كيفك بنات انشالله طيبين
اليوم بنزل لكم طرقي المتنوعه بالحلى
اهم شي لا طالعون حق الاسماء
لان الواحد عادي يسوي طبخه بس
الصعب انك اتسمينه
( حلى بعصير المانجا )
1-6 قطع سويسرول امريكانا بالفانيليا يقطع شرائح ويرص في الصينيه
2- في الخلاط نضع كيس دريم ويب – علبة قشطه – 6 حبات جبنه كيري
ونخلطها ونحطها على طبقه السويسرول ونضعه في الفريزر عشان يجمد بسرعه وتعملي الخلطه الثالثه بعد مايجمد
3- علبة عصير مانجا سيزر تضعيه على النار مع كيس واحد كريم كرميل وتحركيه على نار هاديه حتى يثقل وتضعيه على الخلطه السابقه
وبالهناء والعافيه
===================
(كيكه البقدونس)
لذيذه ورهيبه لايغرك الاسم واتحدى احد يعرف مكوناتها من الضيوف ودايم يطلبون طريقتها
1-في الخلاط 4بيضات – نص كاس ماء – كاس جزر مبشور – نص كاس زيت – كاس سكر – فانيليا – بقدونس ملئ قبضة اليد وبعد ماينخلط مزبوط
نضع الدقيق كاس ونص دقيق والبكينج بودر
ونحطها بالفرن لما تستوي نجهز الخلطه التاليه
2- كاس سكر يحمص على النار ولما يسيح نضع كيس كريم كراميل وعلبه قشطه ويصب الخليط على الكيك بعد ان يبرد
===================
( حلى التوفي طرقه ثانيه )
1- في الخلاط علبه حليب مركز وسط + 6حبات جبنه كيري + كيس كريم كرميل
بعد الخلط نضعها باكياس الحلويات ونضعها بالفرن الى ان تنتفش تقريبا لمده خمس دقايق بفرن حار
2- فنجان شاي سكر يسيح على النار ونضع عليه علبة قشطه ونحركه وبعد مايمتزج نضع على كل كيس شوي
وبالهنا تراه لذيذ
===================
(حلى اتحدي احد يتوقع انك انتي اللي مسويته راح يقولون من السوق
وطعمه ياسلاااااااااااااااااااااام )
1- علبه بسكويت فرنسي يرص بالصينيه
2- نحمص 2 كاس حليب على النار وبعد مايشقر لونه نضع عليه كاس سكر ناعم واصبع زبده سايحه ونقلبه مزبوط ونخرجه من النار ونخرجه من النار ونضع علبة قشطه ونحركه الى ان يتماسك ونفرده على البسكويت ونضع بالثلاجه بعد مابتجمد
3- نرص على الخلطه السابقه 7 كراتين حلاوه اولكر يعني جنب بعض واللي ماتعرف اي نوع اللي باشوكلاته يكون شكله مستطيل ومجوف من النص
4- في الخلاط 3حبات جبنه كيري +واحد علبه صغيره حليب مركز ونعبي الجزا المجوف بس من الاولكر
عاد تخيلي معاي طيقه بسكويت والثانيه بنيه والثالثه الاولكر وبوسطه خليط ابيض
===================
حلى سهل مررررررررررررررررررره بالباف باستي
تجيبي عجينه الباف باستري وتقطعيها اربع اجزاء مربعات طبعن وتحطيها بفناجين قهوه من النوع اللي يدخل الفرن مادري شسمها وتخليها بالفرن اللين تنتفش وتحمر
بعد كذا تجيبي جبنه كيري – وتسوي شيره – وتطحني فستق
الطريقه
راح تاخذي كل قطعه من الباف باستري وتضعيه بالكيس تبع الحلويات وتضعي بوسطه قطعه صغيره من الجبنه الكيري (تقريبا كل حبه جبنه تقطع الي 6 اجزاء صغيره وتوضع بالباف قطعه وحده بس ) وتصبي عليه ملعقه شاي من الشيره وترشي على الوجه قليل فستق
هذا حلو اذا احد بيجي وماعندك شي تسوينه مع القهوه يممممممممممممممم
====================
(التشيز كيك )
نفس اللي ينباع بالدانوب بنات السعوديه وبدل ماتشترينه بـ 88ريال سوي بـ40 ريال وانتي مفتخره انك انتي اللي سويتيه
1-اول شي سوي جلي ليمون الاصفر وقسميه على ثلاث زبادي وضعيه بالثلاجه وبعد مايبرد خذي بس زبديتين من الجلى
2- بالخلاط نضع زبديتين من الجلى +علبه جبنه فيلادلفيا جحم عائلي +قشطة بلادي جحم عائلي + حليب مركز علبه صغيره + 4 اكياس من الدريم ويب
وبعد ماتخلط كويس
نضع في صينيه التشيز كيك اول طبقه سويسرول امريكانا بالفراوله نقطه شرائح ونرصه ونضع عليه الخلطه بعد خلطها مزبوط بس اهم شي الخلطه لما تجي تصبيها على السويسرول اذا كانت مره سايله ضعيها بالثلاجه شوي بس تتماسك وحطيها على الكيك
وبعد كذا جبيبي حشوه الباي فلينق بالفراوله اول بالكرز وضعهيا على الوجه
ملاحظه ممكن تضعي بدل السويسرول بسكويت فرنسي مطحون مع اصبع زبده انا عن نفسي احب البسكويت اكثر لكن الناس اللي ذاقوه عندي حكموا ان السويسرول اطعم وانتي ورغبتك
والباقي اذا تشطرتوا وسويتوا شي من هالاشياء راح اضيفها يالله بلا كسل كل وحده تسويلها صنف وتعطيني رايحها ولا ماراح احط بعد كذا ولا شي ترى ماخفي كان اعظم
وتحياتي اتمنى من كل قلبي انها تعجبكم وتبيض وجوهكم قدام ازواجكم واللي ماتزوجوا حالاتي قدام الضيوف
تسلم يدك الغالية على المشاركة الحلوه
مو مهم الأسم مثل ما قلتى أهم شي الطبخه
مجهود حلو
وفي ترقب المزيد
ولكِ كل التحية والتقدير
ماشاء الله عليك ياعجوز القايله
اعجبتنى حلى الاولكر والباف باسترى
بس خفت من كيكة البقدونس لانى مااتخيل شكلها هى وكيكة الكوسه
عالعموم مشكوره وايد
:clap::clap::clap:
تسلمين اختي على المشاركه
ومشكوره على جهدك الرائع
يعطيك الف عافيه
دمتي لنا بالف خير
تقبلي تحياتي
اختك
بنت المملكة
الموضوع حلى الظاهر اشتركتى فيه بالغلط
ياليت اتراجعين المشاركه مره ثانيه
تحياتى
روز الكويت والله حتى انا كنت خايفه منه لكن مادام الناس يعجبهم انا اش علي
بنت المملكةتسلمين حبيبتي
qat121اما انتي بحاول اسمع نصيحتك واجرب اطبخ بالولب بس مادري اشلون يصير
2 :think:
اللي فيها الحلويات
مـــشــكـــورة عــلـى الــمــجـهـــود الــحـــلــو
والله يــعــطــيـج الــعــافــيـتة عــزيــزتـــي
تــحـــيــااااااتــــي
لاشكر على واجب حبيبتي
Amasy
مشكوره على المرور