مكياجي المتميز و بعض النصائح حياكم 2024.

اليوم حبيت اعرض لكم بعض الصور من مكياجي و طبعا مب كله بس علشان اعطيكم فكره و بالنسبه لي انا ما احب اشتري مكياج وااايد لاني ما استعمله الا احيانا و في المناسبات و عكس العطور معروف ان المكياج له مدة صلاحيه فانا اتجنب هالشي

و بمناسبة ذكر هالنقطه يا خواتي الغاليات يمكن مر عليكم هالموضوع قبل بس ما فيه ضرر من تكرار التنبيه يعني لما نشتري اي مكياج او مستحضر تجميلي سواء كان كريم اساس او مرطب او روج..الخ ننتبه على تاريخ الصلاحيه و هو مكتوب اسفل العلبه في معظم الاحيان و يكون بهالشكل مثلا (12m) يعني صالح لي مدة 12 شهر فقط حرف m يرمز الي month يعني شهر

و هاي صوره للتوضيح:
المنتج الاول هو كريم مرطب من جيفينشي و تقدرون تشوفون الرقم اللي انا حوطته بالاحمر و يعني صالح لمدة 12 شهر

الصوره الثانيه عباره عن ملمع و روج في واحد من انجلوت شوفوا الرقم اللي حوطتة بالابيض:

ادري اني طولت عليكم بس انتو خواتي و لازم انبهكم و الحين اخليكم مع صور مكياجي:

المنتج الاول و هو من ماك و عباره عن كحل و اي لاينر بنفس الوقت و ممكن تستخدمنه مع او بدون ماي بس الصرااااحه رووووعه

اما هذا المنتج فهو عباره عن بيجمنت من انجلوت الصراحه عندهم الوااان تجنن و منتجاتهم تثبت

و هذا ايشدوا من انجلوت…انا واااااااااايد احب اللون الازرق و تدرجاته

ان شاء موضوعي عجبكم و طبعا كل الصور من تصويري الخاص و مجهودي الشخصي اللي صج تعبت عليه فرجاء للامانه اذكروا المصدر عند النقل