مجبوس لحم ع الكيف

السلام عليكم ورحمة الله
اليوم طبخت حق الاهل هذاك المجبوس الزين اللي طلع يهبل وحبيت اراوي البنات الحلوات كيف يتسوى بسم الله
المكونات
1-لحم غنم
2-رز طبعا الكميه اللي تبونها
3-بهارات مشكله مب مطحونه وهي اعواد من القرفه -هيل -قرنفل -فلفل اسود
وعلى فكره هذي البهارات مجوده وجاهزه ف اكياس في الجمعيات
4ملعقتين اكل بهارات مطحون وملح طبعا
5-بصل وثوم
-6-اربع او خمس حبات طماط مع حبتين بطاطا
7-شبنت او كزبره او الاثنين مب مشكله
8-زيت
9-لومي اسود مع عصير ليمون او خل
10-مكسرات مشكله للزينه
الطريقه
1-اغسي اللحم وفوريه شوي واشخليه حتى تطلع الزفرى
2-اغسلي الرز ونقعيه بالماي
3- هاتي قدر متوسط وخلي الزيت مع البصل وخليه على النار الين ما يحمر البصل ضيفي الثوم
دقيقتين وضيفي اللحم واخلطيهم ضيفي البهارات المطحونه ومقدار ترسة ايدك البهارات اللي مب مطحونه واحمسيهم زين مازين بعدين ضيفي الطماط المفرومه مع الشبنت واكسري اللومي الاسود
وخليه معاهم وحركيهم على النار الين ما تشوفينهم تشربكو مع بعض ولا تنسين الملح والحامض
الحين ضيفي الماي تقريبا ثلاث ارباع القدر وخليه على النار الين ما تشوفين اللحم نضج

اشخلي الرز من الماي وضيفيه على اللحم بحيث يكون الماي مغطي الرز وزايد عليه شوي
حركيه كل دقيقتين الين ما تشوفين الماي ابتدى ينشف خليه على نار هاديه لمدة نصف ساعه ولا تنسين تلفين القدر بالمنيوم
للزينه-افرمي بصلتين كبار وحمريهم وقطعي البطاطا الشكل اللي تحبينه وحمريها وحمري المكسرات
عقب النصف ساعه اسكبي الرز بصحن التقديم ورشي عليه الاشيا اللي حمرتيها
قدمي معاه شوية سلطه مع دقوس اوااجار
اتمنى ان الطريقه تكون سهله وانشاء الله عجبكم المجبوس وهني وعافيه(r)

ماشاء الله بوركت663399

يعطيكي العافية

ويسلمو ايديكي

ماشاء الله عليج

يعطيج العافيه ياالغاليه

يعطيج العافيه يالغلا….

تسلم اليد الحلوة….

يعطيك العافيه

مشكوره الغاليه يوعتينا

تسلمين الغليييه

تسلميييييين غاليتي

مشكورات حبيباتي ع المرور
وانا ف الخدمه