1-تفتحين حساب توفير وينسحب كل شهر من معاشج مثلا الف او على كيفيج وطبعا ماتصرفينة تحطين في بالج هي حق الزمن.
2-طبعا لما تفتحين حساب بنقص معاشج انا راح اعطيج بعض النقاط الى من خلالها تتكيفين مع النقص في المعاش وهي القناعة هي اهم شي لنج لو ماكنتي قنوعة بالي عندج بتمين فقيرة وهي كانت نصيحة اخوي لي ان اصرف على الي عندي يعني ماروح اشتري ماركات غالية واتسلف واتم طول الشهور فقيرة0
3- اذا بتاخذين مثلاا قمصان ابعدي عن الغالي بس للمناسبات ممكن تاخذين لكن للاستهلاك الدائم اخذي من الاماكن الرخيصة ترى عندنا وايد اماكن رخيصة في قطر ومب شرط تقولين حق صديقاتج من وين خذتي يعني مايزيد سعر القميص عن مئة وخمسين .
4- العبائة واعرف ان الحريم متولعين فيها خلي احدودج ماتطلع فوق الاف ريال00في اسواق كثيرة افتحت ومحلات تبيع بسعر معقول مثلا سوق فالح وفي محلات وايد في الوكرة بحدود 500 ريال لكن العباية روعة00انا بصراحة صرت ماشتري من الغالي لن بعد سنة اقطهم او تلوع جبدي منهاوعشان جذي صار عندي قناعة .
5- ااذا كنتي مدرسة وتسهلكين ملابس وايد روحي للحسى ترى والله ارخص بوايد من قطر انا مره رحت وخذت لي بحدود ثلاثة الف ريال بس طبعا هي تمت كورس كامل وماشريت شي بعدها من قطر.
6-سعر الفستان مايتعدى 2000ريال انا بصراحة ماحب افصل لكن لو عرس اخوج اختج يستاهل لكن عرس الغرب او الاهل من بعيد صرت اشتري لما اسافر اخذ من الحسى او من معارض الي تقام في قطر .
7-اكاسر في المحلات زوجي معلمني ان لو رحتي المحل اااذ قالج مثلا السعر الف ريال قولي له ابيه 600 او اقل وشوفي ااذا مانزلتي معاه الى 750 لن راعي المحل بيقول هذي شاطرة مايقدر يقص عليج.
8-العطور والمكياج ااذا عندج وايد لا تشترين كلش الى اااذ دخل شي في خاطرج وتعرفين انج بتستخدمينة كل يوم مب يوم واحد –انا من سنة ماشريت عطر لن عندي وايد وزجي دوم يجيب لي 00واااذ عجبني عطر على وحدة شميت منها اشترية وطبعا مايتم لني اكون حابتة 0
وهي نصايح للليوم وتعبت واااذا عندكم اي استفسار انا حاضرة ووبعد نسيت اقول لكم شي.
9-ااذاا تكيفتي مع المعاش روحي مره ثانية وخلي توفيرج اكبر يعني للي يروح لرصيد التوفير روحي البنك وزيدي المبلغ لنج تغلبتي على نفسج والمبالغة الى مالها لزمة0
تدرون ان اختى الي اصغر مني كه تحب تشتري الماركات الغالية وايد وكله تصيح ماعندي شي كله رصيدها مصفر 00كله شنط وجواتي الله يعزكم غالية وبعد فترة ماتعرف شسوي فيهم توزعة 00درجها مليان عطورات وبعد تشتري 000يعني لين متى بتم تشتري والمكياج والعطور بتنتهي صلاحتيهم .
10 – تعودين زوجج ان يصرف على البيت وما ياخذ منج اي ريال وهو في المقابل مايعطيني يعني تساوينة هو يصرف على البيت واعيالي وانا اصرف على نفسي واعيالي بس اشوي0
يالله ان شاء لله اشوف ارائكم وبكمل لكم الباقي مرة ثانية
طبعا هي نصائح موجهتها للبنات الي يتشغلون ومعاشاتهم وايد ولبنات الخليج لن احنى تصرف ووايد ومشكورين على القراءة(f)
جزاك الله خير
نصائح جدا رائعة و مفيدة
الواحد ما يعرف شو ممكن يصير بكرة من ظرف
لكن
(تعودين زوجج ان يصرف على البيت وما ياخذ منج اي ريال وهو في المقابل مايعطيني يعني تساوينة هو يصرف على البيت واعيالي وانا اصرف على نفسي واعيالي بس اشوي)
صعب والله
والتوفير فتحت حساب توفير وحطيت عشره الاف بس للاسف صرفته كله
وان شاء الله راح ابد بتجاره
مشكورين ياحبيتي