لحقوني بنتي طلع لها حب 2024.

[مرحبا خواتي الأمهات
شخباركم وشخبار السهر وياكم
ما بطول عليكم بدخل في الموضوع على طول
تدرون بنتي الصغيرة عمرها شهر و3 ايام من يومين كنت اصلي وبنتي الصغيرة كانت نايمة بالصالة
وكانوا بناتي الثنتين بالغرفة يلعبون وكانت معاهم الشغالة اتراقبهم ،، المهم جل من لا يسهوا وغفلنا عن بنتي اللي عمرها سنه وعشرة شهور وراحت لبنتي الصغيرة وعطتها قطعة تفاحة كانت بيدها والصغيرة ما صدقت قامت اتمص واتمص فيها 🙁
المهم كملت من الصلاة وشفت الموقف يعني اشوه اتداركت الأمر والله ستر ان بنتي ما فتحت حلجها كامل للتفاحة جان صارت بخبر خير المهم خواتي المشكلة مو اهني
المشكلة لاحظت ان بدا يطلع ليها حب في وجها وهذا الحب في ازدياد وصل لجسمها حتى الحين وصل الى راسها
يعني تحت شعرها في فروة راسها وديتها المستشفى الدكتورة قالت لي ما اقدر اعطيش لها دواء بعدها صغيره
وما نقدر نحكم ان هذا الحب من التفاح :confused:
ابغي حل يا جماعة بشرتها الناعمة صارت خشنة من هذا الحب
بس بصراحة الدكتورة قهرتني واجد بهذا الرد يعني ما عطتني اي مبرر لحالتها

وش اسوي

حبيبتي وديها عند اخصائي اطفال احسن وبعدين بنتج ماشاء الله عليها كملت الشهر يعني مافيها شي لو اعطتج دواء لها.. بس انا اشك انه بنتج عندها اكزيما بعيد الشر ان شاء الله

الحب اللي بوجهها جاااف واحمر ؟؟؟

[مشكورة خيوه على الرد
بوديها اليوم عند اخصائي والله يستر

ما اعتقد اختي انها اكزيما لأن الاكزيما تطلع اثارها بعد ال 3 شهور…
يمكن تحسس عادي من انفاسج وانفاس خواتها لأن اكيد يقربون من ويهها وايد..

انتي وديها الاخصائي وان شاء الله مافيها الا الخير ,, طمنينا عليها

همسات يمكن شنيتر الله لا يقوله لأن هلأيام منتشر وساعات يجونش ناس توهم مخلصين بس بعدها البويضات وسبب العدوى فيهم
أني الله طلع بنتي منه لأن فس ناس قاموا يجون ليي ويا أولادهم وهم بعده توه اسبوع صايدنهم وطبعاً فشيلة ما بتطردينهم بهم
بس الله حماها فطوم
طمنينا على أمونة

لا والله بهمسات

كنت بقول يمكن هذا شنيتر بس عيون سبقتني

ونصيحه وديها أخصائي أطفال أفضل لها

[هلا خواتي وديتها اليوم للدكتورة
قالت لي مو الشنيتر بس قالت لي يمكن حساسية من مسحوق الغسيل والتفاحة بريئة
بس بعد ما رضت تعطيني اي دواء او مرهم قالت لي بعدها صغيرة وكل الأدوية تحتوي على مادة الكرتيزون ، سألتها الى متى بيظل هذا الحب قالت لي حتى لو يظل شهور مردها راح تكبر وبنعطيها بعدين الدواء:cry:
بصراحة ليش اسلوب هاالدكاترة جذيه احسهم يتكلمون بدون نفس ولا يعرفون يعالجون:mad2:
ما ادري وش اسوي وجهها مسكينه صار كله حب خشن واهي الوحيدة من خواتها اللي صادها هالحب
الله يكون بالعون

اختي رحتي اي دكتورة؟ سميرة المتروك؟؟

هلا باختي الغاليه

وانا بعد ولدي عمري شهر وايام

وطالع له حبوب لونها احمر وصغيره في صدره وظهره و ويهه وراسه

وسرت للعياده وقالت لي هالحبوب سبهها الحر وعرق الطفل

ولازم تلبسينه ملابس خفيفه وخليه على طول بالمكيف

واسبحه مرتين في اليوم بصابون جونسون

وطول الوقت حطي له بودره جونسون مكان الحب

والحمدالله بدا يخف

واتمنى اكون فدتج

والسموحه

حيااتي الحب كبير والا صغير كلش فهمينا شكله واذا تقدرين تصورين جزء من جسمها ويكون محبب وتحطينه لنا بنفهم اكثر وبنفهمج؟

يمكن تحسس من تفااحه