انا كنت قاعده زهقانه
>>>> بدينا الفشر من اولها ده ابنك مربيكى مش مخليكى عارفه تتحركى
خخخخخخخخخخخخخخخخخ
برضوا كنت قاعده زهقانه من زن زياد وعايزة اخلع منه قلت اقوم الحوس المطبخ كعادتى المعتاده
قلت تعملى ايه يا ام زياد:042: نعملى ايه يا ام زياد :042:
اه قلت اعمل كيكه احتفالا ان زياد تم 4 شهور العمر كله ليه
ودى بقى طريقه الكيكه اللى معظم كيكاتى بتتعمل بيها هشان خفيفه وهشه وكمان سهله بس كل مره بضيف طعم جديد بيدى كيكه جديده
من ساعه ماشفتها مره على النت
وشفت واحد مش فاكره اسمها بصراحه بس ربنا يجازيها خير عملت كيكه تايجر قلت لما اجرب
>>>>>>خلصى بطلى رغى كلتى دماغنا ادخلى فى المفيد
خلااااااااااااااااص ماتزقوش المفيد جاى اهو 
المقادير
3بيضات + فانيليا
2كوب دقيق+ بيكنج بودر
1كوب زيت ذرة
1كوب سكر
1كوب اى حاجه !
(
لبن – او اى عصير – او اى حاجه ساقعه – اواى فاكهه مبشورة – او كوب ماء + 4 معالق لبن بودرة + اى نكهه زى القرفة او الكاكاواو القهوة او النسكافيه)
يعنى اى حاجه موجوده عندك سائلة هتديكى نكهه حطيهابمقدار كوب واحد وبس
خلاص بيتهيألى مقادير متوفره ومفيش اسهل من كده
انا بعمل كله فى الخلاط العادىولا مضرب بيض ولا حاجه
بحط البيض + الفانيليا … واضرب
والسكر … واضرب
والزيت … واضرب
وكوب السائل ( اللى هو اى حاجه عندك )… واضرب
والدقيق + البيكنج بودر… آخر حاجه … واضرب
وده نتيجه الضرب
بس كده خلاص الكيكةخلصت !!!!
خدوا بالكم … انا مش بضرب كتير فى كل خطوة … لالالالالا
مجردبس ضربة خفيفة ضربتين .. يعنى ثوانى مش اكثرلحد ما احس ان المكونات ذابت فىبعضها وامتزجت كويس وخلاص
ما شاء الله يابنات مش بتاخد معايا اكثر من 10 دقائق وتكون فى الفرن
يعنى لو عندك ضيوف ومستعجلة وفكرتى تعملى حاجه حلوة وتشرفكمش هتلاقى اسهل ولا اجمل منها باذن الله
بعد ما نخلص الكيكة هنقسمها نصين
نص هنصبه فطبق ونخليه على جنب شوية
والنص التانى هنخليه فالخلاط زى ماهو وهنضيف عليه معلقة واحده بس كاكاو ونضربه لحد ما يبقى عندنا كيكة بالشيكولاته
هنجيب دلوقت الصينية اللى هنعمل فيها الكيكة بتاعتنا وتقريبا مقاسها بيكون 24 او 26 وندهنها ونجهزها
نبدأ بقى الشغل …
هنسخدم معلقتين … واحده للكيكة السادة والثانية لكيكة الشيكولاته
ونبدأ ناخد من كل كيكة معلقة ونصبها فنص الصينية بتاعتنا
يعنى ايه ؟
يعنى هناخد معلقة من الكيكة السادة ونصبها فنص الصينية
هنلاقيها بدأت تسيل وتفرش فالصينيه وعملت لنا دائرة صغيرة
وبعدين ناخد معلقة من كيكة الشيكولاته ونصبها فنص الصينية برده فنص الدائرة بتاعة الكيكة السادة
هنلاقيها عملت لنا دائرة شيكولاته فوق دائرة الكيكة السادة لكن اصغر منها شوية
ونكرر نفس الخطوات بالتبادل لحد ما نخلص كل الكيك السادة واللى بالشيكولاته
هنلاقى فكل مرة ان الدائرة بتاعتنا بتكبر لحد ما نلاقى الكيكة بدأت تملى الصينية
على فكرة مش بتاخد وقت خالص لانك بتصبى بالتبادل بسرعه فمش هتاخد منك وقت ان شاء الله
الصور تشرح انا قصدى اييييييييييييه
ده شكلها النهائى بعد ما خلصنا صب كل الكيكة السادة مع كيكة الشيكولاته بالتبادل
بندخلها الفرن ونسيبها على نفس الحرارة المنخفضة جدا على 160 درجة زى ما قولت لكم
وطبعا مش بنفتح عليها خااااااااااالص علشان ما تهبطش مننا
ونسيبها فالفرن من 45
يعنى اقصى حاجه تقعد فالفرن ساعة لو الفرن هادى جدااااا علشان تستوى من جوا كويس ومش تتحرق من بره
وده شكلها بعد ما خرجت من الفرن
وهنا قطعتها
ودى لأول رد
اللى تخرج من غيير تقييييم هى حره
ودعواتكم لزياد
يسلمووووووووووووووو ويعطيك العافية ..
