صراحه انا منحرجه اعرض مشكلتي بس مالي غيركم بعد الله تساعدوني
انا من فتره صرت الاحظ ان تطلع لي رائحه كريهه بالفم
في بداية الموضوع كان بس اول ما اصحى من النوم وبعدها خلاص
بعدها تطور الموضوع
صار 24 ساعه
وانا نايمه وانا صاحيه وانا اكل وانا اسوي اي شي
طووووول الوقت
صرت استحي كثيييييير من نفسي واستحي اكلم اي احد بوجهه
وحاولت اتخلص من هالشي بدون فايده
السالفه صار لها اكثر من 3 شهور الحين
بس انا اهملتها لاني كنت وقت دراسه وامتحانات مو فاضيه
بس الحين يضاااايقني الموضوع خصوصا العطله والمناسبات وووو
انا من فتره رحت لطبيبة الاسنان عشان كان الم في احد الاسنان
وذكرت لها الموضوع قالت لي عادي اسنانك مافيم شي ويمكن تراكم بكتيريا لما تفرشين اكثر بتروح
بس ماعطتني غسول او شي
ابي حلوووووول ضرووووووري والله الموضوع محرج جدا
ومشكورين
اذا عرفتي الجواب بتكوني فدتيني لانو انا كمان ابغى حل جربي غسول او علكة لها ريحة انا بعمل كذا
يمكن تفيد اول ما اكلها وبعد ربع ساعه خلاص يروح مفعوله !!
واكثااااااااااار من شرب الماء لان الرطوبه تقتل البكتيريا الموجوده بالفم واللي تسبب روائه كريهة
اعملي مضمضة بالشاي الاخضر
وحدة من الاخوات في شات بداية تقول انه يقتل البكتريا المسببة لرائحة الفم
واستعملي خيط تنظيف الاسنان حاولي يوميا لكن المفروض بعد كل وجبة
يوجد غسول بالصيدلية اسمه كروسوديل ممتاز لكن استعماله يكون بعد نصف ساعة من التفريش بالفرشاة
اعملي تحليل للسكري
وتحليل لجرثومة المعدة
وماتشوفين شر
سلامي
بس اختي ممكن توضحين اكثر كيف المضمضمه بالشاي الاخضر؟
ووش احسن نوع للغسول ؟ ابي اقوى وافضل نوع 
وبالنسبه للشرائح اختي سكره .. اذا ممكن تحددين لي اسمهم اكون شاكره لك
حاليا انا ابي اجرب حلول
اذا ما نفعت بروح اسوي فحص للمعده او شي
بس ياليت ما تبخلون علي بوقتكم
بإذن الله هي موو مشكله كبيرة
الله أكبر >> اسمع صوت الآذان
اول حاجه راجعي دكتورة أسنان احتمال عندج مشكله في اللثه
ثاني حاجة استخدمي الخيط للتنظيف بين الأسنان أكبر مشكله هاللي بين الأسنان تتخمر وتسبب روايح مزعجه
ثالث شغله تأكدي ان روحتج للحمام منتظمه يعني ماعندج إمساك
رابع شي استخدمي خلطة أنفاسك دخون اعملي سيرج عنها مفيده جدا وبتقضي على نسبة كبيرة من المشكله
وألف سلامه يارب
اول غيري نوع المعجون اللي تستخدميه عنج الو دنت وعندج كلوس اب بالنعناع واستخدمي مضمضه ليسترين للفم وايد روعه وفيه منها انواع
نظفي اللسان بالفرشاه وفيه بعض فرشاه الاسنان تجي خاصه للسان لانه يتجمع عليه بيكتريا
اشربي شاي نعناع يوميا او شاي زنجبيل او شاي الدراسين يعطي ريحه حلوه وعلى الريق خذي كاس ماي دافي مع عصره ليمون ينظف الكبد والمعده ممكن عندج التهاب مضمي فمج بماي دافي وملح او مراميه اغلينها بالماي وخليها تبرد ومضمي فمج
بعد الاكل خذي لج اوراق نعناع طازجه ومغسوله وكليها تروح الريحه وتعطي نفس منعش
وعندج حلاو هولز الاحمر وشرايح بالنعناع تنحط على اللسان تعطي ريحه حلوه
حلاوه هولز
http://www.3roos.com/files/ups/2012/…340036220.jpeg
خلاوه بولو القديمه قديمك نديمك
العلك
عندج حلاوه سمنت
وقبل النوم لازم تغسلين فمج وتفرشينه وتتضميمن وتاخذين شوي نعناع وتاكلينه وكلي تفاح واناناس وكيوي وبرتقال يعطي ريحه حلوه
وعندج الهيل والدراسين اغلينهم وتمضمضي فيهم
والسواك كفايه الرسول قال عنه
واضيف عليهم تناول البقدونس الاخضر نصيحه منى اختى من اكثر الاشياء الى تذهب رائحه الفم الغير مستحبه
قومى بغسيل اوراق البقدونس وتناوليها واحرصى على المضغ الجيد للها
وايضا القرنفل من اكثر اللاشياء الطبيعية المطهرة للفم وذات رائحه محببه جدا
احضرى حبتين من القرنفل وافركيهم باسنانك وامضغيها جيدا
صدقينى واصفات سهله وطبيعيه
ومفعوله مضمون
تقبلى تحياتى