ღ♥ღ ملف مهاري لجميع أطباقي بالصور ღ♥ღ 2024.

السلام عليكم ورحمة الله وبركاته

بنات أنا نزلت هذا الموضوع المنفصل والخاص والرجاء منكم عدم المشاركة والرد نهائيا

واي بنت في خاطرها كلمه والا شي تبي تقوله او طلب اكله او استفسار تتفضل

في موضوعي

*&*&* اطلبي اي وصفــــة و انا انفـــذها و اصـــورها لج *&*&*

المقادير

1- 1ونص كيس بسكوت العادي (وعادي تقدرين تسوينه بالشعير بسكوت الشعير)

2- علية فواكهه مشكله

3- 4 قشطه العاديه

4- حبه دريم ويب الابيض

5- علبه كريم كرميل

6- جيلي الاحمر

الطريقه :
بسم الله

اول شي تسوين الجيلي وتحطينه في مله المستطيله وتحطين بالثلاجه لين يبرد ويصير

بعدين تطحنين البسكوت بودره وتحطين عليها شوي من ماي الفواكهه المعلبه

وتخلينا على صوب ..

بعدين تاخذين القشطه والدريم ويب ووعلبة الكريم كرميل تخلطنيم بالخلاط الكهربائي

بعد مايصير الجيلي تحطين طبق خفيفه من الكريم الي سويتهااا وتحطين البسكوت فوقها كامل

تسدين الفتحااات

تحطين فوقهم سلطة الفواكهه كلهااا … وتغطينهااا بالكريمه … واذا تبين ترشين فوقهاااا

بسكوت بودره …..

ملاحظه : يصير تحطين اي لون من الجيلي وتقدرني تغيرين الدريم ويب الابيض ب اي لون تبين

ويصير تسوينه بنكهة النسكفي … تحطين مع خلط الكريمة2 ملعقه سكر نسكفي

وبعد ترشينه فوق شوي نسكفيه بودره ….

المقادير

هذي صورة الفواكة المشكله

بعد ما صبينا الجلي في البايركس نحطه بالثلاجه لين يجمد

لين جمد الجلي نصب فوقه الكريمه طبقه خفيفه

وبعدين نحط طبقة البسكويت وفوقه الفواكه المشكله ونغطيها بالكريمه

الحين نشوف الطبق مغطى كامل بالكريمه

وللزينه انا رشيت بسكويت مطحون فوق الوجه

اتمنى تكون عجبتكم يا رب

السلام عليكم ورحمة الله وبركاته

مرحبا غاليتي .. بصراحة فكرة حلوة يعطيك العافية
اقدم لج صينية البطاطس المهروسة بالدجاج
المقادير:-
دجاجة واحدة مسلوقة ومفتتة(احتفظي بكأسين من ماء الدجاج المسلوق)
– 4 بصلات
– قشطة واحدة
– بهارات ( على حسب الرغبة باردة او حارة)
– 6 حبات بطاطس مهروسة
– كوبين حليب طارج
– ملح ( على حسب الكمية)
– فلفل أسود + فلفل أبيض
– زبدة لورباك
– نصف كوب من البقسماط
– جبن مازوريلا
لعمل صلصلة البشاميل:
– 4ملاعق كبيرة من طحين رقم 1
– كوبين من شوربة الدجاج المسلوق سابقا
– قطعة زبدة (ربع قطعة)
– دهن مراعي ( يمكن الاستغناء عنه)
– فنجان ونصف حليب نيدو للبشاميل

الطريقة:-
يحمر البصل في قليل من الزبدة ، ثم نضيف الدجاج المسلوق المفتت
مع قليل من الفلفل الأسود وقليل من الفلفل الابيض، وملعقة واحدة من البهارات المشكلة ( ثم ضعيه جانبا).
– ثم نقوم بعمل الصلصة عن طريق تحمير الطحين في قدر بدون زيت
حتى يتغير اللون على خفيف ثم نضيف ملعقتان من الدهن الاخضر
مراعي على الطحين او ربع قطعة زبدة
وبعد ذلك نضيف كوبان من الشوربة وحليب النيدو ونخلطهم جيدا حتى يغلظ القوام، ثم نأخذ الدجاج المحمر مع البصل والبهارات ونضيفه الى صلصلة البشاميل ونخلطهم معا ثم نضيف القشطة ونستمر في الخلط .

