خواتي الغاليات عضوات وزائرات منتدى عروس
وكان ودي اني انزله من فتره طويله بس كل مره يطري لي شي
يعطلني عنه لكن قلت خلاااااااااص لين متى بأجل وثاني شي
طاف وقت طويل من نزلت اخر موضوع
عشان جذي قلت لاااااازم انزل موضوعي لخواتي الغاليات الي ما اقدر اتاخر عنهم
انزل الموضوع بشكل ثاني ويكون مختلف ومفيد بنفس الوقت
&
LipGlosses
سواء البسيطه الي نعتمدها لكل يوم او للطلعات الخفيفه والصباحيه ولا لوكات
المناسبات لانه يبزر جمال الشفايف ويعطي المكياج شكل مميز
لون الروج بتشوفين فرق بشكل الوجه عشان جذي الروج يعتبر شي اساسي
ومهم جدا ان يكون يتناسق مع باقي المكياج ومع الملابس و المناسبه ايضا
و الاشياء الثانيه ……….
القلوسات
إستلودر من أفضل الماركات الي جربتها على الاطلاق سواء بالأرواج
رونق و منظر جذاب والقلوسات ايضا لمعاتهم حلوه جدا و ناعمه
وأحلى شي فيهم ثباتهم يثبتون لفتره طويله و يظل الروج مرتب على الشفايف
أرواج هالماركه قمه في الثبات والترطيب روووووووعه و الماركه جدا
راقيه وثباتهم عالي من ناحيه الألوان أكيد عندهم ألوان كثيره ومتنوعه بس أنا ما عندي
غير هالمجموعه الصغيره منها وصج إرتحت عليها كثير
أما القلوسات فجربت نوعين من عندهم النوع الي يكون بالفرشاه
بدون روج لان ألوانهم قويه و راقيه بنفس الوقت
النوع الثاني من القلوسات الي جربته من هالماركه هو الي على شكل
و حلووووووووجدا بس مشكلته انه
بالمحدد بعد ما يثبت مادري وش مشكلته معا شفايفي خخخخ
تجربتي مع أرواج هالماركه فاشله جدا بالالوان اولا اختيارتي ما حبيتها
ما يطلع حلو على الشفايف يعني ما تحسين انهم يناسبون على الشفايف وانتي
تحطينهم جربت احطهم بالفرشاه بعد نفس المشكله ما نفعوا معاي بس ثباتهم عالي
و ما يطيرون بسرعه ….
ما جربت غير هالقلوس والصراحه ماطلع مثل ما توقعت لاني خذته
والقلتر الواضح بالصوره ما يطلع على الشفايف ابدا
انواع ثانيه جيده مثل الارواج الي تجي في باليت كثير من البنات جربوها
وعجبتهم بثباتها وترطيبها ايضا عندهم قلوسات على شكل عصاره او تيوب وهذي
اذكر اني جربت منهم لون بالمحل وكان روووووووووعه انشاء الله راح اخذ منهم
قريب ………
عندي من هالماركه أرواج ماخذتها من فتره طويله جدا وحتى قلوساتهم
بس ارواجهم تجنن خصوصا الالوان كان عندهم ألوان حلوه كثير وريحتهم تهبل
ودج تاكلينهم من حلاتهم والقلوسات بعد ما تتغير ريحتهم مع انهم عندي من فتره طويله بس أبدا ما تغيرت ريحتهم ولا طعمهم و أستخدامهم مثل ما هو من خذتهم
عليهم لمعه راااااااااقيه حيل و ثباتهم حلو
هالماركه في الاروج رهيييييبه واحس اروجها قمه في النعومه والانسيابيه
كمن روج بس صج احبهم واستخدامهم روعه بس مشكلتهم ثباتهم مب ذاك الزود يعني
