من مطبخي: دجاج مع اللنغويني وصلصلة البرتقال – بالصور 2024.

** ملاحظه.. ما احلل او ابيح اي احد ينقل الموضوع بدون ذكر اسمي .. والمصدر اللي هو منتدى عروس ..او يمسح اسمي من الصور.. واللي تنقله من غير ذكر المصدر او تنسب الموضوع لنفسها وتمسح اسمي من الصور .. جعل الله مايوفقها.. لان هذا جهد شخصي..

السلام عليكم..
اليوم جايتكم بالصور.. طابخه لكم دجاج باللنغويني وصلصلة البرتقال..

مقاديرنا (الرئيسيه للطبق بدون صلصة البرتقال)

ملعقتين زيت زيتون

صدور دجاج مقطعه قطع كبيره.. ومبهرتها باوريغانو وشوية فلفل ابيض وملح..

نص كوب مرق دجاج..

فليفله مقطعه طوليا ..

جزر مقطع طوليا..

زنجبيل..

مقاديرنا الاختياريه للصلصه.. ( ما امداني اصورها)
ملقعه نشا مذوبه في شوية ماي..
مارملاد برتقال (مثل مربى البرتقال بس فيه قشر وقطع برتقال) او مربى برتقال ..
صويا صوص..

نجي للطريقه.
نجيب مقلى تيفال ونحط فيه زيت الزيتون ولما يحمى .. نحط الدجاج فيه ونبشر عليه زنجبيل ونقليه لين ماينشف مايه ..

بعد ماينشف الماي .. نحط عليه شوية فلفل اسود ونقليه لين مايصير لونه بني.. انا قليته تقريبا لمدة 15 دقيقه..

لما ينضج الدجاج نشيله في صحن على جنب..

في نفس المقلى نحط الجزر المبشور والفليفله ونبشر عليهم شوية زنجبيل ونقليهم لمده دقيقتين.. ونشيلهم على جنب..

نرجع الدجاج لنفس المقلى التيفال ونحط عليه مرق الدجاج.. ولما يغلي نقصر عليه على نص الحراره ونخليه لمدة 10 دقايق..

بعدها نضيف عليه الجزر والفليفله اللي قليناهم .. ونتأكد من الملح اذا كان قليل نزيده شوي..
ونقصر ع النار ونخليه 10 دقايق زياده.. (نسيت ماصورت)

في هالوقت نسلق لنغويني.. اللي مايعرفه هو مثل السبيغتي بس اعرض منه .. وفي نفس الوقت انحف من الفيتوتشيني..

نصفيه من الماي .. ونرجعه في نفس القدر اللي سلقناه فيه ونحط فيه شوية زبده .. ونحط اللنغويني ونحط معاه بقدونس مفروم .. ونخلطه معاه.. (هالصوره نفس الشي ماصورتها)

لما تخلص ال 10 دقايق الثانيه حقت الدجاج عندنا خيارين.. الاول نقدمه مع اللنغويني..
والخيار الثاني نشيل باقي المرق ونسوي فيه الصلصه وهذا اللي انا سويته..

طفيت عن الدجاج وشلت باقي المرق .. حطيته في قدر صغير .. خليته يغلي واضفت له النشا المذوب في الماي.. لما غلى وبدا يثقل حطيت عليه شوية صويا صوص .. وشوية فلفل اسود .. وملعقه ونص مارملاد البرتقال.. وخليته يغلي لين ماثقلت الصلصه..

نجي للتقديم..
طبعا انا سويت سلطه مكونه من: فجل مقطع شرايح.. جزر مقطع شرايح.. فليفله حمرا مقطعه شرايح.. وخس مقطع قطع كبيره .. وعصرت فيها ليمون بس:

في الصحن حطيت سلطه على جنب..

وفي الجنب الثاني من الصحن حطيت لنغويني.. وحطيت فوقه شوية دجاج .. وفوق الدجاج صبيت من الصلصه اللي سويتها

وصحتين وعافيه..

اممممممممممممم

روعه مشاء الله تسلم ايديج

الله يعطيك العافيـــــــــه وتسلم يدك شكلها مرررره يشهي

تفضلي احلى تقييــــــــــــــــــم

تســـــــــــــلم الاياااادي
شكله يشهي . . ولي عوووده ان شاء الله للتقيم

عروس الموج.. تسلمين حبيبتي والله يسلمج يارب..
لولو.. تسلمين حبيبتي وجربيها وخبريني النتيجه

شموخ.. تسلمين ياقلبي ويسلم لي مرورك يارب

دموع.. تسلمين لي حبيبتي والله لايحرمنا من وجودك

تسلم الأيادي

الله يسلمج اختي قطريه ويسلم لي مرورج والتعقيب على موضوعي..

تسلم الايادي

والله يعطيك العافيه

بسم الله ماشاءالله عليكى

وتسلمى على الوصفة الجميلة