– بعد ذلك نهرس البطاطس المسلوقة ونضعها على النار ونضيف اليها كوبان من الحليب الطازج بالتدريج، مع اضافة نصف زبدة لورباك ونخلطهم جيدا الى ان نحصل على عجينة لينة( ثم ضعيه جانبا).

– ندهن صينية البايركس ونصب الدجاج المخلوط مع صلصة البشاميل والقشطة ونسوي السطح بواسطة ملعقة بعد ذلك صبي البطاطس المهروسة ونسوي السطح بالملعقة واخيرا نصب جبن مازوريلا فوقه ثم انثري البقسماط وادخلي البايركس في الفرن تقريبا ربع ساعة(أشغلي الفرن من أسفل فقط) وبعد مرور ربع ساعة أشعلي الفرن من فوق فقط لمدة ربع ساعةأخرى (الى أن يحمر السطح تقريبا) ثم قطعيها الى قطع متساوية.

تقبلي شكري وتقديري

***********
بعد ما حمرنا البصل مع الزبده نحط الدجاج والبهارات

***********
طريقه تحمير الطحين

***********
بعد ما حمرنا الطحين نحط عليه السمن وماي شوربه الدجاج والبصل والدجاج والقشطه والنيدو

************
طريقه البطاطا مع الزبدة والحليب

************
ندهن الصينيه بزبده ونحط خلطة الدجاج والباشميل في الصينيه

************
بعد ما حطينا البطاطا فوق الدجاج

************
نحط الموزريلا والبقسماط ونحمره فالفرن

************
شكل الصينيه بعد ماحمرناها وجاهزة للأكل

**********

أتمنى اني سويتها بالشكل المطلوب ..

واتمنى انها تعجبكم ..

حلى السنكرز

*****************

المقادير :
زبدة الفول السوداني 2م ط
دريم ويب 2
حليب نستله المركز 1
اصبع زبده 50جرام
فول سوداني
بودرة الكاكاو
بودره جلاكسي 4 م ط
بسكويت اولكر مطحون 2
قشطة العلالي او قشطة اولكر او اي قشطه انتي تفضلينها 1

طريقة الطبقه الاولى : 1- نطحن البسكويت تماما ..
2- نذوب الزبده ونحطها على البسكويت ..
3- نفتح نستله ونصبه كامل على البسكويت ..
*********************
4- نحمص الفول السوداني ونبعدين نطحنه ونحطه على البسكويت ..

********************

5- ناخذ ملعقتين طعام زبدة الفول السوداني ..
والحين حطينا كل هالمقادير على البسكويت .. الحين جيبي ملعقه

واخلطي المقادير لين تنخلط مع بعض وتصير مثل العجينه .. لا تستخدمين يدك ..

ونجيب صينيه بايركس ونرص الطبقه رص على الصينيه ..

**********************************
طريقة الطبقة الثانيه :1- حطي فالخلاط 2 دريب ويب ..
2- حطي معاه قشطة ..
3- حطي الحين 4 ملاعق طعام بودرة جلاكسي ..
4- شغلي الخلاط وبس

*********************
الحين حطي هذي الطبقه فوق البسكويت .. فهمتوا .. انزين

لما تحطونها رشوا فوقها ببودرة الكاكاو عن طريق المشخاله ..

والحين حطي اخر لماتج الفنيه فيها

وحطي فوقها الفول السوداني المطحون ..

ودخليها الثلاجه لين تبر ساعه او ساعتين ..

وقطعيها على هذي الطريقه ..

ان شاء الله تعجبكم ..

المقادير :

5طماطم مفروم

5بصل مفروم

2فص ثوم مدقوق

نص كيلو لحم مفروم

جبنة موزاريلا

مكرونه اللازانيا 1

*******************
طريقة اللحم مع البصل :
نحمر البصل مع الزيت والثوم
نحط كل البهارات (فلفل اسود+فلفل ابيض +قليل كمون+بزار دجاج قليل+ملح+حبة ماجي)
نحط الطماطم المفروم
3 ملاعق صلصة
نحط اللحم المفروم
نخليه على النار لين يستوي تقريبا 20 دقيقه

******************
طريقة سلق المكرونه :
نخلي الماي يغلي مع شوي زيت وملح
نحط تقريبا 5 حبات لاازانيا ونسلقها نص سلق
وبعدين نشيلهم بس ما نقطعهم ونحطهم فوق فوطة نظيفه عشان ينشفون

