هالعطر محيرني وااايد !!!!! 2024.

السلام عليكم
خواتي انة بصراحة بقيت اسألكم عن عطر اسكادا الاحمر اعتقد اسمة اسكادا ماغنتسم..
المهم هالعطر كنت شامة ريحتة قبل وايد قوية وفواحة وسمعت بنات بعد وايد يمدحونة ويمدحون قوة ريحتة وثباتة
فحبيت اخذ لي واحد ..فاخذت لي بس مو من البحرين لا اخذتة من السعودية ويازعم ارخص مادري بجم بس انة خذتة بتسعة ونص ..لا ويازعم بعد العطر ايلي خذتة مكتوب عليه تستر يعني ريحتة اقوى ..

بس ايلي محيرني انه هالعطر ايلي خذتة حدة ثلاث دقايق بالكثير وريحتة اتطير .. يعني كلش مو ثابت لا والقهر ماتم احد ماحطيت له هالعطر ابقي اجربة شوي وريحته اتروح لا اتقولون ان خشمي انترس من ريحة العطر عشان جذي ما اشمة والغير يشمة لا حتى ايلي يدش الغرفة مايشمة ..
فانة حبيت اسالكم هل عطورات السعودية غير عن عطورات البحرين ..
واي وحدة مجربه هالعطر اتقولي شرايهة في ثباتة وهل يفوح >> مع اني شميتة عند وحدة حدة فايح ..
وبعد لا تقولون ان العطورات تختلف من جسم لجسم لا ان بعد ماتم احد ماجربته فيه فشرايكم

انا جربتة وايد حلو

يمكن تحسينة مو قوي لان شمتيه عليج وايد بس اللي يقعد معاج اول مره بيشمة عليج

ان شالله فهمتي قصدي

شوفي حبوبه يمكن المحل الي اشتريتي منه مب محل موثوق فيه يمكن هاي عطورات الي تجي من دبي تكون ريحتها خفيفه وماتبقى بالملابس
انصحج قبل لا تشترين اي عطر تهتمين بالمكان يكون موثوق فيه
خصوصا بالعطور عندج المصباح وجوه فافووم هيريرا مي زماني ومحمود سعيد وعبدالهادي وهالمحلات الموثوق فيها الكبار الي مب مخاطرين بسمعتهم
لكن الاكشاك اكيد بيغشون بيقولون لج اصلي وهو من دبي

اختي شوفي يمكنك ماخذته من بسطات يعني رخيص

اسكادا معروف ولة انواه وانا شارية منه وريحته ثااابته وقوية جدااا فواحة

اقتباس

المشاركة الأساسية كتبها sss_12

	اختي شوفي يمكنك ماخذته من بسطات يعني رخيص اسكادا معروف ولة انواه وانا شارية منه وريحته ثااابته وقوية جدااا فواحة

لا اختي انة مو ماخذتة من بسطات ..خذتة من محل عندة عالم وياخذون كميات منه ..

بتعرفي حبيبتي لية؟
لانو سمعت انو العطور المصدرة للشرق الأوسط تحتوي على نسبة كحول قليلة جدا" وياللي هية سبب ثبات العطر
والله اعلم

حبي أنا ما جربت العطر بس معروف هالشي عطورات السعودية كلها مافيها كحول عشان جذي الريحة تطير بسرعة سواء كنتي ماخذتها من مكان راقي مثل فيسز و دبنهامز و لا محل عادي الريحة ما تتم ابدا شيسوى عليج الحين لو شاريتهـ من البحرين مو أحسن؟؟

اقتباس

المشاركة الأساسية كتبها بحرينية قمر

	حبي أنا ما جربت العطر بس معروف هالشي عطورات السعودية كلها مافيها كحول عشان جذي الريحة تطير بسرعة سواء كنتي ماخذتها من مكان راقي مثل فيسز و دبنهامز و لا محل عادي الريحة ما تتم ابدا شيسوى عليج الحين لو شاريتهـ من البحرين مو أحسن؟؟

اي والله اختي لو زايدة العطر بيزات وماخذتة من البحرين احسن ..بس يقولون الواحد يتعلم من الغلط
وشكراااااااااااااااااا

الرجاء التقيد بالموضوع نفسه فقط

في بعض المحلات يزيدون العطور ماء فتخف ريحتها بس هذا في الاماكن الغير موثووق فيها او البسطات