موضوعي اليوم هو خلاصة تجربتي الي قاعدة أمر فيها وأعاني منها حاليا وشكثر نفسيتي تعبت منها حتى مدري شنو اسوي وانه قلت انصحكم قبل ما تطيحون في نفس الحالة الي انه فيها الحين 🙁
من تقريبا سنتين توفي ابوي الله يرحمه وقمت انام في الحجرة الي توفى فيها ساعات احس ان هالحجرة فيها شي مو طبيعي طبعا انه اتخذتها مكان حقي اسكن فيه وانام فيه كنت اقول عشان احس بريحة الغالي 🙁 بس يا ريتني ما سويت جذي 🙁 شعري بعد ما كان غليظ و
طويل قام يتساقط بالهبل ورموش عيوني على اقل لمسة يطيحون عيوني كله حمرة والتهاب ما يروح ابد باختصار رموش ما عندي عيوني دايما حمرة وملتهبة وشعري يتساقط وااااايد 🙁
قلت انه يمكن من الحسد لأن وايد ناس يقولون لي اول عيونج حلوة ورموشج طويلة (واهي اصلا من المسكارا) قلت حق رفيجتي روحي حق وحدة تقرى لي عن الحسد الا اخذت شيلتي وبعدين قالت لي هاي من الحجرة الي انت قاعدة فيها مسكونة 🙁
يا ريت بنات قبل ما تدخلون اي مكان تقولون بسم الله الرحمن الرحيم وادعولي اصير اوكي واذا عندكم اي شي مضمون حق الرموش دلوني عليه وخصوصا بنات البحرين 🙁 تكفون بنات نفسيتي دمار وخايفة من الزيوت احس عيوني ما تستحمل ابد 🙁
استخدمي كحل الإثمد فهو مفيد جذا للنظر و للرموش و الرسول (صلى الله عليه و سلم) كان يستخدمه أربعة مرات على اليمين و ثلاث مرات على اليساربس يا أختي لما تشتريه تأكدي أنه أصلي و خالي من الرصاص
و بالنسبة لتساقط الشعر استخدمي الحناء بس لازم يكون عندك يقين أنه بيشفي عيونك و شعرك بإذن الله
و اسال الله العظيم أن يشفيك مما أنت فيه
لما تحطي الأثمد أول شي سمي بالله و توكلي على الله و بعدين بللي بشوية من الدموع و
حطيله الكحل عشان يثبت و سوي داخل عيونك مثل لما تكحلي بالقلم و الأفضل قبل النوم
و أعتقد أن اللون المحمر هو الأصلي لاني أكثر شيء أسمع عنه
أتمنى أكون أفدتك
يجي اسطواني الشكل كبر الاصبع في بدايته مثل الكوره يطلع منها الزيت بمجرد الحركه…………
من غير مايدخل في العين ويأذيها………عن تجربه شخصيه والله ممتاز …….وطبعآ مع الاثمد الي
قالت عنه العروس الصغيره………والله ينفع به ويجعل فيه الشفاء ويرحم ابوكي……..
«•°¤ ..(f).. بِسْـــمِـ الـلّـــهـ الـرّحْمـــنـ الـرّحيـــمـ ..(f).. ¤°•»
.:!:..:!:..:!:..:!:.
حبيبتي كلامج يمكن صح
و العين و الحد مذكورين بالقرآن و لا شك في ذلك
و مشكوره على النصيحه تسلمين =)
.:!:..:!:..:!:..:!:.
×.::.(f).::.× مَعَــ حُبـــــِّــي ×.::.(f).::.×
.•°.*(f)*.°•. ™ BanTooTa .•°.*(f)*.°•.
انا بكلمج عن نفسي وانتي اذا بجربين هذا الشئ يراجع لج اختي ,,
قصتي مع عيوني كانت اشحلات عيوني وكان يضرب فيه المثل رموش اطوال ومكحل من رب العالمين وما كنت ابدا اكحل ولا اضع شيئ مثل هالصبغات في عيوني … الين صار عرس اخوي ورحت الصالون كان خاطري اجرب كحل داخل العين الله لا يراويج الالم والويل الي عانيته …اليي صادني ثاني يوم زواج اخوي كنت اشتكي الويل من الانتفاغ والاحمرار وبعدها الالتهاب وانا عميه ما اشوف شي من الصبح اقعد والعيون كاني ضفدعة ويا حسرتي وش اسوي وما خليت دكتور ولا دكتورة ما رحت اليهم خاص وعام ,,,
وجربت كل الادوية والقطور والمرهم للعيون …اسبوع عميه ويوم اشوف ضباب وحياتي انقلبت جحيم
بالصياح والالم … لمدة ثاثة اشهر حست انه 3 سنوات وما كنت اطلع من البيت الا المستفى لان ما قدرت اقاوم الهوى والشمس وتغيرات الجو والبس نظارة كبيرة … وهذى كانت حالتي …
اليين ما جربت بعد ثلاثة شهور من العمى وفاقدة الامل … الله يخليها الانسانة اليي قالت لي عليها … يعطيها الف صحة وسلامة وطولت العمر يارب وجمايلها في رقبتي والله ما بنساها الفضل من الله ومن ثم اليها امي حبيبتي ….
دوائي كان بسيط ومن رب العالمين وجعلنا منه شفاء للعالمين …. هو ((((((( عسل السدر )))))))
صرت انقط في عيوني في الصباح والمساء عسل لمدة اسبوع يعني جرعتين وراح الالم والالتهاب والاحمرار وفتحت على الدنيا وما صدقت انا اليي كنت عمية ثلاثة اشهر .. الحمد لله والحين كل ما احس بتعب في العين او غبار او اي شئ على طول العسل … حتى اشوف رموشى صر اطوال وغمق اللون بفضل رب العالمين … وصار يرجع مثل قبل
وهذى تجربتي انا شخصيا ,,, الله يكون في عونج
واذا بجربين العسل يكون الافضا والاحسن عسل السدر الخالص الشفاء
أختي العزيزة ماريا منوين يبتي عسل السدر في البحرين ؟؟؟؟؟ وجم أحط أحسها صعبة شوي ممكن توضحي ؟؟؟
والله يبعد عنج كل عين حاسده إن شاءالله ^___^
وربي يحفظج