مهر العروس 2024.

عندي موضوع نطرحة للنقاش أشرايكم؟ وهو عن المهر … هل تعتقدين أن المهر يكفي أو ما يكفي ؟ وهل تستحق البنت مهر كبير أو مب من حقها ؟ في البداية آنة باقول رايي و بعدين كل وحدة أتقول وجهة نظرها علشان كلنا نستفيد ….. بالنسبة للمهر أذا كان قليل يعني 100 الف و نازل فهو ما يكفي لان في هذي الايام كل شي غالي يعني مستحيل تشتري العروس الماس و مجوهرات بتقولون بس شوية ذهب بس اذا ذوقها ما يعجبها الذهب شتسوي؟؟وغير المجوهرات الترتيبات الباقية أنسي شي أسمة بسيط قصدج …الصراحة و لاتزعلون قصدج أيعور القلب لان الزين غالي و هذا قليل من كثير ….و أذا كان كثير فاللة ايهنيها ههههههههه أما السؤال الثاني نعم البنت تستحق المهر الكبير ( طبعاً انتكلم عن البنت المتربية) و ليش لا لا تقولون الرجال ما عندة صدقوني لو يبغي يشتري سيارة في خاطرة واللة جان حاول بكل الطرق أن أيدبر لفلوس و حتى ممكن أيتسلف بس ياخذها لكن بنت الناس اللي بتعيش معاة طول العمر و تخدمة و تحافظ علية فماعندة مسسسسسسسسسسكين؟؟؟؟والحين آترك لكم المجال للنقاش لتعم الفائدة

انا معاج ودوم افكر في هالشي

احنا في عائلتنا مانطلب مهر .. يعني خلاص هذي بنتكم عرفتي شلون واللي بيعطونه براحتهم

يعني نحطهم فالشيمه

لكن احس 100 ماتكفي

بتكفي شنو ولا شنو الالماسات يعني ولا الذهب ولا الفساتين ولا المكياج ولا العطور ولا الشناط و شنهوو

يالله بعد شنسوي .. اهم شي الستر والرجل الصالح..

يعطيج العافيه على الموضوع ^__^

بصراحةبنسبةللمهرعادي كثير ولاقليل اهم شي الرجل نشتري
اخلاقه بكنوز الدنيا

أشكرج (قلب قطر)و (عروس لم تتزوج) على تفاعلكم مع الموضوع أختي عروس لأنج لين الحين ما جربتي أتقولين جذية بس صدقيني لما أتكونين في الموقف أيصير الرد غير … المشكلة أن العروس فعلاً تشتري الرجال و أخلاقة بس المطلوب منها للعرس وايد تظطر تاخذ من أبوها أو أخوانها علشان تقدر أتمشي أمورها…..واللة أيوفق لج أن شاللة رجال خلوق و نشمي يعطيج المهر اللي أيكفيج و زيادة …….بس هاللة هاللة فينا ههههههههه

انا برأيي ان المهر القلييل على قوولكم يكفي وزياادة

مو شرط اشتري المااس ومجوهراات وكل شي غاالي

طبعا انا وحدة من الطبقة العاادية يعني اتكلم عن نفسي واللي مثل مستوى معيشتي

انا مهري 25الف والحمدلله اكفااني فساتين وذهب وعطور وميك اب وملابس

مو شرط كل شي مااركة

وهالشي يرجع بعد على عوااايد المجتمع او العيلة

والمستوى المعيشي

مش الكل غني ولاالكل متوسط ولا الكل مستوااهم عاادي

تقبلي مرروري

يعني احس بقطر والامارات هالمهور ماتكفيكم
بس احنه معنه مهورنه على 3500 د
وناس اقل

والحمدلله بركه فيها الله يسر لنه كلنه اعيال الحلال اللي يسترون علينه

يارب أتبارك لكم بس اللي آقصدة أن البنت بعد ملتزمة بأشياء وايد لازم أتسويها و المجتمع ما يرحم ………. أشكركم على المرور

انا احس المهر المتوسط يعني فوق 50 الف اوكي
لان البنت بتجهز اكيييد ماراح يكفيها فبتاخذ من اهلها, وبكذا تكون نوعا ما كسرت عين عايلة زوجها انها مو محتاجه مهرهم وجهزت احلى جهاز
انا بالنسبه لي هذا الشي اهم خخخخخ يعني كل ماجهزت شي من فلوس اهلي يكون اغلى واحلى من اللي جهزته بمهري, هذا رايي انا
لان لازم البنت واهلها يحسسون الرجال انهم معطين بنتهم دبل اللي هو معطيها عشان يحس بقيمتها عند اهلها=)ويحاول يدلعها مثل مااهلها مدلعينها
وايا كان المهر البنت بتاخذ من اهلها مستحيييل يكفيها المهر مهماا كاان, ومو حلو اهل العروس يتشرطون بمهر معين لان كنهم يبيعون بنتهم ماباقي الا يفتحون مزاد خخخ

حبيبتي احنا في البحرين المهر الطبيعي عندنا في حدود 1500 دينار , يعني 15 الف ريال , والبنات ما يقدرون يقولون شي , الانة حالة الشعب معروفة

انا الصراحو يوم شفتك قلتي 100 الف ما تكفي تفاجات , كيف ما تكفي , يعني احنا مهورنا اقل ونقدر انمشي روحنا

او اصلا كل ما البنت عرفت تتحكم في المصرف كل ما كانت ست بيت معتبرة

البنت الي اخذت مهلر 100 الف شنو الي اضمنها بكرة زوجها ما يصير فقير و تحتاج اتكون مدبرة و تتخلى عن هالكماليات الي ما لها داعي

اتمنى اختي ما تزعلي مني , بس انا اقول وجهة نضري من الواقع الي عايشة فية