لا تحطون فوق قصدير لان بيلزق حطوا فوق فوطه نظيفه
*****************
طريقة الصوص الابيض :
نص كوب طحين رقم واحد
نيدو 3 فنجان
1ملعقة طعام نشأ
نخلطعم فالجدر لين تذوب المقادير
بعدين نحطها على النار لين تصير ثقيله مثل الباشاميل

******************
طريقة وضعها على الصينيه :
نحط شوي زيت
نرص طبقتين لازانيا
نحط فوقها اللحم المفروم

نحط طبقه خفيفه من الصوص الابيض

نحط طبقه لا زانيا
ونحط اللحم المفروم
ونحط الصوص الابيض
وشوي جبنة موزاريلا

وندخلها الفرن نخليها من تحت ربع ساعه
ومن فوق شوي ربع ساعه عشان تحمر

وتقدم

1 كيلو طحين بر )2 كيلة طحين(

ماء ساخن نفس مقدار الطحين

7 فنجان سكر

2 م ط مليئة سمنة

2 م ص هال

زعفران

كمية من الزيت حوالى 14 كوب

لوز مفروم – إختياري-

يقلي الطحين حتى يبدأ لونه بالتغير و تظهر رائحة الدقيق المقلي

يوضع السكر في القدر و يترك ليذوب, ثم يضاف له الماء و السمن و الهال و الزعفران و يغطى القدر حتى يغلي الماء و يذوب السكر.

يسكب الدقيق على خليط الماء, و يخلط الجميع جيدا, ثم يصب القليل من الزيت و اللوز و يحرك الجميع جيدا.

يغطي القدر بورق الألمونيوم ثم غطاء القدر, و يدخل للفرن المنخفض الحرارة لمدة 20 دقيقة ثم يقدم.

المقادير :
كوسا – بطاطس – باذنجاذن – جزر-
أي نوع من الخضار انتي بتحبيه حطيه
قطعيهم على شكل مكعبات
واقليهم
وضعيها في صينية بايركس

هذي صورة بعد ما قلينا الخضار
******************
الحين اخذي
علبة قشطة 1
جبنة سائل 3 ملاعق
مايونيز 2 ملعقه
شوي ملح +فلفل ابيض +فلفل اسود

*****************
وامزجي هذي الخلطة على الخضار

*********************************
ودخليها الفرن من فوق بس عشان تتحمر

*****************
وصحتين على قلبكم

طعمها واااجد حلو وخفيف ..

~*¤ô§ô¤*~الدجاج بالسمسم والزنجبيل~*¤ô§ô¤*~

المقادير

ثلاث أو أربعة من صدور الدجاج
نصف كوب صلصة صويا

ربع كوب عسل
ملمعقة طعام سمسم محمص
ملعقتين شاي زنجبيل

الطريقة

1- اخلطي صلصة الصويا مع العسل والزنجبيل والسمسم جيدا

2- قطعي صدور الدجاج على حسب الرغبة ثم امزجيها مع الصلصة الجاهزة

3- اشوي او حمري قطع الدجاج لمدة خمس او سبع دقائق على نار متوسطة مع مسحها بالصلصة

4- انقعي القطع المحمرة في بقية الصلصة لمدة 30 دقيقة ثم قلبيها في مقلاة wok ( الخاصة بالأكل الصيني ) في زيت

5- قدميه مع الرز بالخضار على الطريقة الصينية

وبالهناء والعافية

الصراحه : هي طعمها فيه سويت شوي

يعني يمكن ما يعجب الكل ..

بس انا كليت الرز كله

المقادير :
3اكواب ونص ماي
1فنجان ونص سكر
1ملعقة طعام ونص شاي بودر
حبتين هيل نكون فتحناهم (حسب الرغبه ) اذا كنتي تبين يكون طعمه هيل حطي
1رينبو حليب سائل
هذي صورته

**************

الطريقه بالصور خطوة خطوة ..

نسخن الماي ونحط فيه الهيل والسكر والشاي
لين يغلي تقريبا لمدة 10دقايق

*****************

لما يطبخ الشاي ويغلي
نحط عليه علبة الرينبو

*****************

ونخليه يغلي ونقصر عليه ..
نخليه تقريبا لمدة 8 دقايق

****************

ونصبه في الكوب