شخباركن بنات …
بصراحه في موضوع شد انتباهي…
ويا ليت كل بنت متزوجه تقول أشلون كانت تتعامل مع شعرها من أول أيام زواجهم يلين ما اعتادت عليه…
يعني كل وحده تدخل بشرط تكون متزوجه …وعادي البنات الي مب متزوجات بس علشان الخبره تعم…
تكتب نوعية شعرها …وكيف كانت تتعامل معاه …
شو قلتن بتعزمن وألا شو…
علشان نساعد كل بنت مقبله على الزواج أو ألي تزوجن ومب قادرات يتحكمن بشعورهن …
وأنا بصراحه مب متزوجه أنا مخطوبه ومحتاسه مب عارفه شو أسوي بشعريه…
بلـــــــــــيز بنوتـــات خلونا نحط يدينا في بعض …
ونساعد ونتعاون …
امممممممممم
انا اول زواجي كان شعري ياحليله رايق
احيانا استشوره واحيان الفه رول
بس كان دايم يضبط
لين انا تبطرت ع النعمه
من كثر الصبغات شعري راح فيها
الحين بعد سبع سنين احاول اريحه بين فتره والثانيه على امل يرد زي قبل
الله يساعدنا ويحلي شعورناااااا
قولو اااامييين
السلام عليكم ورحمة الله وبركاته
عزيزتي عن نفسي قبل الزواج كنت احط خلطات وكريمات واقتعه وزيوت يعني ما خليت شي ما جربته.. لان كان عندي فائض من الوقت ومحد يشوفني..
ولما عقدت القرآن طبعا مب جدام الزوج.. اهتم ب عمري حتى الويكآند اتجهز له بدون روايح الزيتيه الهنديه..
ولما تزوجت طبعا لما يكون برع البيت اروح واستخدم الزيوت وقبل ليرجع اكون غسلته وجهزت عمري ههههههههههههه..
طبعا الحين حامل وما لي بارض فاحط زيت خفيف ريحته مثل دابر باراشوت وهو ما يقولي شي لان ريحت الزيت خفيفه وان شاء الله لما اولد برجع للخلطات مره ثانيه بس مش جدام زوجي ترا الرياييل يحبون يعلقون..
وشكرا..
بس اثناء الحمل نسيت ان عندي شعر .. حتى زوجي قام يعلق عليه .. ان شاء اول ما اقوم بالسلامة برد وبعتني فيه ..
خصووووووووووصا الي شعره طويييييييل
بس أريد أعرف شو كنتن أسون أثناء شهر العسل لأن الزوج يكون مع زوجته يعني ما يفارقها …
كيف كنتن تتعاملن مع شعوركن ….
بصراحه أبا كل وحده تكتب نوعيت شعرها وتكتب كيف كانت تتصرف وياه
فماكنت اسبح الا قبل لانطلع بشوي واحط كميه من كريك بديل الزيت من بانتين كبلسم ولما اطلع احط زيت اللوز شوي
وسيروم كريستال وبعدين اجففه بالمجفف في الحمام وانتوا بكرامه بس اخليه مرطب شوي
واستشور خصلي من قدام واربط شعري بالعظاظه يعني احاول الم كل شعري تحت الريشه عشان ينشف وهو ملتم
بدون ما يتفلف والبس شيلتي واطلع
ولما ارجع اربط شعري بهالريشه بشكل مرتب او ارفع نص شعري واخليه كيرلي من تحت يعني اتفنن شوي ههههههههه
موفقين خواتي
بس نصيحه اذا ما كنتوا متزوجات حاولوا تسوون حمام زيت مره كل اسبوعين في الصالون وكل يومين تحاولين تستعملين
خلطه من خلطات المنتدى او تستعملين زيت مثل زيت ام الجدايل او زيت اللوز وتستمرون على هالجدول شهووووووووور
يعني الوحده وين يمديها تسشور شعرها جدام ريلها
انا وحده شعري جاف ويوم ينشف يطلع
احم احم خلني ساكته
فعشان جيه نو واي اني ازيغ المعرس من البدايه
متى بتفيج اسشور
والله حاله !!
بس اهتميت في شعري وبعدت الخلطات والحمد لله شعري بدا يطول
وهذي طريقتي :
أخلط زيت خروع مع دابر أملا من الصباح لين الظهر وأغسل شعري
بشامبو فاتيكا وبعدين أعمل حمام زيت أخليه عشر دقايق وأغسله
وبعدين أنشفه وأحط كريم فاتيكا على راحة يدي وعلى طول احطه على شعري
وبعدين استشوره .. وما شاء الله يطلع رهييييييييييييب …
زوجي ينجن على شعري
وأحيانا احط كريم بالمرز بجوز الهند وأيضا رهييييييييب هالكريم
بس ما استشور شعري البس شيلتي ولما اطلع الشيله ما شاء الله ولا شعره
واقفه… أول كنت كل ما أنشف شعري أشوفه يوقف مثل الصاروح
والحمد لله الحين زاد طوله وباستمر على هالطريقة