السلام عليكم
عيد ميلاد صديقة لي في العمل فحبيت اسوي لها هالكيكة واتمنى لها عيد سعيد وان شاء الله هالسنه تكون سنه حلوه عليها وعلى اسرتها وتتوفق يارب في عملها ونسمع اخبار حلوه بخصوصها هي وكل البنات يارب
يوم اللي اسوي كيكة خاصة لج ياشهر12 لما تبشرينا بخبر اللي خبري خبرج 😉
اولا المقادير :
5 بيضات مفصولات
رشة ملح
كوبين طحين جميع الاستعمالات (انا استخدمت الكويتي)
ملعقة كبيرة بيكنج بودر
ملعقة كبيرة فانيليا
كوب حليب سائل
ثلاثة ارباع زيت
كوب سكر (تقدري تزيدي او تقللي حسب ذوقك)
ملعقتين صغار بودرة كاكاو
للتزيين :
طرفين دريم ويب +قيمر +حليب سائل
مكسرات مجروشة
الطريقة:
اولا نفصل صفار البيض لو حدة والبياض لوحده
ونخفض بياض البيض ولما يثقل شوي نضيف له كوب السكر ورشة الملح ونستمر في الخفق
ونخفق الصفار ونضيف له ملعقة الفانيليا
بعدها نضيف له الزيت والحليب ونستمر في الخفق ونضيفه مباشره عالبياض ونخفق ويكون هذا شكله
ننخل الدقيق مع بيكنج بودر
ونصب عليه الخليط اللي سويناه شوي شوي ونخفق بالملعقه بالراحه من تحت الى فوق
وبعدين نفصل الخليط الى نصف تقريبا ونحط على جزء منه بودرة الكاكاو بعد ماننخلها هي بعد عشان لايكون فيها كتل
الحين نجيب اي قالب عندج امسحيه بالزبدة ورشيه بالطحين وشغلي الفرن قبل عشان يحمى
وحطي اول طبقة (اختياري تحطي اول طبقة بنية او بيضه) انا حطيت اول طبقة بيضه ودخلتها الفرن من تحت ولما استوت شغلت الفرن من فوق على نار متوسطه طبعا
وهذي لما استوت
حطيت الطبقة الثانيه البنية بالكاكاو ورشيت عليها شوية مكسرات ودخلها الفرن من فوق من دون ماتشغلين الفرن من تحت (يعني بس من فوق وانتبهي لان راح تستوي بسرعه كونها طبقة رقيقه) ماتاخذ وقت خلي عيونج عليها
وهكذا تسوين مع باقي المقدار مره ابيض وتدخليه الفرن من فوق ومره بني لحد مايخلص الخليط اللي عندج بالكامل
شوفي شكل الطبقات شلون صايره
ولما تطلع خليها تبرد وشوي الكريمه وحطي على جوانب الكيكة وزينيها بالمكسرات ورشي بودرة كاكاو فوقها وحطي عليها زيادة كريمه وهذا شكلها النهائي
وهذا شكل الطبقات قطعت حته عشان تشوفوا هههههه
اتمنى تنال على اعجابكم يارب
F: ما شاء الله عليكي
والله يعطيكي العافيه
ماننحرم يارب منكم
اسعدني جدا مروركم الطيب
روووووعه تسلم ايدك
تسلم ايديكي