يبي لج تعديلن الروج كل بين فتره
أما هذوووول فماقدر استغني عنهم صحيح انهم قديمين جدا جدا خخخ بس لي معاهم
ومخليتهم لاجل غير مسمى :tongue: حتى لو اني ما استخدمهم
قلوساتهم قمه على قمه ماقدر اوصف اكثر لان كل شي فيهم حلو
استخدمت منهم بس هالنوعيه و أحسهم كانهم قلوسات من كثر ترطيبهم
لان ترطيبهم عالي ولمعتهم وااو ونعومين حيل يصلحون للدوام والطلعات الصباحيه
أرواج هالماركه جيده جدا لمعتهم حلوه و ثباتهم قوي ويدوم لفتره طويله بس
من الصوره اني ما استخدمهم وايد كله بسبه ريحتهم الي تشبه ريحه
الروج السحري خخخخخ
القلوسات روووووووووووووعه بكل معنى الكلمه أحسن من
وراقيه وثباتهم حلو انصحكم فيهم وبقوه لان صدق احس هالماركه منسيه بس
أنا جربت قلوساتهم الي من الكولكشن القديم بأول صوره والقلوسات من
الكولكشن الجديد والنوعين واااااااااايد حلوين
ماجربت شي من أرواجهم بس جربت هالقلوسين ماخذتهم من فتره مب قصيره
بس مادري ليش ما أخذ منها غير المسكرا :ss:
عمري ما شريت من هالماركه شي من المكياج بس كنت استخدم
عندي من هالروج 4 خخخخ وكلهم نفس اللون ……… ماقدر أقول رايي بأرواجهم
لاني ما ستخدمت غير هالروج والقلوسات بس عماما أرواجهم رايقه و ناعمه جدا
و درجه الترطيب فيها ممتازه غير جذي تحسين الروج ينساب على الشفايف وانتي
تحطينه يعني اتوقع باقي ارواجهم بنفس المستوى واحسن أما قلوساتهم
فترطيبها فضييييييييع احبهم حيل .
ماعندي غير هالروج اليتيم من هالماركه بس خواتي جربوا أرواجهم
و قلوساتهم أحس ان جوده قلوساتهم أفضل من الأروج بس بشكل جيدين
من هالماركه ما جربت الأرواج بس قلوساتهم واااو واااو واااو صج لمعتهم قويه
ويطلع لي اياه يجنن لمعته فضيه و فيه قلتر نااااااعم وراقي جدا …
القلوس الأحمر أنا استخدمه بدون روج لان لونه قوي جدا وثابت وما يحتاج لروج
في أنواع ثانيه من القلوسات بهالماركه وكل الي جربوهم يمدحونهم يعني أحس
قلوساتهم بالذات ممتازين من حيث الألوان والترطيب و اللمعه .
سبق وتكلمت عنهم بمواضيع سابقه قلوسات اليانتو واااااااااااايد حلوين
بالنسبه لسعرهم و احسهم ينسابون على الشفايف بطريقه حلوه جدا وناعمه جربت
النوعين الي بالاسفنجه بالصوره الي فوق والنوع الثاني الي شكله عصار والنوعين
رووووووووعه بالاستخدام انشاء الله اذا رحت ماليزيا باخذ منهم مره ثانيه لاني صج
ارتحت باستخدامهم …
يعني جودتهم مش مثل القلوسات .
على جودتها العاليه وريحتها الي تجنن إكتشفت مؤخرا ان ما عندي من
بأرواجها وقلوساتها الي لا يعلى عليهم بالترطيب والألوان و اللمعه الراقيه
إنشاء الله ناويه على هالماركه نيه قشره خخخخ بالقريب العاجل ….
