لو سمحتوا يا بنات
ابا طريقه كريم الباشميل
بس تكون مضبوطه .. مثل ما يقولون تاخذ العقل
و اباها بالحليب البودرة …
تتشرط بعد
انا شفت هالطريقة بس ما جربتها الصراحة
يعطيك العافية
فنجان شاهي زيت ــ ملعقتين طعام دقيق ابيض ــ كاس ونص حليب بودرة(ياويلك تستخدمين حليب دنماركي)
اذا بتستخدمينه ماراح اكمللللللللللل(اتخيل ببالك تقولين منة الله ولا منة خلقه)
امزح معاك حبيبتي
تخلطين الحليب البودرة مع كاسين موية
الطريقة:
تحركين الزيت مع الدقيق على النار لما يبدء يغلي تحطين الحليب بعد ماخلطتيه ولا تخلينه يطول يغلي الزيت علشان مايتكتل
بعد ماتحطين الحليب عليه حركيه لما يوصل السمك اللي تبينه بعدين شيليه من النار وحطي عليه شوي بهارات وحبة بيضة
وادعيلي اذا عاجبك
العائدات .. فديتج و الله ما قصرتي والله ما قلت منة الله ولا منة خلقه .. قلت لو على قص ارقبتي … خلي بقرتهم تحوس ودور حد يشرب حليبها هههههههه
من الحينه بدعيلج الله يوفقج دنيا و اخرة و يسعدج دنيا و اخرة و ينولج مرادج دنيا و اخرة .. شو رايج في الدعاء ؟؟؟
ثلاث ملاعق طحين ملعقين زبده شوي ملح فلفل كوب ونصف حليب والهم ذوبي شوي ماجي في ماي
حطي الزبده على النار لحد ما اذوب صيري حطي الطحين شو شوي وحركي بسرعه لحد ما يذوب مع الزبده وكل ما يذوب رجعي حطي اشوي اطحين (اذا كنت تبينها سميكه زيدي الطحين واذا كنت تبينها خفيفه خفي الطحين) حسب ذوقك ونوع الطبخه
بد ما اذوب الطحين صب الحليب بكميات صغيره وحركي بسرعه علشان ما بتكتل
بعدين اضيفي الماجي المذوب بالماي مع شوي ملح و فلفل ابيض
واذا حسيتيها اتكتلت حطيها في الخلاط
وانشاء الله تعجبج وتضبط معاج
مشكوررررررررررررررررة .. ان شاء الله اجرب الطرق الثلاث واللي بتعجبني بستقر عليها ان شاء الله
تحياتي
عااااااااااائدات
10 ملاعق طعام حليب بودرة
5 اكواب ماء
مكعب ماجي
فلفل ابيض ورشة ملح
عزيزتي، حركي المقادير المذكورة على النار حتى تثخن الخلطة حسب رغبتك.
اعطيك طريقه البشاميل اللى انا بسويها بس انشالله تعجبك :
ثلاث ملاعق دقيق
مائه جرام زبده
جبنه البقره الضاحكه (4مثلثات او خمسه )
كأس حليب
ملح
عنبر مطحون
الطريقه :
نضع الزبده على النار ثم نضيف اليها الدقيق وحتى يتحمر قليلا ثم بالتدريج نضيف اليها الحليب الى ان تصل الى الكثافه اللى تريدينها بس لا تضيفى الحليب دفعه واحدة حتى لا تكون رقيقه ثم بعدها ضيفى اليها الملح والجبنه والعنبر المطحون واتكيها قليلا ثم شيليها من النار بس لازم تحركينها زين حتى لا يكون فيها اى كتل من الدقيق ……
وانشالله تعجبك