السلام عليكم ورحمة الله وبركاته
قبل كم يوم قعدت افكر شنو اسوي للغدا فكرت وفكرت 
كان عاجبني اسوي شي سبايسي وطبعا ماكو غير الاكل الهندي فقعدت ادور بالمنتدى على وصفة تعجبني 
كان في كثير اكلات هندية بس مو كثير عجبوني 
بس اخذت منهم شوي افكار 
والحمدلله طلعت بنتيجة مرضية :K:
نبدأ بمقادير الاكلة 
صدرين دجاج مقطعين قطع صغار
بصلة وسط وسنين ثوم طبعا يكونون مفرومين
مقدار 4 ملاعق طعام لبن وملعقة ونص كريمة طبخ وملعقة ونص كريم فريش < ممكن الاستغناء عنه وعلبة طماطم قطع او تقدرون تستبدلونه بطماطه فريش بس انا فضلت العلب
1 فلفل حار وممكن تكثرون منه اذا تحبون
بطاطا مسلوقة نص سلق مقدار 2 بطاطه وسط
الطريقة 
نخلط بخلاط العصير اللبن والكريم فريش والطماطه والكريمة والفلفل والثوم وبهارات ~ كاري حار. فلفل اسود بابريكا وملح وملعقة صويا صوص < اختياري
نتبل فيه قطع الدجاج نتركه حوالي ساعتين او ساعه اذا مستعجلين
الحين بجدر نحمس البصلة المفرومه بعدين نضيف قطع الدجاج بدون الصوص اللي تبلناها فيها
الصوص نتركه على جنب
بس يتحمر شوي نضيف الصوص وملعقتين كبار معجون طماطم وملعقة كبيرة كزبرة خضره مفرومه ناعم ونتركهم على نار هادئة
الحين خلاص استوى عدنا يمي يمييييييييييي ريحتة تدوخ 
نقدمه مع رز ابيض بالشعرية
انصحكم تجربونه لانه لذيذ ونكهتة جديده ومميزة .. ويومها عجبتنا كثير انا وزوجي 
بالاخير اذكر ان مااحلل نقل الموضوع بدون الاستئذان مني …
واللي يعجبها الموضوع تدعيلي الله يحفظنا انا وزوجي ويسخرنا لبعض ويسعدنا مع بعض يارب
والله يرزقني بالحمل الثابت الصحيح وبالذرية الصالحة 
….
سلم ديااااتك
شكلها رهيييب
وبالف هنا وعافيه عليكم
وربي يرزقك الذريه الصالحه
ويشرفني اكون اول وحده ارد
يعطيج العافية انوار وربي يرزقج الذرية الصالحة يارب
ويسخرلج ريلج ان شااءلله 
واااااااااااو ماشاء الله عليج يا انوار بصرااحه مبدعه
عا شت الأياااادي وعليكم بألف عافيه والله يسعدج دوووم يارب ويرزقكم
بلذريه الصااالحه يااااارب.
الله يحفظ لك غاليك و يرزقك بالذريه الصالحه
مبين عليها خوش أكله
تسلم إيدج حبوبه
و ربي يخليكم لبعض و يرزقكم الذرية الصالحه المعافاه
تسلم ايديك انوار,,شكلو رهيب والله
الله يخليكم لبعض ويرزقكم الذرية الصالحة يا رب
ربي يسعدكم ويهنيكم ويرزقكم بالذرية الصالحة يارب
تم تقيييييمج