اشحالكم يابنات وياحريم انشاءالله تكونون بخير
اليوم بعطيكم طريقة المعكرونه بالبشاميل وانشاءالله تجربونها وتعطوني رايكم
اكيد مليتو وقلتو وين الوصفه اسمحولي بس احب ادردش وياكم ياحبايبي
اولا,,المكونات:
1_كيس واحد من المعكرونه الشكل اللي يعجبكم
2_بصله وحده مقطعه مربعات صغيره
3_بهارات(كركم+ملح+فلفل احمر)
4_علبه وحده من صلصة الطماط
5_اختياري اما(لحم مفروم او لقانق مقطع دوائر صغيرهاو قطع دجاج)
طريقة العمل:
اولا نطبخ المعكرونه باظافة ملعقه من الزيت وشوي من الملح
ثانيا نسو الصلصه وهي عباره عن تحمير البصل فالزيت ومن بعدها نضيف البهارات وصلصة الطملط وبعدها نقلي اللحم الاختياري ويخلط مع الصلصه ومن بعدها بعد استواء المعكرونه يخلط مع بعض ويعمل الباشميل
والبشاميل عباره عن
حليب
طحين
زبده
ملح
فلفل ابيض(او اسود)
يسخن الزيت ويوضع الطحين رقم واحد ويحمر قليلا بعدها نضيف الحليب ولما يحر نضيف الملح والفلفل ويكون ثخين ومن بعدها نحط المعكرونه في صينية الفرن ونصب من فوقه الباشميل وجبن مبروش وندخله الفرن
ملاحظه:
الملح انتو وشطرتكم
ويعطيكم العافيه
تم التقييييييم
:thumbs_up: