مشروعي وافكاركن يا حلواااات 2024.

السلام عليكم ..

شخباركن يا بنات يا حلوااااااااات ..

انا بصراحه عندي فكرة مشروع ليس بالجديد ولكنه عاجبني .. وابي منكن الأفكار وتساعدوني بالمقترحات ..

انا في بالي افتح محل لتجهيز الأعراس والحفلات البسيطة .. F:

وأريدكن تساعدوني في شو هي الاساسيات اللي لازم تتوفر في هالمشروع ؟؟!!

طبعا غير الكوش والتصوير والدي جي شو الشغلات الثانيه اللي لازم أوفرها عشان اقدر اكسب الزباين ؟؟

وأجهزة الدي جي من وين الواحد ممكن يشتريها ؟؟

اتمنى منكن التعاون .. وعسى ربي يسعدكن ويرزقنا واياكن .. ^o)

مشروع جيد اختي و اعتقد انه له رواج وفقكي الله

تسلمين عزيزتي .. وعسى ربي يوفق الجميعِ

بانتظار مشاركات وأراء ومقترحات العضوات ^^

شي واايد حلوو اشجعت علييه … الدي جي الصراحه انتي اترومين ادبدعين فييه يعني اجهزين سماعات واترتبين الااغاني ولا يستوي يكون اناشيد على حسب الطلب … اترومين بعد اظهرين افكار حق طلعه العروس وافكار حق تزيين الطاولات … وها البزنس مالج يعتمد على الناس الي اتيي يعني اذا عييبهم بخبرون ربيعاتهم وهذا بكون دعايه حقج وتقدرين تبتدين البزنس حق الاهل … وربي يوفقج ويعطييج الي فييه الخير

حلوووو الله يوفقك

فكرة وايييد حلوة..
أنا بقولك بعض الأفكار..
بالنسبة للاعراس:: حطي أفكار لدخلة العروس يعني يكون عندك ليستة تختار منها الزبونة فكرة الدخلة وانتي اطبقينها..
بالنسبة لأعياد ميلاد الاطفال نظمي مسابقات للاطفال وممكن بعد تجيبي رجال يلبس لبس المهرج وهو اللي يلعبهم..

بالنسبة لأساسيات المشروع ما ما عندي فكرة بس أعتقد لازم يكون عندك شخص يساعدك لان المشروع يبيله شوي..

أتمنى أفكار المتواضعه تعجبك
موفقة بإذن الله

يارب احفظ لى بناتى و ردهم لى سالمين معافين يارب العالمين

ربي يوفقك يالغلااا مشروعك حلووو والكثير هالايام
يتنافسون فيه واهم شي فيه هو الديجيه والتصوير و
ترتيب الطاولات من قهوه وشاي ومسليات وورد
وترتيب الكوشه تبع الزواج والاضاءات ..

مشكوورات عزيزاتي .. ربي لا يحرمني منكن

وباذن الله راح افكر اركز ع موضوع الكوش وبطاقات الاعراس والتصوير والدي جيه والورود ..

بس المشكلة عندي في الضيافه >< .. كيييييييييييف اقدر اوفر المقهويين والمقهويات ؟؟

موفقه يالغاليه .. انا هالشي في بالي من زمان ..