كل وحده تذكر اسم عطرها المفضل 2024.

السـلام عليـكم … ورحمـة الله وبركـاتـه …

مادري اذا الموضوع مكــرر ولا لا .. لانـي عضوة يـديـدة .. بس اذا مكرر اسمحوا لي مسبـقا .. وتصرفوا فيــه 😮

شو رايكم كل وحده تذكـر اسـم العطور اللي تحبها .. نسائيـة ورجاليــة ..

أنا أغلب صديقاتي يو يتجهزون حق أعراسهم يتصلون فيني ويسألون عن أسماء العطور الحلوة ؟؟ فقلت خلنا نفيد عرايس منتدى عـروس بعــد …

أنا أموووووووت على عطـر اسمـه ( لاليـــــك ) مع انه جديم بس يعيبني ..

طبعا في عطر ثاني اسمه ( بول سميـث ) بس أنا أحب النسائي منه فقط ..

وأكيـد فيه كوكو شانيــل .. وسنسـي من جورجيو أرماني ..

يالله أنا لو تميت اكتب مابخلي عطر .. فبترك لكم المجال اذا حبيتوا عزيزاتــي .. :bigsmile:

بسم الله الرحمن الرحيم
اولا السلام عليكم جميعا 000

وثاانيا انا بالنسبه لي افضل عطر بولغري بالنسبه لي راااااائع مع البخوور شي خياالي 000

شنو بعد امممممم ايه الور من شانيل يعجبني واااايد 000

كوكو شانيل ما فيه كلاام لكن انا احب استعمله استعمال شخصي لان الناس خلاااص لو حاصل لهم ياكلوونه جان كلووه 000
وبس اتمنى اكوون افدتك 000
اختكم / أديــــــان

السلام عليكم ورحمة الله وبركاته0 1 _فاراويه (من افوان)2_كوكو شانيل

تسلميــن الغاليـــة ..

أديـــان (f)

علـى المشــاركـــة …

ألور اختـي يعجبها الجديم أكثر عن الجديــد ..

وبولغـري بصراحة روعـة .. ماعليــه كلام ..

وبالنسبة للعطور مع الدخون والله أعرف وايد يطلعون روعة وع بعض بس ما ذكرهم .. بتذكر وبرد أكتبهم لـج .. 🙂 بس بعد جربي العطور المخلطـــة تطلع أحلى بوايــــد مع الدخــون ..

تسلميــن الغاليـــة ..

عروسـة الحفــــل (f)

علـى المشــاركـــة …

وأغلب اللي أعرفهم يستخدمون كوكو شانيــل حاليـا .. يعني هو اللي مسكـّـت حاليا ..

فيه في محلات أجمــل عطر كوكو شانيـل يبيعون التولـه بعشريـن درهم تقريبـا .. لكن نفس الريحـــه ..

حبايبي بنات عروس حبيت اشاركم بموضوع العطور لاني اموووووت فيها واحب اجرب كل جديد فيها
انا افضل بلجرز من استي لودر
وعطر اوي من لانكوم
وتشانس من شانيل
بربريس القديم
وفيه عطر ريحته مره بارده وهاديه اسمه دونا…………….وبس

عطري المفضل هابي من ماركة كلينك القديم مو الجديد الاورنجcliniqiue happy
وعطر الثاني .من كريستنديور i love Dior
انا في العطوووور صعب مزاجي احب القديم اكثر واحب اخلط من العطووور:cool2:

حيـــاج اللــه اختيــــه … درة نــجــــد … (f)

طبعا نحن نرحـب بمشاركـتج .. ومشاركـة الكــل … وتسلمين على طلتـج الحلــوة معانا .. 🙂

جربـي عطـر وي من شانيــل مع دهــن العــود ( رووووووعـــــــة )

ومن استي لودر أنا يعجبنــي عطــر dazzling و pleasure جربيهم حلويـن ..

وحياج الله مرة ثانية الغاليـــة …

هلا وغلا اختيــه … بنــوتــه (f)

جربتي من كريستيان ديـور عطـــر for ever and ever .. ؟؟

جربيه مابتندمين … 🙂

تسلم الطلـّـة الحلــوة …

سلام …..موضوع حلو تشكرون علييه انا انصح كل وحده يعجبها عطر ويناسبها تصر عليه وماتغيره حتى تكون معروفه بهالعطر ويكون يدل عليها بالنسبه لي انا ماغير عطوراتي وبين الي حولي اذا احد استعمل هذي العطور يقولون نشم ريحة عطر بيبي روز سارت هذي العطور معروفه باسمي وهي كوكومودمزيل وشيك من كارولينا هريرا وفيه عطر روعه يصلح مع البخور والدهونات العطريه لأن ريحته عربيه عطر تروث من كالفن كلاين

…….بااااااي