مشكلة في 5 CAMOUFLAGE CREAM PALETTE من MAKEUPFOREVER 2024.

اختي الصراحه انا اخذت الجديده والافضل من بينهم

الاخضر لما تحطينه بخفه مش كثير شوي بس ترتيب فقط

واذا عندج الفاتورة رجعيه وخذي رقم N3 لان الكونسيلرات حلوة فيه لون على الطرف قرب من العنابي او الوردي الغامق حلو للهالات السوداء تدربت عليه وخاصه لما تحطين فوقه كونسلر الجديد من هيلينا رووووعه

البرتقالي الي عندج للعين اذا في سواد بس تحطينه مثل لما توزعين بالاصبع النصفي وترتبين بخفه
بس الصراحه الافضل الي اخته في الاخر افضل رجعيه وخذي الي قلت لج عليه والي اخذتيه قديم وهذا دور الاخضر والابرتقالي وقلت لج شقايل تحطينه واظن انج مثل بشرتي للكفر الحلو كريم اساس يتحول للبوده من هيلينا الجديد وخذي اللوز باودر انا استخدمها كل وقت وبيفيدونج الاخريات

مشكووووووووووووووورة اختي على ردج بس احس توهقت فيه لاني ماعرفت استخدمه والمشكله ماقدر ارجعه لاني بطلته واستعملته

ابي كونسيلر حلو وماعرف شنو استخدم جربت YSL

بس احسه مب شي علي ماعرف والله شاستخدم

نوار انا ناوية آخذ كونسيلر ايف سان لوران
اشوف الكل يمدح فيه….

وبصراحه فور ايفر جربته عن الماكيير اللي اتعامل معاها وماعجبني … وقلت لها تغيره

حبيباتي انا الحي 38 سنه وعلى كثر ما درت وخاصه لتعبي بالجيوب الانفيه دائما عندي هالات سود

وعيني حساسه جدا الايرينر والمسكرا وخاصة السوداء تثير الصداع عندي فاستخدم الايشدوا والوحيد الي نفعني هلينا الجديد الصغير روعه واخترت اللون 03 لأن بشرتي عاجيه قريبه للبياض
سواء مع الميك اب فور ايفر او بدونه نجح والايلينر الوحيد كرستنديور
حبيباتي من يوم 15 سنه وانا دورلتي وبالمستحضرات لنفسي بلندن والهارودز الصراحه الاف سانلوران كثير عليكن في سنكن ومعطر نوع ما وقبل لا تشترين اي منتج جربيه وخليه عليك ساعه وشوفي الي معاج اذا تحس في تغير وانتي شوفي اذا ارتحت اليه لكن تاخذيه وعلى السريع وهذي فلوس ربج يحاسبج عليها سن العشرين لين الاربعين الكلينك والسنشيدوا والوان الي تعرفونها وهيلينا حلوة وبعد الثلاثين ورايح كلارنس ودكليور وسيسلي ممتازات لأن البشره تتغير
وكل ما كنتي اخف بمكياجج والنتف وغيره اخرتي التجاعيد وايظا الماء والرياضه انا بهالسن والحمدالله الكل يعطيني 26 و25 وكله من فضل ربي وارشادات امي الله يخليها لي ويخلي امهاتكم الكم …..تحياتي

لمن تحطينه لا تحطينه عالمنطقه وتمسحين لااااااااا

حطي شوي على المنطقه اللي تبين وطبطبي عليه مو تمسحين يعني تصير مثل الطبقه أما إذا مسحتي
يخرب وما كنك سويتي شئ ….

