أول شي أحب أشكركم على هذا المنتدى الجدا رائع
وجبت لكم طريقة رائعة جدا لورق العنب وهي طريقتي اللي ما أغيرها
حتى أهلي وأصدقائي وكل ربعي في الدوام يحبونها ويتوصفون فيها لما ياكلونها وزوجي ما يحب ورق العنب إلا من إيدي طبعا أنا ما أمدح نفسي وجربوا وبتشوفون كلامي صدق ولا.
المقادير:
أولا : الحشوة:
رز مصري حسب الكمية اللي تبينها – 2ممعجون طماطم – مكعب ماجي – ملح – ملعقة صغيرة فلفل أسود – 3طماطم مقطعة قطع صغيرة – 2بصل مقطع قطع صغيرة – نصف حزمة من كل من شبت وبقدونس وكزبرة – نصف كوب نعناع طازج ومقطع ناعم -2م سماق – 2 فص ثوم مدقوق جيدا – كوب صغير مال الشاي عصيرليمون أو حسب ما تحبين تكون الحموضة -وبعد نفس الشي كوب زيت زيتون – طبعا ما ننسى ورق العنب .
ثانيا: مقادير المرقة:
مكعب ماجي – نصف كوب عصير ليمون – ملح – ماء بحيث يغطي ورق العنب – نصف ملعقة فلفل أسود – نصف كوب زيت زيتون.
الطريقة:
### تاخذين مقادير الحشوة ما عدا زيت الزيتون وتخلطينهم مع بعض شوي وبعدين اتيبين جدر أو مسخن وتحطين فيه الزيت اتخلينه يسخن اشوي وبعدين حطي الحشوة وقلبي لمدة دقيقة أو دقيقتين وطفي النار.
### طبعا كل حد يعرف طريقة الحشو…. اتخلين العروق لداخل وتحشين مقدار ملعقة صغيرة وتلفين الورق وهكذا …. وطبعا إذا كانت الورقة كبيرة نقصها بالنص نبدأ من العروق أرجوا انكم فهمتو شو قصدي لين مايخلص الورق والحشو.
### الحين اني لطريقة وضعه في الجدر: اتصفين أول شي بطاطس مقطع دوائر متينة اشوي في قاع القدر …. بعدين حطي طبقة من محشي ورق العنب…. بعدين طبقة من الطماطم المقطع دوائر … ثم طبقة من محشي ورق العنب….. وهكذا حتى يخلص المقدار اللي عندج…. في آخر طبقة اتحطين شرائح من فص ثوم واحد وبصلة مقطعة شرائح تنثر من فوق.
### بعدين نحط مقادير المرقة … ونغطي الجدر بالطريقة المعروفة انيب غطى اتكون أصغر من غطاة الجدر ونغطيها فيه حتى ما يطلع عندنا المحشي لفوق وبعدين نغطيه بالغطى الأصلية. ونحطه على النار حتى ينضج وقدميه
وبالهنا والعافية عليكم….
نسيت أقولكم اللي تجربها اترد علي لذيذة ولا مو لذيذة………..
الله يجزاك خير انا جربتها في مخي وعجبتني كثثثثثثثثثثثثثثثثييييييييييييييييررررررررررررررررر رر
:clap:
تسلم الأيادي عزيزتي
يسلموووووووووووووووووووووو
أشكركم على ردكم الطيب وأتمنى انكم اتجربونها…………….
مشكوره على الاكله شكلي بجربها
جزاك الله خير
متشوقة أعرف كيف طلعت عندكم………………..
بس ياريت ترفقين معاها صور
ألف شكر