أهلا بكل بنات عروس
انا بعد غياب عن المنتدى جاية وجايبة ليكم وصفة مدهش واكتر من روعة والله هتوقف التساقط وتنعم الشعر وتزود من قوة الشعرة وهتبقى سميكة جدا
انسى الخشونة
انسى التساقط
انسى البهتان
انسى الفراغات
أقسم بالله انى مجرباها ومستمرة عليها
كنت فى الاول مرتين فى الأسبوع لحد ما شعرى طول بسرعة جدا كمان وزوجى لاحظ الفرق
يلا نبدأ
كيس خميرة فورية صغير فى مصر تتباع ب 75 قرش
او لو عندك علبة كبيرة مقدار 2 ملعقة صغير لو شعرك متوسط الطول
لو شعرك طويل خليهوم 3 ملاعق صغيرة
وبعدين ضعى قليل جدا من الماء يدوب تتخمر الخميرة
وبعد ما تتخمر ضعى ملعقة صغيرة من كل الزيوت:
زيت زيتون
زيت دابر املا
زيت جوز هند
قليل من اى زيت عطرى لافندر او ورد
توضع الخلطة على الشعر المبلول قليلا
وتترك اقل وقت 3 ساعات
البسى البونيه واتركى الوصفة على شعرك
اغسلى بالشامبو الطبى شامبو يناسب نوع شعرك من الصيدلية
افضل شامبو اكرينال
للحصول على افضل النتائج استعملى الوصفة مرتين بالاسبوع
بالاضافة الى ماس زيت الثوم وزيت الخروع على بصيلات الشعر باقى الايام
بس فى مشكلة المتزوجات الريحة هتبقى صعب شوية
يعنى ممكن تستأذنى زوجك انك تنامى بعيد لو وافق اوك
بس اهم شئ بعد غسل الشعر دلكى راسك بزيت اللافندر
فترة العلاج هتكون 3 شهور
وطبعا لازم تاخدى فيتامينات للشعر مثل بانتوجار وحديد وزيت كبد الحوت
والله لو حستنى من طريقة حياتك ونظام اكلك شعرك هيتحسن تماما لانه اول حاجة بتتأثر فى الجسم خصوصا الحالة النفسية
وان شاء الله مع المواظبة على الوصفات والاهتمام بالنصايح شعرك هيكون صحى جدا بأمر الله فى انتظار الردود
ولو عجبكم موضوعى اتمنى التقييم
F::L
:
داادور على خلطة تطول الشعر بوقت قصير خاصة قبل العيد الكبير
مشكورة وربي يسعدك يارب
ماشاء الله باين عليها وصفة رائعة
ان شاء الله اجربها.. جزاك الله خيرا اختي
وتم التقييم
منورة القسم بموضوعك
F:
ربنا يوفقكم جميعا لما فيه الخير
 |
اقتباس |  |
 |
المشاركة الأساسية كتبها arch ahooda  |
 |
 |
| مشكورة حبيبتي …بس شنو يعني موس زيت الخروع الثوم ؟؟ | ||
 |
 |
حبيبتى يعنى زيت الخروع وزيت الثوم من عند العطار واستعمالهم مس للشعر يعنى تدليك فروة الرأس هذا هو معنى الكلمة
واى استفسار انا موجودة