كيف حالكم ؟؟
هذا أول موضوع لي على عروس … أدري بتتفاجأون لأني عضو قديم .. بس أنا أفضل الهدوء و المشاهده .. وهالمره حبيت أشارككم …
راح أوريكم مكياجاتي … أنا مشكلتي أن مو اي نوع مكياج يناسبني … ما جربت كل الماركات .. بس أحب مكياجي و الكل يقول أنه حلو علي … و ما أشتري غالي إلا نادرا لأني ما أحط مكياج على طول ..
في الواقع أن اللي حطيتهم هم مو أشياء ما أستغني عنهم … هم أشياء أستخدمهم على طول …
عالعموم .. هذي مكياجاتي أو معظمها .. و أسعارهم حسب ما أذكرهم
أولا .. الأساس ..
من ماكس فاكتور … كل أساساتهم حلوه .. و أحسها أحسن حتى من الماركات الغاليه …تقريبا استخدمتهم كلهم .. و حاليا أستخدم هذا .. أعتقد أن سعره 65 رس
و حق المناسبات أخلطه مع هذا من ميك أب فور ايفير بس ما أذكر سعره ..
و نصيحه مني .. إذا حسيتي أن الأساس ثقيل لمكياج الصبح .. خففيه بشوية كريم مرطب .. بصراحه يطلع خفيف و مشرق … أني أخلطه مع أويل أوف يولاي المبيض ..
وبعدين الكونسيلر …
من ماكس فاكتور بعد .. و أحسن كونسيلر استخدمته ب 39 ر س بس .. بعد ما أحطه أحط عليه لوس باودر خفيف ..
ثانيا .. مكياج العيون ..
أي آي شادو من مكياجي .. مع شوية ماي علشان يبان اللون و يثبت أكثر .. و تطلع عيوني خوش شي .. حاليا أستخدم علبه اسمها Rainbow Eyes ب 109 رس .. ما حصلت لها غير هالصوره ..
و نصيحه مني : استخدمي العلب اللي فيها ألوان واجد علشان تستفيدي منها أكثر ..
و الكحل مكياجي بألوانهم .. بس أي كحل حلو ما أتردد فيه .. كل واحد ب 39 رس
عندي منه بني و أسود و رصاصي و أخضر و تركوازي ..
و عشان الكحل السائل .. أسنخدم نيفيا .. الظاهر أنه ب 45 رس
و الماسكرا .. من ماكس فاكتور أو برجوا .. حق ماكس فاكتور ب 35 رس
و الحين الحواجب ..
مسكارا شفافه و اي قلم رسم حواجب بني … مو أسود .. علشان ما تصير الملامح حاده
نصيحه مني لحواجب طبيعيه ..
بعد ما تخلصي رسم العيون و الشادو كامل …. استخدمي الماسكرا الشفافه لتنظيف الحواجب .. و استخدمي القلم لرسم الحواجب في المناطق الفارغه … و ارسمي على شعر الحواجب مو على جلد الوجه … يعني لا تضغطي بالقلم على الحاجب .. مرريه بخفه و نعومه على الشعر بس .. بتطلع الحواجب طبيعيه و حلوه … جربوها و قولوا لي النتايج ..
و الروجات أشكال و ألوان .. بحسب اللي يعجبني …
و هدول أحسن ما أستخدمت ..
طبعا جيفينشي روجاتهم تقتل و ألوانهم مره تجنن .. كأن سعرها كان 96 رس
عندي منها كذا درجه …
هذا من أفون … أسمه برو تو غو … ناعم مره على الشفايف و اللي عندي اسمه بيبي ليبس
و سعره 45 رس
و هذا حق مكياجي … استخدمت منها واجد بس اللي ما استغني عنه رقمه 19
ب 45 رس
قبل الروج أحط البيس حق الشفايف من مكياجي .. يثبت الروج مزبوط على الشفايف ..
ب 39 رس
الغلوس .. أشكال و ألوان بعد …
استخدمت نوعيات من جيفنشي .. و كلها بحسب درجة الروج ..
أعتقد كان سعره 76 رس
و هذا من مكياجي ..
عندي منه كذا لون بعد
و أخذتهم بعرض تاخذ واحد و الثاني مجاني كان الواحد ب 45 رس
و اللمسه الأخيره … بودرة الخدود من أفون ..
عندي منها بني و وردي و الوحده ب 65 رس .. و أحلى ما فيها أن لونها يتغير إذا كانت الفرشاة رطبه أو ناشفه ..
خلاص تعبت …
يا الله يا بنات .. عطوني رايكم …
وفعلا مكياج متنوع
و انا احب جحال مكياجي و القليترايلاينر اللي منهم وايد راقي
جربي ماسكارا ميبلين اللي عليها تاج
رهييييييييييييييييييبه
حلو ومرتب….
و بورجوا وماكس فاكتور وميكب فور إيفر أحلى من ماركات وايد
يعطيك العافية
ومن جد مو شرط الماركة تكون غاليه عشان تكون جيدة
مكياجك حلو ومرتب ما شا الله
الله يسعدك يارب
بالنسبة لـ افون شفت وحده اجنبيه خبيرة مكياج تمدح في منتجاتهم .. شرايج؟؟
حلو ومرتب
عندك اساسيات المكياج ما شاء الله عليك … تتهنين فيهم ……
ما شفت الجلتر " اموت عليه "