جربت من عندهم هالروجين الي على شكل قلم و الروج البطيخي
كثير يعني ما فكر أشتري روج من سيفورا الا إذا مالقيت مثل لونه بماركات
ثانيه ………
ماعندي غير هالقلوس الميني ومحصلته هديه على مشترياتي بس من
مافي احلى منهو معروف ايضا ان أرواجهم شيييييييي ألوان و لمعه وترطيب
ناويه أخذمنهم بس مادري متى 😮
طبعا هالماركه ماعندها مكياج بس مره جابوا قلوسات وخذت منهم واحد وعجبني حيل
Kanebo
أرواج كانيبو شريتهم بالفتره الاخيره بالصدفه يعني ما كنت حاطه
في بالي هالماركه بس يوم جربتها تحسفت اني ما خذت منها من زمان ,,,
ترطيبهم عذااااااااااب و ألوانهم تجنن و يعطون شكل حلو كثير للشفايف وثباتهم
ولا أروع يثبتون على الشفايف لفتره طويله و لا يغير شكل الروج .
حبيتهم من كل قلبي :15::15::15:
وصلنا لأحلى أرواج عندي الي هم
MAC
طبعا أرواج ماك ماقدر اوصفهم أبد لان كل الي بقوله عنهم قليل رووووووووووعه
من الخاطر ترطيب , ألوان , انسيابيه على الشفايف , جاذبيه بالشكل , لمعه يعني
احسهم قمه في الروعه طبعا هناك أنواع كثيره في ماك مثل :
SATAN مثل SNOB
AMPLIFIED مثل UP THE AMP
CREMESHEEN مثل RAVISHAINEG
LUSTRE مثل LUSTRING
FROST مثل STRAYIN من كولكشن هيلوكتي
GLAZE مثل HIGH TOP من كولكشن الفافي وهالروج تكون لمعته بقلتر خفيف
SLIMSHINE مثل ARDOR
وكل الي ذكرتهم سابقا بلمعه بس تختلف لمعاتهم و وقوتها من نوع لاخر بإستثناء
MATTE مثل GLADIOLA هذا مات ( بدون لمعه )
قلوسات ماك
قلوسات ماك رووووووووووووووعه بالترطيب واللمعه واللون بس مشكلتهم الثبات
يعني يحتاجون تعديل بين وقت ووقت .
هذا القلوس الوحيد الي على شكل عصار او تيوب و هذا احلى قلوس عندي لمعته
رايقه وراقيه بنفس الوقت وثباته احسن من الباقي
الحين ننتقل للنقطه الثانيه بموضوعنا وهي
الطريقه المثلى والصحيحه لوضع الروج !!
- في بدايه وضع المكياج يفضل وضع مرطب او بلسم للشفاه وتكمله باقي المكياج لحين يجي وقت وضع الروج ومن ثم مسح الباقي من المرطب او البلسم باستخدام منديل ناعم او فوطه ناعمه لازاله القشور و الجلد الميت .
- تغطيه الشفايف بالفونديشن المستخدم للوجه بشكل خفيف لان هالشي يسهم بثبات الروج
- رسم الشفتين بقلم التحديد بشكل مرتب و حسب شكل الشفاه يعني لا تحاولين تغيير شكل شفايفج لان هالشي يظهر واضح بعد وضع الروج واذا بغيتي تكبرين الشفايف شوي ممكن انج ترسمين الخط خارج الشفايف بس يكون ملاصق للشفتين .
وضع الروج باستخدام الفرشاه الخاصه بوضع الروج او باستخدام الروج نفسه و حاولي انج تبتسمين وانتي توزعين الروج بحيث يتغلغل بكل ثنيات الشفايف بشكل حلو .
- بالخطوه الاخيره حطي القلوس الي تحبينه فوق الروج لاضفاء لمعه حلوه و اذا بغيتي تبرزين الشفايف و تبينين شفايفج مكتنزه وزعي قليل من القلوس الفاتح بوسط الشفاه فقط بدون الاطراف .
وكيف نحل مشكله سيلان الروج , القلوس والشفاه المتشققه !!