والأخضر أو البنفسجي إذا حطيتيه حطي فوقه اللون اللي يناسب بشرتك وشوفي النتيجه ونفس

الشئ بالطبطبه

اللي شريتيه رقمه 5 وهو للمحترفين

وأنا أستغرب البياعة اللي باعتج إياه شلون تبيعه لج بدون ما تشرح وهي عارفة إنه هالباليته

بالذات للمحترفين والماكييرين وخبيرات التجميل اللي ماخذين دورات ,,

وأحلى باليته للكونسيلر رقم 3 هي اللي تصلح للبشرات العربية والخليجية ,,

عموماً أختي ,, راح أشرح لج على السريع كل لون وشلون تستخدمينه ,,

اللون الأخضر :

للبشرة المحمّرة أو اللي فيها احمرار , أو اللي فيها حبوب ,, بس تحطين طبقة خفيفة ,,

اللون البنفسجي :

للبشرة الباهتة والتعبانة ,, إذا حسيتي إن بشرتج تعبانة أو باهتة أو المنطقة اللي تحت عيونج باهتة

أو تعبانة أو مجهدة ,, ممكن تحطين طبقة خفيفة عن طريقة الطبطبة وبعدين تحطين تبلشين بالميك أب ,,

اللون البرتقالي :

للبشرات السمراء ,, أو أو ممكن تحطينه كطبقة أولى للهالات الداكنة جداً ,,

اللون البيج :

ممكن تحطينه مباشرة إذا كنت ما تعانين من هالات داكنة ,, أو ممكن تحطينه كطبقة ثانية على اللون

البرتقالي إذا كنت تعانين من هالات ,,

اللون الفاتح :

ممكن تستخدمينه طبقة أخيرة أو كلمسة أخيرة لمنطقة الهالات ,, او ممكن تستخدمينه للهالايت ,,

أتمنى أفدتج ,,

اقتباس

المشاركة الأساسية كتبها الجيل الجديد

	نوار انا ناوية آخذ كونسيلر ايف سان لوران اشوف الكل يمدح فيه…. وبصراحه فور ايفر جربته عن الماكيير اللي اتعامل معاها وماعجبني … وقلت لها تغيره

اختي اهو زين اخذيه انا اختي تستخدمه وتمدحه بس انا احس ما ناسبني

مشكورة:shy:

اقتباس

المشاركة الأساسية كتبها صدرالورق

	حبيباتي انا الحي 38 سنه وعلى كثر ما درت وخاصه لتعبي بالجيوب الانفيه دائما عندي هالات سود وعيني حساسه جدا الايرينر والمسكرا وخاصة السوداء تثير الصداع عندي فاستخدم الايشدوا والوحيد الي نفعني هلينا الجديد الصغير روعه واخترت اللون 03 لأن بشرتي عاجيه قريبه للبياض سواء مع الميك اب فور ايفر او بدونه نجح والايلينر الوحيد كرستنديور حبيباتي من يوم 15 سنه وانا دورلتي وبالمستحضرات لنفسي بلندن والهارودز الصراحه الاف سانلوران كثير عليكن في سنكن ومعطر نوع ما وقبل لا تشترين اي منتج جربيه وخليه عليك ساعه وشوفي الي معاج اذا تحس في تغير وانتي شوفي اذا ارتحت اليه لكن تاخذيه وعلى السريع وهذي فلوس ربج يحاسبج عليها سن العشرين لين الاربعين الكلينك والسنشيدوا والوان الي تعرفونها وهيلينا حلوة وبعد الثلاثين ورايح كلارنس ودكليور وسيسلي ممتازات لأن البشره تتغير وكل ما كنتي اخف بمكياجج والنتف وغيره اخرتي التجاعيد وايظا الماء والرياضه انا بهالسن والحمدالله الكل يعطيني 26 و25 وكله من فضل ربي وارشادات امي الله يخليها لي ويخلي امهاتكم الكم …..تحياتي

مشكورة اختي يعطيج العافية

اقتباس

المشاركة الأساسية كتبها fofo2

	لمن تحطينه لا تحطينه عالمنطقه وتمسحين لااااااااا حطي شوي على المنطقه اللي تبين وطبطبي عليه مو تمسحين يعني تصير مثل الطبقه أما إذا مسحتي يخرب وما كنك سويتي شئ …. والأخضر أو البنفسجي إذا حطيتيه حطي فوقه اللون اللي يناسب بشرتك وشوفي النتيجه ونفس الشئ بالطبطبه

انشالله بجرب الطريقة وبشوف

ثانكس :shy: