يجنن مو نقل ولا شئ جربتة بنفسي وخلال اسبوع كل شئ راح
صدق مانى مصدقة
الخلطة هذى تبيعها وحدة بالرياض بــ 500 ريال يابلاش
الكلام الى فوق طبعا اقتنعتو فية وممكن ازيد من عندى
يبيض وينعم ………. الخ
طيب اخواتى انا ضد انك تصدقين كل شئ وفعلا ماانكر انى احيانا اصدق لأنى اقول البنت حلفت وانسي شئ اسمة الضمير الميت
اخواتى …….. مهما حصل الأحظ الغالبية لاتتعظ ابدا من النصح ولا من تجارب
الآخرين وكأن لاحياة لمن تنادى
اخواتى ……… لازم تتأكدون قبل شراء خلطة فى اي منتدى قرأة الردود
جميعها لأن احتمال بعض من الردود تكون نتائج وتجارب الأخوات مع الخلطة
فعلشان ماتتحطم نفسيتك أكثر بعد استخدام الخلطة فتعدم بشرتك
فلا عالجت ولاشئ فقط راح تبحثين عن علاج يعالج مشكلتك الجديدة الى جت من الخلطة…
اخواتى………. الناصحين من الأخوات هم كثر بارك الله فيهم لكن المستمعين قليل قليل ولأسف الشديد
هذا كلامى لكم والله قد وهب لنا عقل لنميز
فوالله انى احترق من اجل بعض من عديمى الضمير الذين يلعبون على عقول النساء
ولدى دليل على كلامى………
فانا من النوع الذي ادقق بكتابة هؤلاء التجار
وهذا والله اعلم من وراء القصد
اختكم فى الله والمحبة لكم
عابرة
الله يجزاك الخير ..و دمتي بصحة و عافية
أختك
وقد اكتشفت احداهن من عديمات الضمير في منتدانا هذا وهي تروج لسلعتها في كل منتدى نسائي بنفس الاسلوب لتستغل اكبر عدد من ضحايا الركض وراء حب الجمال مدعيه ان في سلعتها الحل لكل مشاكل البشره والشعر حتى اذا اكتشف امرها ولت هاربه لتبدا من جديد لترويج سلعتها في منتدى اخر بالحلف الكاذب والدعايه المغريه لكن اين ستذهب من عقوبة الله الله حسيبها وكفى
وفعلالالا ياكثر ما اشتكيت هالشي للمشرفات في هالمنتدي ولكن لا صوت لمن تنادي!!!
لاني الاحظ في بعض المنتديات جزاهم الله الف خيرر يضعون في نصب اعينهم سلامه اعضاءهم وقراء منتدياتهم من هذا الفخ …
وانشالله يقروون المشرفاات موضووعج ويحذفوون جميع تلك المواضيع التجاااريه البحته…
بس خليني اقولك على شي وحده اعرفها زين (اخت زوج اختي ) استخدمت خلطه وب 500 وفعلا من الا سابيع الاولى والنتيجه تجنن وصار فيها بياااااااااض وصفااااااء حتى اكواعها ومفاصل اصابعها صارت على وردي ونعومه تجججججنن الكل انهبل معها كيف انقلبت 180 درجه
المهم البنت استمرت على الخلطه فترت خطوبتها وحتى بعد الزواج وبعد تقريبا 3 شهور او 4 شهور من استخدامها المسكينه البنت راحت فيها كل وجهها وايدينها ورقبتها وصدرها واعلى ظهرها (كل الاماكن اللي استخدمت فيها الخلطه ) طقت كلها حبوووووووووب ومو اي حبوب تروووووع كانها دمامل من كبرها ماعاد في وجهها ورقبتها مكان فاضي كلها حبوب البنت المسكينه تقول صرت استحي اروح للناس الكل يقول وشفيك ؟ وراحت للدكتور وقال من الخلطات واهي الحين تعالج ومستمره في العلاج والحمد الله خفت كثييييير فحبيت اقولك من حرصي عليك اخاف يصير لك ماصار لها
ومع السلامه
الله يجزاكم خير على المرور ويارب الكل يحذر
وبالنسبة احب الكل…….. الله يشفيها أنشاء الله واحيانا الوحدة منا ماتتعظ
الا لما تأخذ درس ويمكن يكون قاسي بعض الشئ لكن الحياة تجارب وعبر
والله المعين
جزاكم الله كل خير
أتغااااااااااااااااااااااااااااااااااااااااااااااا اااااااااااااااايظظظظظظ
و أحس ان هدفهم الربح بس …
مشكوره أختي على طرحج الموضوع الحلو …
واغلب كريمات التبيض لاتصدقون انها طبيعيه و يحلف لج راعي السلعه باغلض الايمان انها 100 % طبيعيه وانها مجربه ترا كله كذب وافتراء اغلبها مواد كيميائيه واللي يفتح البشره اكيد مضاف له كيرتزون واحنا عارفين خطره وفوق هذا من اول ما تتركين الكريم ترجع بشرتج نفس ماكانت ولا بعد اسوء
انصحكم بالمواد الطبيعيه ماكو احلى من الطبيعي لافيه اضرار ولا اثار جانبيه .. ارجعو للطبيعه وكنوزها ماسكات وأقنعه للوجه وماشاءالله اهنيه البنات ماقصرو حاطين موسوعه للعنايه بالبشره تحتوي على مجموعه كبيره من الاقنعه اللي تناسب جميع انواع البشره
مع تحياتي
أختكم : جورية
واحب أنوه ان مب كل خلطة او كل وصفه تناسب الكل .. لان بشرة كل انسان مختلفه عن الثاني لو حتى كانت من نفس النوعية .. و ان الان انتشرت ظاهره بيع الخلطات و الوصفات بشكل كبير وبمبالغ كبيره والنتيجه ولا شيء او يكون مخلوط فيها كريمات التبيض المضره ……..
لذلك اتمنى من الاخوات ينتبهون للي تخبرهن عن المنتج او الخلطة وتتاكد من اللي يبيعها ….
تحيـــــــــاتي