خواتي الغاليات عضوات وزائرات منتدى عروس
بغيت اذكركم بماركه خذت منها اشياء وايد بسفرتي بالصيف
والحين وبعد مرور 4 شهور على تجربة منتجاتهم
اقدر اقولكم انها ماركه روعــــــــــــه وتستاهل وسام تميز :encore:
خصوصا بالمنتجات التاليه :
الشدوات
الشدوات السائبه الي بلمعه
منظف الفرش
القلوسات
البلاشرات
وللامانه ومن خلال تجربتي وتجربه خواتي وصديقاتي حسيتها فاشلة بالمنتجات التالية:
السكراب
صبغ الاضافر
البودره
كريم الاساس
نرجع للاهم وهو موضوعي اليوم والي خصصته لمنتجين في غايه الروعه وهم :
منظف الفرش , الشدورات البودره
أما الشدوات الي تجي في باليتات فما يحتاج أتكلم عنهم لان جودتهم مثل جوده
شدوات ميك اب فور ايفير مايتخيرون عنهم.
المهم ابدأ بمنظف الفرش من اليانتو ………………….
هالمنتج في غاية الروعه ينظف الفرش بسهولة ولا يخلي أي أثر للمستحظر عليها
وفوق هذا كله مايتلف شعر الفرش ولا يسبب تساقطه وسعره رخيص جدا جدا بالنسبة
لمنظفات الفرش من الماركات الثانية سعره تقريبا 25 ريال فقط يمكن اقل او اكثر شوي .
المنتج الثاني هو الشدوات البودره الي بلمعه ………………
شاقولكم يابنات هالشدوات لمعتهم تخبل وماكنت اظن انها تدوم بس بعد ما استخدمتهم
شفت شلون هي ثابتة واللمعه تبقى لحد ما تشلين الشدو من عيونج ماتتغير بس أهم شي
تستخدمينهم على الجفون بعد ما توزعين البينت او الكونسيلر على كامل الجفن وإذا بغيتي
ثبات أكثر استخدميهم فوق الشدو بمعنى اذا استخدمتي شدو اخضر حطي فوقه اللمعه الخضره
وشوفي شلون بغير لج شكل الشدو وبعطيه لمعه ورونق >>>>>> بعدها قولوا عاشقه قالت:yes:
المكان الي بتحصلون الماركة فيه :
الصراحة انا خذتها من ماليزيا بس هناك قالوا لي ان لهم فروع
بالامارات والسعوديه فقط واتمنى من كل وحده من بنات الامارات
والسعوديه والي تعرف مكانها تفيدنا عن مكان فروعهم بالمولات
من خلال الردود.
أتمنى إني أفدكم بشي بسيط عن هالماركه
وأي سؤال انا حاظره
عاشقه الدوحه
:888345:
والله يوفقك ويرزقك كل ما تتمنين
وعليكم السلام ورحمة الله وبركاته ..
هلا بمشرفتنا الكريمة ..
حقيقة من ناحيتي ما أعرف هالماركة ..
وتبين الصج مشرفتنا الكريمة ..
من كثر الماركات هاليومين ماعدنا نركز ونحفظ ..
ذاك اليوم كل المحلات يشوفوني كريمات أساس غريبه وبماركات مختلفه ..
وكلهم يقولون أنها أفضل الماركات اللي تستخدمها الصالونات ..
وضعنا .. :ss:
بس الشدو اللامع شكله جنان .. الله يهنيج فيه يا قلبي ..
وإن شاء الله ينزل عندنا بالكويت ونجربه ..
حبيبتي عاشقه الدوحه ..
مجهودج رائع .. والله يوفقج ويجزاج كل الخير ..
على مشاركتج المميزة ..
وهذا دليل حرصج على أنج تقدمين المساعدة للبنات ..
ألف شكر .. وعساج عالقوة .. (y)
وان شاء الله احصلها
تتهنين فيها يارب
مشكوره حبيبتي الله يعطيك عافيه
شكلها وايد روعه
بس للأسف انا مش فى ماليزيا و لا ألامارت و لا السعوديه
حصرتينى
بس عموما
مبارك عليكى و تتهنى فيهم
فعلا هالماركة حلوه…………………. أنا يوم سرت ماليزيا انا وخواتي انهبلنا عليها……….. واشترينا منها لنا وهدايا لربعنا وأهلنا وكل فكرنا انها مش موجوده في الامارات ويوم ردينا الفندق انصدم انه مكتوب على الكيس uae وتمينا نضحك على نفسنا ع بالنا يبنا شي مميز مش موجود في البلاد……………… حتى اخوي حفظ المحل …..كنا كل ما نسير مول نوقف عنده في ماليزيا………….. ويوم ردينا الامارات اخوي اتصل فيني يقولي حصلت الماركة الخضراء الي في ماليزيا لووووووووول ………………… وكانت موجودة في ميغا مول وصحارى ……. بس مش محلات اكشاك في نص المول …………… بس الحين سكروا آخر مره سرت المول ما حصلتهم ما أعرف ليش…………… وعلى فكره طبعا في فرق في السعر … انا كنت آخذ حبة الشدو ب 5 رنجت ماليزي يعني خمس درهم وفي الامارات تقريا اذا ما كنت غلطانه 15 درهم …………… سوري طولت عليكم ( قصة حياتي مع هالماركة) لووووووووووووووووووول
:87457::87457:
صج خاطري الحين بالمنظف و الشدو البيج اللي بلمعه باين لونه حلوووو ..
يعطيج العافيه 
غنوجة حيل
عزيزتي اي فرع اللي سكر ؟؟ أو اثنينهم سكروا ؟؟