كيفكم يا عسولات ان شاء الله تمام
غالياتي دائما نسمع عن شكاوي الاخوات المتزوجات الي ازواجهم من النوع الي ما يجلس بالبيت ابدا يعني يحب الطلعات كثير ويمكن يكون ها الشي على حساب عايلته
بس ما نسمع شكاوي من الي زوجها بيتوتي 100 %
يمكن بتقولوا ما نحسها مشكلة اذا الزوج بيتوتي بس احس الزوج البيتوتي مشكلته اكبر 
_smil1:
يا ليت الي زوجها من ها النوع الي يحب القعده بالبيت تحكيلنا لو كان ها الشي سلبي او ايجابي وتبين لنا السبب ؟؟؟؟؟؟؟ حشى امتحان انقلب الموضوع :gum:
انا جت فتره زوجي مايطلع من البيت وطول على هاالحال بيني وبينك مليت
صرت ماعاد اشتغل ولا امسك التلفون اكلم ولا اجتمع مع الجيران تراكم علي اغسيل والكوي
وموعين الغدا صرت اخليها الين العصر لين ينام ز
والحين صار يطلع وصرت كل ماطلع اساله وين رايح ومتا ترجع ولا تتاخر ؟؟؟؟
يعني المفروض يجي من الدوام الظهر يتغدا بعدين يرقد شوي بعدين يطلع يخلص شغله العصر
بعدين يرجع المغرب يصلي بعدين يتقهوا مع زوجته ويقعد معاها الين صلات العشاء عنده اجتماع
مع ربعه يروح بس مايطول حده بلكثير الساعه 10 يجي يتعشا ويزهر مع زوجته
اتمنا ماطول وماتملون من كلامي
مع خالص شكري المهستره221
ودمتي بخير…..[/FRAME]
لاتقدرين اتعدلين ولا اتغيرين شي في البيت
احلى شي الاعتدال يطلع من المغرب لين الساعه 10 كفايه
وبصراحه زوجي بيتوتي واذا طلع مارجع خخخخخخخخخخخخ
لانه يعاني من الم في ظهرة ( دسك ) فكان ما يطلع ابدا
وكان بالنسبة لي اشوي اضايق لاني ما اقدر ارد على اي هاتف اكلم صديقاتي
حتى اطلع
مع انه يقول لي اطلعي عادي
بس انا انحرج صراحة
بس حاليا الحمدلله معتدل في الخروج
بس اختي زوجها بيوتي من الصبح الى 9 مساءا
وسهراته تبدا بعد 9 الى 2- 1
يعني هذا النوع ايضا متعب
واذا كانت الزوجة من هذا النوع
شوفوا كيف راح يشتكي الزوج
و الله كلامكم فعلا صحيح الوحده اذا زوجها ليل نهار بالبيت تتعطل خخخخخخخ ما تلحق تخلص شغلها ولا تقدر تشوف احد ولا شي والمصيبة يقعد يدقق عليها بكل شي بالبيت
شاكرة لكم تفاعلكم الحلو واتمنى نسمع اراء باقي الاخوات المتزوجات 
فعلا اختي مكوث الزوج في البيت مشكلة و انا مع الاخوات انت تمكثين في مكان لا تقدرين الحركة يقيدك حتى شغل البيت كذلك ولا تنسي وجوده في البيت له متطلبات تحمل اعباء جديدة على الزوجة كما انك ان اردت تحضير مفاجئة لا تستطيعين كما انه لا يكون لك الوقت الكافي لتكوني لوحدك للاهتمام بنفسك و كما ان خروجه يحرك نوع من الشوق ولكن مكوثه يجعل منك شيئ تعود على وجودها ويختفي الشوق ما اقصده ان ذلك يطفئ الشرارة بينهما كما ان مكوثه في البيت يجعل مجال الشجار اوسع .
واذا طلع يحب يطلع وياي فقط يعني ما يحب يطلع مع ابوه او اخوانه وربعه قطعهم نهاااااااااائيا من تزوج يقول انه كل يوزونه انه ينحرف على قولته اهو ما يبغي ينحرف
يعني بصراحه قعدته في البيت مب ممله يعني ما يعلق ليش هذا جي وهذا جذاك يعني كافي خيره شره الحمدلله
وين المشكله عيل
المشكله اني يعني صرت ما اشتااااااااقله ابداااااااا صح احمد ربي الف مره انه بيتوتي مع انه امه تقول انه قبل لا يتزوجني كانوا ما يشوفون ويهه بالبيت كله بره ويا ربعه وسهر وخرابيط
يعني مرات اقوله اطلع ويا اخوك بس الصراحه اخاف من اخوه لانه خربوطي شويه فتلقيني حيرانه والله ودي يطلع وبنفس الوقت مافي انسان ثقه يطلع وياه واهو يعصب ويقولي شوه تعقيني على علان وفلتان شوه قاعد على قلبج يعني هم يزعل يوم اقوله اطلع
حوسه والله …. بس الحمدلله على كل حال
وعليكم السلام ورحمة الله وبركاته
و الله حبيبتي ركزتي على كذا نقطه صحيحة الوحده ما تلحق تسوي اي مفاجئة ولا تقدر تهتم بنفسها كثير لازم تكون طول الوقت قاعده وياه وبس يعني شوي لو يطلع تلقى الوحده فرصة تتعدل وتنظف البيت وتطبخ وكل شي بس اذا تم طول الوقت معاها ما بتقدر تسوي شي وفعلا القعده جذي فاضينن تخلي الاثنين يدوروا اي مشكلة يتضاربون عليها فأفضل لو شوي الزوج تكون له حياة خارجية غير طلعة الدوام وبس
شاكرة لك مرورك العطر عيوني واتمنى ما تبخلين علينا بأي إضافة
*^*
مدللة
لا حبيبتي اذا بها الحالة خليه قاعد بالبيت ابرك له دام الي برع ممكن يغيرون سلوكه
انا زوجي نفس الشي من ملكنا للحين وهو لا صداقه ولا ربع ولا شي كله بالبيت واذا طلع بس وياي واحيانا احس ان ها الشي قطعني عن ربعي والناس والزيارات كاملة وهو اصلا بروحه ما يحب الطلعات بالمره نادرا ما يحب يطلع وها الشي وايد يضايقني وحتى لو حبيت اطلع بروحي ما يسمحلي اذا هو موجود بالبيت وطبعا هو طول الوقت بالبيت ما شاء الله
مشكورة حبيبتي على مشاركتنا بتجربتك واتمنى لو عندك اي اضافة ما تبخلي بيها علينا يا رب
واتمنى كل وحده زوجها بيتوتي تفيدنا بتجربتها
انا الحمد لله زوجي معتدل
بس متأكدة ان الزوج البيتوتي ممل جداااااا
والله يساعد الزوجة عليه