بأسم الله نبدأ
والصلاه على أشرف الخلق نبينا محمد صلى الله عليه وسلم
————————————————————–
يا بنات موضوعي هذا هو عبارة عن ان كل وحده تكتب تجربتها مع السيلوليت
يعني وش استخدمت واي نوع من الرياضه مارست حتى ساعدها على التخلص من السليوليت
وأيضاً للبنات اللي مثلي الي يعانون من السيلوليت
————————————————————-
أنا حالياً امشي في اليوم 20 دقيقه وامارس تمارين رياضية للأفخاذ واليدين
واستخدم كريم قود باي سيلوليت من نيفيا وتوني مستخدمته يعني
المهم بنات انا بصراحة قبل فترة كنت اقول اهم شي ان اكون رشيقة
ولكن احين صرت اكثر جدية بخصوص موضوع السيلوليت وقعدت افكر ان كل أمرأة تطمح ان يكون عندها الجسم المثالي و المرتب ولكن ماكو عزيمة ولا أرادة
لكن هذي العزيمة والاراده كلها انتي تبنينها وتزرعينها في نفسك
طيب ليش لما نشوف مغنية في التلفزيون نقول شوووف جسمها شلون حلو وكيف ومادري ايش
طيب احنه نقدر نمارس رياضة وناكل الاكل المفيد وراح نصير مثلهم وفوق كل هذا
بتكون صحتنا جيدة وحتى لين كبرنا وعجزنا ماراح نعاني من الامراض الي منتشره هالايام
ولا راح يكون جسمنا مترهل
من توافقني الرأي؟؟
وياريت بنات تحطون تجاربكم
شكراً
انا بدات اعمل رياضه السلم كل يوم 10 دقايق انزل واطلع السلم
ومره بالاسبوع اعمل سكرب لجسمي
وكل يوم ترطيب قبل النوم ويا رب يفيد
الله يعيين على السيلوليت
مشكلة اواجهها اتمنى من كل قلبي اني اتخلص منها
لاني مشوهه منظر جسمي بأرداف وزنود وانا على وجه زواج 
قبل يومين شريت كريم بيزلين للسيلوليت مع فرشاة تدليك خشبيه
وان شاء الله القى منه نتيجة لان مكتوب عليه النتيجة تظهر بعد شهر
طبعا مع محاولاتي من التقلل من الدهنيات والقلي
والرياضة مشكلتي اني ما استمر عليها
الله يعيننا جميعاً ويارب نتخلص منها
وينعم علينا بجسم خاااااالي من السيلوليت ياااااااااارب
موفقة عزيزتي
وعاد الخطوط اللي ظهرت ع الجسم وكأنها خارطة العالم وينا كنا ووين صرنا … ما ادري أحس حتى لون الجسم يتغير بس ان شاء الله مع الرياضه والمشيء كل شيء بيروووح وأذا وحده جربت كريم يزيل هالخطوط تعلمنا عنه بس أهم شيء تكون استفادت وبتااااااااااااابعكم للأخر
وفعلا هذي مشكله كلنا نعاني منها
وياشموخ سمر ياليت تصورين صورة المنتج اللي عندك
وتخبرينا اذا استفدتي حبيبتي
نلاااقي له حل هو والتررررهل
كنت اعرف كريم بس انا ما جربت من حراز بمصر اسمه السيلوليت بس اللي اعرفه ان زيادة الوزن عامل اساسي في وجوده
تجربتي الشصية في مكافحة السيلولايت و خطوط الجسم/التشققات Cellulite & Stretch Marks