سيلان الروج من المشكلات الي نواجهها كثير خصوصا اذا كان الروج من نوعيه غير جيده و أفضل طريقه لحل هذه المشكله:
- استخدام التحديد قبل وضع الروج
- توزيع الفونديشن على كامل الشفايف قبل وضع الروج
- وضع طبقه من الروج وبعدها نقوم بالعض على منديل ورقي ومن ثم وضع طبقه ثانيه من الروج وهالشي يثبت الروج اكثر
- استخدام المقشرات الجاهزه للشفاه وهالانواع ممكن تلاقينها عند عده ماركات مثل بينفت , البدي شوب, ماك مره نزلوا نوع حلو من مقشر الشفايف مع بلسم الشفاه يعني 2 في 1 وكان للاسف ليميتد.
الشفاه المتشققه !!
هالمشكله نعاني منها كلنا و ممكن نحلها بالمواضبه على عده امور :
- استخدام مرطب الشفاه او البلسم بشكل دائم
- الحرص على عمل تقشير للشفايف بين فتره واخرى عن طريق وضع المرطب او الفازلين وبعدها نفرك الشفايف بفوطه ناعمه او فرشاه ناعمه وهالشي يسهم في التخلص من الجلد الميت .
- اتباع الخطوات السابقه في وضع الروج
راح اعرض افضل انواع المحددات الي استخدمها بالترتيب من الافضل الى الاقل جوده كالتالي :
إستخدمت أنوع ثانيه مثل ( ريفلون , ايف سان لوران وكان ممتاز جدا , سمايلنق وكلهم كانوا جيدين
بس خلصوا وما رجعت شريت منهم مره ثانيه )
استلودر
كرستنديور
مكياجي
HR
ريميل ( نسيت اصوره )
NYX
لانكستر
نينا ريتشي
اليانتو
أدري هذرت واجد :tongue:
بس هذي كانت تجاربي المتواضعه مع عده ماركات من الارواج والقلوسات
واتمنى اني افدتكم ولو بالقليل واني ما ثقلت عليكم ………
وبالاخير ما اتمنى غير ………
دعوه بظهر الغيب ان ربي ييسر اموري
عاجلا غي اجلا ولكم بالمثل خواتي الغاليات
خواتي الغاليات اذا عجبكم موضوعي ياليت تضغطين ضغطه
استغرق مني اسبوعين بالتصوير والاعداد و التنسيق
وهذا كله عشان عرايس المنتدى وهو خاص وحصري لمنتدى عروس
غير محلله بنقله .
بس الحمدلله في ناس عندهم جنون الارواج شراتي خخخخخخخ
موضوع متعوب عليه الصراحة وانا مفكرة اسوي هالموضوع من زماااان بس لكثرة الارواج اللي عندي ولاني ادري ان الموضوع متعب هونت
الصراحة انا بخلي موضوعج مرجع لي وبسيفه ك الوب بيج المفضل عندي
ربي يعطيج العافية وان شاء الله اتخلصين الارواج بصحة وعافية مع اني ادري ان صعب اتخلصينهم
دومج مبدعة يا مشرفتنا 
التصوير و الإخراج و المعلومات وترتيب الموضوع محترف
تسلمين عشوووقة
يعطيج العافية
حاولت أقيمج بس ما رضى الميزان
منتهى الأناقة
ما شاء الله تبارك الرحمن
موضوع خطير رهيب و يجنن
اختيارج لا يعلى عليه في الالوان
الصراحه موضوع شامل لا خلينا من الابداع
تستاهلين العافيه فديتج
وربي يحقق لج اللي في بالج يا رب
معلومات تفيد البنات إذا بيشترون أو في حل مشاكل الروج و الجلوسات
التصوير واضح و ممتاز ما شاء الله عليك
عندي بس طلب صغيرون لو تحطين لنا صورة لطريقة ترتيبك لهم
هذول علشانك لأن الميزان ما راضي يخليني أقيمك
ولا اشتريه بعد الا بس 2 فعادي بس احط ارواج ؟
ما شاء الله تبارك الرحمن موضوع راااااائع
تسلم اناملك ع الجهد المبذول