يا مصريات ابي اتعلم المحشي ع اصوله 2024.

::: الطريقة للخلطة :::

1/ بصلة تكون مفرومة او مقطعة صغير جداااااااا، وفي شوية زيت + السمن على النار تشوحي البصلة ولما تدبل تحطي عليها الطماطم اللي ضربتيها في الخلاط، ، وشوية فلفل أسمر ومرقة ماجي(حسب الرغبة) + قرن الفلفل الأخضر (ممكن تحطيه بحاله او تقطعيه) + شطة (حسب الرغبة برضه وزي ما تحبي ازاي يكون المحشي حامي أو بارد).
2/ يغلي الخليط حتى تتسبك الطماطم تماما، نحضر الخضار المقطع (بقدونس + كزبرة+ شبت) ونضعهم على الخليط يتقلب تقليبتين ونصف دقيقة على النار فقط ثم يرفع من النار (نطفئ النار يعني).
3/ نحضر الأرز اللي تم تنقيته وغسله جيدا وتصفيته من الماء، ونضع عليه الطماطم المتسبكة ونبدأ نضبط الملح وندوق الخلطة بالرز علشان نختبر الملح.

وبس بكده الخلطة تكون جاهزة عندي للحشو على طول

بالنسبة للملفوف وورق العنب بتحشي عادي وتحطي في الحلة من تحت شرائح بصل وشرائح بطاطس رفيعة او تفردي الورق تحت علشان مش يلزق المحشي
وترصي المحشي لحد ما تخلصي بعدين تجيبي (مرقة وده أفضل) ولو مفيش هاتي مية تدوبي فيها ملح لحد ما تدوقي الملح بتاعك في الاكل وشوية فلفل اسمر وشوية شطة صغيرين ومرقة ماغي واغليها على النار لما المرقة تدوب واملي بيهم الحلة لحد ما المية توصل لاخر صف ومش تكتري، وبعدين وامسكي الحلة رجيها علشان المية تنزل تحت هتلاقيها قلت ارجعي زودي تاني لحد ما المية تبقى على اخر صف فقط متكتريش علشان مش يتهرى ويعجن.
وبالنسبة لورق العنب حطي طبق مقلوب على الوجه لحد ما يتشرب ميته وانقليه على نار هادية وغطيه، وفي ناس بتعصر عليه ليمون
وبالنسبة للكوسة والبدنجان والفلفل نفس الحكاية بس املي المية لحد الثلثين بالنسبة للمحشي يعني شوفي فين اطول كوسة او بدنجانة لانك طبعا بترصيها بطولها في الحلة توقفيها وتملي المية لحد الثلثين زي ما قولتلك وترصيها بالشكل ده علشان الرز مش يكب منها

وتسيبيها تغلي وغطي عليها ولما تلاقي المية قلت دخلي الشوكة كده في الكوسة او البدنجان بس من تحت مش من عند الفتحة لقيتيها دخلت بسهولة والرز عند الفتة استوت يبقى خلاص طفي عليها وطلعيها وهتلاقي المية قلت مبقاش في مية.

وبس يا ستي يا رب اكون قدرت اساعدك