيلصق بجسمك بسبب وجود الزيت المغذي .. وما بيتناثر
وبعد أسبوع شوفي النتايج والله إنج ما بتقدرين تستغنين عن الحناء
ليش عاد ؟؟؟؟؟
لأنك بتحصلي جسم صافي فاتح ولمعة طبيعية …
والركب والمناطق الحساسة بتبدأ تنفتح ومع الاستمرار
بتصيرين لمبة :clap: من البياض
وإذا حابه تستخدمين خلطة من خلطات بنت عذاري عاديي سويها بعد الحنه
خويتكم ما تستغنى عن الخلطات :shy:
هذا بالنسبة لاول طريقة وكيفية استخدامها انتظروني
لإكمال الموضوع :salam:
 |
اقتباس |  |
 |
المشاركة الأساسية كتبها الرميثية |  |
 |
| مشكووره على الافاده وانشاله بحااااااااول اشد حيلي بس انتي كم صارلج على الحنا و حسيتي بتفتيح؟:salam: | ||
 |
 |
ياعمري
أنا سويت خلطة الحناء للحين 4 مرات بس
وبصراحة النتايج فوق المتوقع
وإن الله بستمر لشهر
قبل ما تبدأ المدرسة ومشاغلها
جربيها حبيبتي وردي لي خبر
أظهرت تحليلات كيميائية أن أوراق الحناء تحتوي على مواد مقاومة للفطريات والجراثيم البكتيرية، وهو ما يكسبها خصائص وقائية ضد الإصابات الفطرية ومرض الجذام الميكروبي، الذي يصيب الجلد.
وكشف العلماء عن أن أوراق الحناء تحتوي على مواد جلايكوسايدية مختلفة، أهمها مركب "لاوسون" النشط، وجزيئات "هيدروكسي-1،4 نفثوكينون" المسؤولة عن التأثيرات البيولوجية والطبية.
وأظهرت الدراسات أن لأوراق الحناء فعالية واضحة ضد بعض أنواع السرطان، منها مرض الساركوما، كما تملك تأثيرا مشابها لفيتامين (ث) اللازم لوقف الإدمان والنزيف الداخلي، وتساعد في تخفيض ضغط الدم المرتفع، وتقوية القلب وتنشيطه، إضافة إلى فعاليتها في توسيع الشرايين والوقاية من تضيقها، إلى جانب فائدتها في علاج التهابات الأمعاء والقولون
وغير فوايدها للشعر وصباغة الشعر …
انا كنت اعرف وحده جسمها ماشالله رهيييييب كنت اشوفها بلبس السباحة
حده صاافي ولون واحد ماشالله
يوم سألتها قالت لي من الحنه ، تسبح فيها مع الشور عادي يعني حتى بدون لا تتنقع فيها
بس تدهن فيها مع السباحة
وهي يا ترى ليها انواع معينه ولا اي نوع ؟
و3 ملاعق كافية للجسم كله ؟ واعجنها بس بزيت من غير اي اضافات تانيه ؟
|
اقتباس | |
|
المشاركة الأساسية كتبها cat^q8 | |
|
| صح كلامج والله الحنه شي عجيييب سبحان الله
انا كنت اعرف وحده جسمها ماشالله رهيييييب كنت اشوفها بلبس السباحة حده صاافي ولون واحد ماشالله يوم سألتها قالت لي من الحنه ، تسبح فيها مع الشور عادي يعني حتى بدون لا تتنقع فيها بس تدهن فيها مع السباحة |
||
|
|
الله يجزيك الخير
والله كلامك شجعني أكمل
ولله مالناغنا عنها
يجزيك الف خيرررررررررررررررررررررررر
|
اقتباس | |
|
المشاركة الأساسية كتبها ناني فيبس | |
|
|
اجيب الحنة دي منين من العطار ولا من الصيدليه ؟
وهي يا ترى ليها انواع معينه ولا اي نوع ؟ و3 ملاعق كافية للجسم كله ؟ واعجنها بس بزيت من غير اي اضافات تانيه ؟ |
||
|
|
يا عمري الحنة بتحصليها بالعطار مطحونة جاهزة
وهي أنواع بس كلها تعطي النتيجة نفسها
والثلاث ملاعق تكفي جسمس كله
وما في مانع من الزيادة المهم تطلي الجسم كله
:shy: