المهم بلى الهدرة الزايدة ندخل بالموضوع..
قبل فترة بالشغل كانت معانا وحدة دايما تسال عن زيت او شي لبنتها لانه شعرها ضعيف,, ومرة سمعها هندي معانا بالشغل وقال لها عن زيت بس تستخدمه يوميا قالت له مايصلح لانها لازم تغسله لها بالشامبو عشان الروضة وموب زين يوميا شامبو,, قال الشامبو والصابون اهم اللي يعدمون البشرة والشعر…لاتغسلون شعركم بالشامبو ولاجسمكم بالصابون!!!!!!!!!!!!!!!
:qaq: :qaq:
قلنا وعي؟؟؟؟؟ ونظل جي الشعر يعفن والجسم تطلع له ريحة؟؟؟
:qaq: :qaq:
قال لنا تعرفون طحين الكباب خلطوه مع ماي واستخدموه بدل الصابون والشامبو!!!!
في البداية تعيجزت بس يات الهندية بعد ما سمعت كلامه وعلى طول سوته شعرها ما حسيت بفرق بس جسمها تقول ملمسه حلو..
قلت أنا شيضرني اجرب مرة واشوف..
والله يا بنات ماجذب عليكم رجعت البيت قلت خل اجرب طحين الكباب ليديني ورجليني
صدقووووووني رووووووووووووعة قليل بحقه نعوووووومة للجسم خيال بس المشكلة الريحة انا حطيت لي مسك روز قبل بعدين غسلت يديني ورجليني بيه وماطلعت ريحة
وقلت اخبر العرايس يمكن لهم حل للريحة مع انها ما تظل وايد يبي لها نص ساعة ,, بس بعد ما شفت النعومة ما تهمني الريحة لانها تروح مع الوقت..والأهم ما كو مواد كيماوية تضر البشرة والشعر
وسامحوني وايد اهدر
تحياتي…
عيني لو سمحتي شو هو طحين الكباب؟؟
كيف شكله,, يمكن انا اعرفه بس الاسم يختلف عدنا
وكيف طريقة الاستخدام,,, يعني احطه بماي او كيف
طحين الكباب اللي يسو بيه الكباب….خخخخخ..فسرتها يازعم اسمه بالانجليزي
kabab flour
وان شاء الله لما ارد البيت اصوره واحطه بالمنتدى..
والطريقة
تاخذي كوب وتخلي ثلثه طحين والباقي ماي يعني القوام ماله مو متماسك وايد ولا سائل وايد وتغسلي الشعر بيه ومثل الشي الجسم تفركيه بيه انا استخدم يدي لانه احس ينظف بس ممكن استخدام الليفة الدائرية الخفيفة..
واي سؤال حاضرين..
طحين الكباب هو نفسه طيحن النخي قصدي الحمص المطحون
أي هو مثله طحين النخي
تسلمين على نقل تجربتك
لكن حبيت اوضح ان طحين الحمص(الكباب/النخي)
ماينفع انه يستخدم كغسول او شامبو هو ممكن كمقشر رائع او كوصفه للعنايه
لكن كبديل للصابون مستحيل..
لان الجسم كل ماتفتح مساماته والانسان يعرق بتطلع منك ريحة كباب
لان ريحة الحمص الطبيعيه نفاذه وثاني شيء ممكن يعرض بشرتك للالتهابات
لان العرق اذا اختلط ببقايا حمص يتفاعل ويتعفن وبيجذب البكتيريا بالضبط كنك فاتحه
طبق به حمص مخلوط بالماء يخمر ويتعفن ونفس الشيء اذا ظل على البشره بلا غسل بالصابون
ونفس المشكله للشعر..الحمص ان غمرتيه بالماء يتفاعل ويتاكسد ويطلع رغوه وبالتالي تعفن
واذا غسل به الشعر تعرق مسامات الراس ويحدث نفس التفاعل .
ولزم تنبيهك بمساويء استخدامه كبديل للصابون او الشامبو.
وربي يحفظك ويبعد عنك الشر والضرر
يسلمووووو عالتجربه