وردة وكل الورد يمشي معاها ‘ زواجي 2024.

حفلة زواجي كانت بتاريخ 4 /3 /2011 يوم الجمعة

المكان: قاعة ناريمان

الدي جي : دي جي اميرة " شاهدتي فيها مجروحة ما قصرت ويانة لآخر دقيقة واهي في الصالة "

الاكل: بوفيه

التصوير: سكوب

الصالون : مركز صابرين كمال
الميك اب: صابرين كمال
الشعر: لطيفة

الفستان: مليكان..

لبسة اولى، لونه ابيض ناصع وفيه شوارفسكي من فوق وتحت ناعم فيه تطريزات خفيفة
الطرحة فيها شك ع الاطراف ووايد حبيتها :adore:

قعدت ع الساعة 8 الصبح ..
تريقت وقعدت اعدل الاغراض الي ابيها .. وبعدها سبحت

اتصلت للصالون عشان ابي اروح من وقت ، لانهم يبوني اروح الساعة 3 ،، وموعد تصويري 7 وآنه ماخذة المجلة والالبوم العادي فيعني اكيد بتأخر ..
حاولت معاهم ورضت تروح لي ع الساعة 2 تبدى الميك اب وبعدها اسوي شعري ..

انطلقت الساعة 1 وشي

وكان الطريج زحمة ،، ووصلت 2 الا 20 دقيقة تقريبا ،،

سشورت شعري الفلبينية .. وبعدها وصلت صابرين ،،

خبرتها باللون الي ابيه ، وكنت مصرة ان مابي وايد الوان يعني تدرجات البطيخي مع ذهبي وشوية اسود..
حاولت تقنعني احط الوان زود ما رضيت :worn_out:

خلصت مني ع الساعة 3 وشي
والحمد لله عجبني الميك اب .. كان مثل الي خاطري فيه :adore:

نطرت لطيفة تخلص من الي عندها وبدت فيني .. يمكن تسريحتي كانت في 20 دقيقة :-#
آنه شكيت فنفسي .. انها خلصت يعني:woo:
بعدها خبرتها انها تثبت التسريحة زود .. لان يمكن كلها 10 بلازم الي فيني ..
وكانت التسريحة كلها ملمومه ومرفوعة وفيها حركة بسيطة..

لبست فستاني عشان بودرة الجسم .. ورديت رحت لها مرة ثانية تزيد تثبيت التسريحة لاني حسيتها وايد خفيفة واحتمال تخترب مع اللبس وغيره كل شوي :thumbs_up:

ع الساعة 6 كنت مخلصة كل شي..
ونطرت خطيبي يخلص سمكرته ورحنا نستلم الباقة

جان يطلع اللون غير :I:
طالبة لون بطيخي حطولي اورنج غامج
يمكن نص ساعة خطيبي يحن ويهاوش الي بالمحل . آخر شي قالو لنا راعي المحل يقدر ايي بعد ساعة يصبغ اللون مرة ثانية :celebrate:
طبعا ما كنا فاضين لهم .. توكلت على الله دام اللون اورنج غامج والميك اب بصلي يعني راح يركب ان شاء الله :thumbs_up:

ورحنا الاستيديو ..

خلصنا ع الساعة 10 من الاستيديو ..
فرينا جم فرة ع الديرة و10 ونص وصلنا الصالة ..

نطرنا شوي ،، ودخلنا ع الساعة 11 تقريبا

على زفة يا وردة يا جميلة ..بما ان الدي جي اسلامي ما قدرت اتشرط واحط لي شي مب اسلامي :p

..

الحمد لله ماكان في طاولات فاضية .. لاني خفت شوي من الاوضاع،،
بس الي ما حضرو بسبب حالة الوفاة الي صارت قبل بيوم من اهل ابوي.. وقبل يومين من اهل خطيبي من بعيد

المسرح من ابو قاسم

الكيكة من الرسالة ..

انصدمت انهم ما سووها مثل الشي"الورد الي ع جنب"
سوو لي جم وحدة والبقية صناعي وما يناسب
+
النقش الي ع الكيكة خبرتها يحط لي بصلي حطاه لي وردي مثل الصورة الي وديتها
الحمد لله انها كانت من الاخير والصالة كان فيها عدد صغير محد لاحظ ان شاء الله :-#

الباقة من مزاهير

بعد ما اختلت الصالة وبقو اهلي واهله..
سوو لنا متيرب..