والله احتارينه ويا عمرنا ومو عارفه شسوي في روحي هه
كل يوم تطلعلي فكره جديده وللاسف بدون اي تقدم مع هالسواد اللي لاصق لصقه
المهم انا ليلحين اعاني مع السواد في اباطي وابي له الحل
وقاعده اعالج روحي بوصفة دكتور واستخدم بعد الحنه والكركم وغيره
بس الحين محتاره شلون انظفه وناطره الشعر يطلع علشان لا يبقى شي تحت الجلد
المشكله اني مااعرف اشيله بروحي بحلاوة لازم يصير احمر وبعدين اسود :confused: حاولت بس صععععب مااقدر
وبعدين انا استحي اروح حق الصالون علشان ينظفونه لي خاصه انه اسوود يفشل بتلوع جبدهم والله 
الحل الاخير اللي فكرت فيه هو ماكينة براون هاي الامل الاخير حتى لو انها تعووور
بس سؤااالي هل استخدام الماكينة يشيل الشعر من جذوره مثل الحلاوة ومايسبب سواد؟؟؟
اهم شي السواد هل تسبب سواد مثل الموس وله لا؟؟؟؟؟
ناطره ردكم علشان لو ماتسوي سواد اروح اشتري لي وحده وافك عمري من الحلاوة وعوار الراس 😮
ترى كل نوعيات براون الجديدة لازم يكون فيها على الأقل شفرتين وحدة للنتف للجسم والثانية للنتف المناطق الحساسة هذا غير اذا كان فيها كذا قطعة غيرها حسب نوعيتها وسعرها طبعا
بالنسبة انها تشيل من الجذور …….. أي من الجذوور وتقلع الشعر قلاع بد هههههههه حتى الصغير
أما انها تسبب سواد فلا … هي ما تسبب سواد لأنها ماتأثر على الجلد أصلا بس لا تحطين في بالج ان بستخدامج لها راح يروح السواد 
أولا انتي لازم تعرفي تستخدمينها صح:
1- تقشير الأبط حتى ما يكون في شعر تحت الجلد (تقدرين تقشرينه بأي مقشر يريحج يس قشري بنعومة بمقشر المشمش , سكر وزيت, أو حتى الإستحمام اليومي بدك المنطقة بلطف بالليفة)
2- طهري المنطقة قبل ما تشيلين (اكسنول أو ديتول مخفف أو خل مخفف بماء ورد او اي مطهر)
3- حطي بودرة أطفال
4- شيلي المنطقة بالآلة عكس اتجاه الشعر مع شد الجلد مو تخلينه مرتخي علشان لا تعورج الآلة
5- اذا كان جلدج حساس ويطلع لج حبوب بعد الشيل حطي كريم مطهر مثل سودوكريم
ملاحظة: الشعر لازم يكون قصير موطويل علشان لا يعورج أو ينقطع بالآلة
ثانيا: عن مسالة السواد
ترى السواد مشكلة اغلبية البنات بس لها أسبابها والمكينة أو الحلاوة مو هي الي تحدد السواد لكن الي ممكن يكون سبب في السواد هو طريقة ازالة الشعر ياي طريقة كانت حتى لو بالموس ودرجة اهتمامنا بالمنطقة
ويالتوفيق
ماقصرت كفت ووفت
وانا بنقل لج تجربتي معهاا
فعلا اهي تنتف الشعر من جذورها حتى تشوفين البصيله طالعه مع الشعره مثل الحلاوه واهي ماتسوود ابد بس تعوور شووي
والاخت مااقصرت الله يجزاها 1000 خير
وانا عن نفسي جربتها
تعور شوي بس
انا مابديت استخدمها
بس بصراحه سمعت انها تطلع الشعر تحت الجلد وهالشي يسبب حبوب ودمامل
بس صج تطلع شعر تحت الجلد؟؟
وعلى العموم انا قررت استخدمها على الاقل خلال فترة العلاج
اهتم بالمنطقه بنفسي ويروح السواد من احف مرة ثانية في الصالون ترجع نفس القصة
حاولي تشيلين بقطعه صغيرة وبنعومة شوي
انا احس ان مافي حل غير الليزر
واستفدت منكم
تحيتي